ဆောင်းပါးရှင်
မောင်မြန်မာ-ခရီးသွား

ကြီးပွားချမ်းသာ နည်းလမ်းအဖြာဖြာ
ယနေ့ကမ္ဘာပေါ်တွင် နိုင်ငံပေါင်း(၂၀၀)ကျော်ရှိကြသည့်အနက် နိုင်ငံအသီးသီးတို့သည် မိမိနိုင်ငံ၏ဖြစ်တည်ရာသဘာဝအခြေအနေ၊ တည်နေရာ၊ ရာသီဥတု၊ လူမျိုးများ ပေါင်းစည်းနေထိုင်မှု၊ စက်မှုအတတ်ပညာများမြင့်မားစွာတတ်မြောက်မှု၊ ကျွမ်းကျင်မှု စသည်တို့အပေါ်အားသာချက်ကို အခြေခံ အရင်းတည်လျက် အားထားသင့်သည့် စီးပွားရေးလုပ်ငန်းကြီးများကိုရွေးချယ်ကာ နိုင်ငံ့စီးပွား ရေးအဓိကမဏ္ဍိုင်အဖြစ် ထူထောင်လုပ်ကိုင်ကြပြီးနိုင်ငံခြားငွေကို အလိုကြီးစွာ အားသွန်ခွန်စိုက် ကြိုးပမ်းရှာဖွေကြလေသည်။ ဥပမာ- စက်မှုထိပ်သီးနိုင်ငံကြီးများသည် လွန်ခဲ့သည့်နှစ်ပေါင်းများစွာကပင် စက်မှုအတတ်ပညာများ ထွန်းကား ခဲ့ပြီးဖြစ်၍ လေယာဉ်ထုတ်လုပ်ခြင်း၊ သင်္ဘောထုတ်လုပ်ခြင်း၊ မော်တော် ကားထုတ်လုပ်ခြင်းနှင့် အခြားသော စက်မှုထည်ပစ္စည်းများ (အချို့နိုင်ငံကြီးများ စစ်လက် နက်ပစ္စည်း ထုတ်လုပ်မှုအပါအဝင်) အမြောက်အမြားထုတ်လုပ်လျက် ကမ္ဘာအနှံ့တင်ပို့ရောင်းချကာ စီးပွားရှာကြလေ သည်။ ထိုနည်းဖြင့် ကြွယ်ဝချမ်းသာသော နိုင်ငံများအဖြစ်သို့ ရောက်ရှိလာခဲ့ကြလေသည်။

ထိုနည်းတူစွာပင်၊ သဘာဝသယံဇာတပေါများစွာ အလျှံပယ်ထွက်ရှိသည့် ရေနံထွက်နိုင်ငံများ၊ သဘာဝဓာတ်ငွေ့ထွက်နိုင်ငံများ၊ ရွှေထွက်ရှိသည့်နိုင်ငံများ၊ စိန်ထွက် ရှိသည့် နိုင်ငံများမှသည် မီးစုန်း (ဖော့စ်စဖရပ်)ထွက်ရှိသည့်နိုင်ငံများတို့သည်လည်း ယင်းလုပ်ငန်းများကို ပင်မစီးပွားရေးအဖြစ်အားထား ရပ်တည်ကာ ကြွယ်ဝချမ်း သာကြလေသည်။ အလားတူ စိုက်ပျိုးမြေကျယ်ပြန့်ပြီး သဘာဝရာသီဥတု ကောင်းမွန်သည့် နိုင်ငံများကလည်း အဆင့်မြင့်စိုက်မွေးနည်းပညာများဖြင့် စိုက်ပျိုးရေး၊ မွေးမြူရေး လုပ်ငန်းများ အကြီးအကျယ်လုပ်ကိုင်ကာ စိုက်ပျိုးရေးထွက်ကုန် ပစ္စည်းများ၊ မွေးမြူရေးထွက်ကုန် ပစ္စည်းများအမြောက်အမြားကို နိုင်ငံတကာသို့ တင်ပို့ရောင်းချခြင်းဖြင့် နိုင်ငံခြားငွေအမြောက် အမြားရရှိပြီး ကြီးပွားချမ်းသာကြလေသည်။ တစ်ချို့နိုင်ငံများမှာလည်း သဘာဝပင်လယ်ကြီးများ နှင့်သမုဒ္ဒရာကြီးများမှ ရေအောက်သယံဇာတများကို ထုတ်ဖော်ရယူရောင်းချခြင်းဖြင့် ဝင်ငွေကောင်း ကြလေသည်။
ယနေ့ခေတ်အခါတွင်မူ အိုင်တီခေတ်သို့ ရောက်ရှိလာလေသည်ဖြစ်ရာ အဆင့်မြင့်အိုင်တီ နည်းပညာများဖြင့် အဆင့်မြင့်အိုင်တီပစ္စည်းများ၊ တစ်ဆင့်ခံဆက်စပ် ပစ္စည်းများ စသည်တို့ကို တွင်ကျယ်စွာထုတ်လုပ်လျက် ကမ္ဘာတစ်လွှားသို့ ဖြန့်ချိရောင်းချကာ ဝင်ငွေကောင်းကြလေသည်။ သတင်းနှင့် နည်းပညာအချက် အလက်မြင့်မားလာမှုကြောင့် ယနေ့ကမ္ဘာ၌ လူကြိုက်များလှသော အင်တာနက်အခြေခံ လူမှုကွန်ယက်များထူထောင်ခြင်း၊ ယင်းကွန်ယက်များကို အသုံးချ၍ အမျိုးမျိုး စီးပွားရှာကြခြင်းဖြင့်လည်း ကြီးပွားချမ်းသာကြလေသည်။

အရင်းမစိုက် လှေထိုးလိုက်
အထက်ဖော်ပြပါ နည်းလမ်းများဖြင့် နိုင်ငံခြားငွေအမြောက်အမြားရရှိပြီး ကြီးပွားချမ်း သာရန်မဖြစ်နိုင်သော၊ အခက်အခဲရှိသောနိုင်ငံများ၊ ခေတ်နောက်ကျ ကျန် ရစ်နေသော နိုင်ငံများ လည်းရှိကြလေရာ ယင်းနိုင်ငံများတို့သည် “အရင်းမစိုက် လှေထိုးလိုက်” ဆိုသကဲ့သို့ အရင်းအနှီး ကြီးကြီးမားမားမစိုက်ရဘဲ၊ အတတ် ပညာကြီးကြီးမားမားမစိုက်ရဘဲ ငွေရလွယ်ကူနိုင်သည့် ဆူလွယ် နပ်လွယ်စီးပွားရေးလုပ်ငန်းတစ်ရပ်ဖြစ်သည့် ခရီးသွားလုပ်ငန်းကို အဓိကထားလျက် နိုင်ငံခြားငွေ ရှာဖွေ ခြင်းကိုလုပ်ဆောင်လာကြပေတော့သည်။ထိုသို့လုပ်ကိုင်လာကြရင်းဖြင့်ပင်“မုဆိုးစိုင်သင်” ဆိုသကဲ့ သို့ ခရီးသွားဆိုင်ရာ အတွေ့ အကြုံကောင်းများ ပိုမိုရရှိတတ်မြောက်လာကြကာ လုပ်ငန်းများတိုးချဲ့ ကြလျက် နိုင်ငံခြားဝင်ငွေကောင်းလှသော စီးပွားရေးလုပ်ငန်းကြီးများအဖြစ်သို့ တဖြည်းဖြည်း တိုး တက်ရောက် ရှိလာကြလေတော့သည်။ ယင်းသို့လုပ်ဆောင်ကြသည့် နိုင်ငံများထဲတွင် စတင်အားပြု အရှိန်ယူနေဆဲနိုင်ငံစာရင်း၌ မြန်မာနိုင်ငံသည်လည်း တစ်ခုအပါ အဝင်ဖြစ် ပါသည်။ ခရီးသွားလောက ၏ တင်စားခေါ်ဆိုသည့် “မီးခိုးမထွက်သော စက်ရုံလုပ်ငန်း(Smokeless Industry)”ဆိုသည့် စကားအတိုင်း ထိတွေ့ကိုင်တွယ်နိုင်သော (Tangible)ထုတ်ကုန်ပစ္စည်းများ ထုတ်လုပ်ရန်မလိုဘဲ၊ ထိတွေ့ကိုင်တွယ်မှု မလိုသည့်ထုတ်ကုန်(Intangible)၊ တစ်နည်းအားဖြင့် ဝန်ဆောင်မှုပေး၍ ဧည့်ဝတ်ကျေ ပွန်မှု(Hospitality)ပေး၍ ငွေရှာနိုင်သောလုပ်ငန်းတစ်ခုဖြစ်လေသည်။ ထို့ကြောင့် ကမ္ဘာ့နိုင်ငံတော်တော်များများသည် ခရီးသွားလုပ်ငန်းဘက်သို့ အာရုံပြောင်းကာ အထူးအလေးထား ဆောင်ရွက်လာကြလေသည်။

စာရေးသူတို့မြန်မာနိုင်ငံသည်လည်း အခြားသောပြည်ပ(Export)တင်ပို့နိုင်သည့် ထုတ်ကုန် (Tangible) ပစ္စည်းလောက်လောက်လားလား ထုတ်လုပ်တင်ပို့နိုင်ခြင်း မရှိသေးသော အခြေအနေ ဖြစ်၍ခရီးသွားလုပ်ငန်း(Smokeless Industry) ကို ရှေးဦးစွာ အားပြုလုပ်ကိုင်သင့်လှပေသည်။ မြန်မာနိုင်ငံအနေဖြင့် ခရီးသွားလုပ်ငန်း တဖြည်းဖြည်းချင်းတိုးတက်နေသော်လည်း အာဆီယံနိုင်ငံ များနှင့်နှိုင်းယှဉ်ပါက ခရီးသွားလုပ်ငန်းတွင် များစွာနောက်ကျ ကျန်ရစ်နေသည်ကို အောက်ပါဇယား တွင် လေ့လာနိုင်ပါသည်။

ဘာတွေလိုသလဲ
တဖက်မှာလည်း ခရီးသွားလုပ်ငန်းတို့၏ သဘောသဘာဝသည် အခြားသောစီးပွားရေး လုပ်ငန်းများနှင့်မတူဘဲ ထိလွယ်ခိုက်လွယ်၊ အကဲဆတ်လွယ်ပြီး သိမ်မွေ့ နက်နဲသည့် သဘောရှိပေ သည်။ သဘာဝဘေး(ဥပမာ-မြစ်ရေကြီးခြင်း၊ ဆည်တာတမံကျိုးပေါက်ခြင်း၊ ငလျှင်လှုပ်ခြင်း၊ မီး တောင်ပေါက်ကွဲခြင်း၊ ဆူနာ မီဖြစ်ပေါ်ခြင်း) တို့ကြောင့်လည်းကောင်း၊ ထို့အပြင် လူ့ပယောဂ ဖြစ် သည့် နိုင်ငံတွင်းအကြမ်းဖက်မှုများရှိနေပြီး မတည်မငြိမ်ဖြစ်နေလျှင်သော်လည်းကောင်း၊ နိုင်ငံရေး ပဋိပက္ခများရှိနေလျှင်သော်လည်းကောင်း၊ ရောဂါဘယထူပြောပြီး ကူးစက်ရောဂါဆိုးများ သတင်း ပေါ်လာလျှင်လည်းကောင်း၊ စစ်ပွဲများရှိနေ လျှင်သော်လည်းကောင်း၊ လုံခြုံရေးစိုးရိမ်ရသည့် အခြေ အနေမျိုးရှိလျှင်သော်လည်းကောင်း စသည့်စသည့်အကြောင်းများကြောင့် ခရီးသွားဧည့်သည်လာ ရောက်ခြင်း ရုတ်တရက်ကျဆင်းမှုများရှိတတ်ပေသည်။ ယင်းအချက်များ ပြည့်စုံကောင်းမွန်နေလျှင် သော်မှ ထပ်မံ၍လိုအပ်သေးသည်မှာ တခြားနိုင်ငံများမှာထက် မိမိတို့နိုင်ငံအတွင်း ကြည့်ရှုလည် ပတ်ချင်စရာခရီးစဉ် (Destination)များပြားခြင်း၊ အလွယ်တကူသွားရောက်နိုင်ခြင်း၊ ဧည့်ဝတ်ကျေ ပွန်ခြင်း၊ နေထိုင်သွားလာ တည်းခိုစရိတ်များသက်သာခြင်း၊ ကြော်ငြာအားကောင်းခြင်း စသည်တို့ကလည်း အရေးကြီးလှပေသည်။ မြန်မာနိုင်ငံအနေဖြင့်မူကား စွဲမက်နှစ်သက်စရာ ခရီးစဉ်ဒေသအများအပြား အမျိုးအစားစုံလင်စွာရှိပြီးဖြစ်သည်ကို အထူးပြောရန်မလိုတော့ပေ။ ပင်လယ်ကြီးများ၊ ကျွန်းများမှ သည် အပူပိုင်းဒေသများနှင့် မိုးထိမြင့်မားလှသည့် ရေခဲဖုံးတောင်တန်းကြီးများအထိ သဘာဝ တရားကြီးကပေးအပ်ထားပြီးဖြစ်လေသည်။ ထို့အပြင် ရှေ့နှစ်ပေါင်းထောင်ချီ ရှည်ကြာလာခဲ့သည့် ဘာသာတရားနှင့် ယဉ်ကျေးမှုအမွေအနှစ်များ၊ ပြည်ထောင်စုတိုင်းရင်းသားလူမျိုးစု တစ်ရာကျော်တို့ ၏ ရိုးရာဓလေ့၊ နေထိုင်မှုစရိုက် ထုံးတမ်းအစဉ်အလာများ၊ ဂမ္ဘီရဆန်သည့် ဖြစ်စဉ်ဖြစ်ရပ်များ၊ သဘာဝမြစ်ချောင်းအင်းအိုင် ပင်လယ်ကမ်းခြေအလှအပများ၊ လွန်ခဲ့သည့် နှစ်ပေါင်းသန်း ၄၀ ကျော် ခန့်က လူတူပရိုင်း မိတ်ရုပ်ကြွင်းများစသည်တို့နှင့်လည်း ပြည့်စုံလှပေသည်။

တက်ညီလက်ညီရှေ့သို့ချီ
အထက်တွင်ဖော်ပြခဲ့သကဲ့သို့ အရင်းအနှီးနည်းနည်းဖြင့် နိုင်ငံခြားငွေအမြောက်အမြား ရှာဖွေ ပေးနိုင်သည့်လုပ်ငန်းဖြစ်သည့်အားလျော်စွာ မြန်မာနိုင်ငံတွင်လည်း နိုင်ငံတော်အကြီးအကဲများအနေ ဖြင့်ခရီးသွားလုပ်ငန်းကဏ္ဍမှ နိုင်ငံခြားငွေအများအပြားရရှိရေး၊ အားကိုးရမည့်ကဏ္ဍဖြစ်လာရေး တို့အတွက် အထူးအာရုံ စိုက်တွန်းအားပေးဆောင်ရွက်လာသည်ကို တွေ့ရပေသည်။ များမကြာသေးမီက ဟိုတယ်နှင့်ခရီးသွားလာရေးဝန်ကြီးဌာနမှ ကြီးမှူးကျင်းပသည့် အမျိုးသား ခရီးသွားလုပ်ငန်းဖွံ့ဖြိုး တိုးတက်ရေးဗဟိုကော်မတီအစည်းအဝေး (၁/၂၀၁၈) ကို ၂၀၁၈ခုနှစ် သြဂုတ်လ(၃)ရက်နေ့က နေပြည်တော်၊ သင်္ဂဟဟိုတယ်၌ကျင်းပခဲ့ရာ နိုင်ငံတော်၏ အတိုင်ပင်ခံပုဂ္ဂိုလ်ကိုယ်တိုင်တက်ရောက် ခဲ့ပြီးခရီးသွားကဏ္ဍဆိုင်ရာ လိုအပ်သည့်လမ်းညွှန်မှာကြားချက်များပေးခဲ့ပါသည်။ များစွာမှတ်သား ဖွယ်ရာကောင်းလှပါသည်။ အစည်းအဝေးသို့ အမျိုးသားခရီးသွားလုပ်ငန်းဖွံ့ဖြိုးတိုးတက်ရေးဗဟို ကော်မတီ ဥက္ကဌ နိုင်ငံတော်သမ္မတ(၂)၊ ဆက်စပ်ဝန်ကြီးဌာနများမှ ပြည်ထောင်စုဝန်ကြီးများ၊ တိုင်းဒေသကြီးနှင့် ပြည်နယ်အစိုးရအဖွဲ့များမှ ဝန်ကြီးချုပ်များ၊ မြန်မာနိုင်ငံစက်မှုလက်မှုနှင့် ကုန်သည်ကြီးများအသင်းချုပ် (UMFCCI)နှင့် မြန်မာနိုင်ငံခရီးသွားလုပ်ငန်းအဖွဲ့ချုပ် (MTF)မှ တာဝန်ရှိပုဂ္ဂိုလ်များ၊ လက်တွေ့နယ်ပယ်တွင် လုပ်ငန်းဆောင်ရွက်နေကြသော ဟိုတယ်နှင့်ခရီးသွား ကဏ္ဍမှ စီးပွားရေးလုပ်ငန်းရှင်များစသည်ဖြင့် စုံညီစွာတက်ရောက်ကြလျက် မြန်မာနိုင်ငံခရီးသွား လုပ်ငန်းအရှိန်အဟုန်ဖြင့်ဖွံ့ဖြိုးတိုးတက်ရေးကို ကျယ် ကျယ်ပြန့်ပြန့်ဆွေးနွေးခဲ့ကြပါသည်။ အစည်း အဝေးဆွေးနွေးပွဲမှရလဒ်ကောင်းများလည်း ထွက်ပေါ်လာခဲ့သည်ကိုတွေ့ရပါသည်။ အစည်းအဝေး တက်ရောက် လာသူ ဗဟိုကော်မတီဝင် ပြည်ထောင်စုဝန်ကြီးတစ်ပါးကဆိုလျှင် အနာဂတ်နိုင်ငံတော် စီးပွားရေးတွင် ခရီးသွားလုပ်ငန်းကို နံပါတ်(၁)ဝင်ငွေအကောင်းဆုံး၊ အားအထားရဆုံးဖြစ်လာလိမ့် မည်ဟု ယုံကြည်ကြောင်းအထိပင်ပြောဆိုမှတ်ချက်ပြုခဲ့ပါသည်။


ခရီးသွားလုပ်ငန်းဖွံ့ဖြိုးတိုးတက်ရန်မှာ ဟိုတယ်နှင့်ခရီးသွားလာရေးဝန်ကြီးဌာနက အခရာ (Focal)ဖြစ်သော်လည်း တစ်ဦးကောင်း၊ တစ်ဖွဲ့ကောင်းဖြင့် ဆောင်ရွက် ၍ရသည်မဟုတ်ပဲ အဖွဲ့ စည်းများအလိုက်၊ ဝန်ကြီးဌာနများအလိုက်၊ နိုင်ငံများအလိုက်ညီညာမှု(Team Work)ဖြင့် လုပ် ဆောင်သွားကြရမည့် သဘောရှိပါသည်။ ပြည်တွင်းသို့ ဝင်ရောက်မှုလွယ်ကူစေရေးအတွက် ဗီဇာ (Visa)ထုတ်ပေးရသည့်ဌာနသည်လည်းကောင်း၊ လူဝင်လူထွက်စစ်ဆေးရသည့် Immigration ကိစ္စသည် လည်းကောင်း၊ လေယာဉ်များ၊ ရေယာဉ်များ၊ မော်တော်ကားများ၊ နယ်စပ်ဖြတ် ယာဉ်တန်းများ အလွယ်တကူဝင်ရောက်နိုင်ရေးအတွက် ပို့ဆောင်ရေးလုပ်ငန်းစဉ် သည်လည်း ကောင်း၊ ကျန်းမာရေးစောင့်ရှောက်မှုများနှင့် လုံခြုံရေးများကောင်းမွန်စေရေးအတွက် စီမံထားရှိမှု များသည်လည်းကောင်း စသည်တို့မှာ သက်ဆိုင်ရာ ဌာနများကမဖြစ်မနေပူးပေါင်းဆောင်ရွက်ကြရ မည့်အလုပ်တာဝန်ကိစ္စများဖြစ်ပေသည်။ ယနေ့အခါ မြန်မာနိုင်ငံ၌ ယခင်ထက်ပူးပေါင်းဆောင် ရွက်မှုပိုမိုရှိလာကာ အဆိုပါကိစ္စများ အထိုက်အလျောက်တိုးတက်ကောင်းမွန်လာပြီဖြစ်ပေသည်။
ဧည့်သည်အမျိုးအစားပေါ်မူတည်၍ ခရီးသွားပုံသဏ္ဍာန်အမျိုးမျိုးရှိကြလေရာ ယခုအခါ မြန်မာနိုင်ငံ ၌ ပုံမှန်လည်ပတ်သွားလာသည့် Culture and Nature Tourism များအပြင် Sport Tourism၊ Caravan Tourism၊ Marine Tourism၊ Adventure Tourism၊ CBT ခေါ် Community Based Tourism (ရပ်ရွာအခြေပြု လူထုခရီးသွားလုပ်ငန်း)ဟူ၍ စသည်ဖြင့်အမျိုးအစား စုံလင်စွာ ရှိလာခဲ့ပေသည်။
ကနဦးခြေလှမ်းများလည်း အရွေ့ရှိလာကာ စတင်အောင်မြင်နေပြီဖြစ်ပါသည်။ ယခုနှစ်အတွက် အထူးခြားဆုံးမှာကား ဟိုတယ်နှင့်ခရီးသွားလာရေးဝန်ကြီးဌာနက အတတ်နိုင်ဆုံးပြည့်စုံအောင် အချိန်ယူရေးဆွဲပြုစုခဲ့သော “မြန်မာနိုင်ငံခရီးသွားလုပ်ငန်းဥပဒေ” သည် လွှတ်တော်အသီးသီးက အတည်ပြုနိုင်ခဲ့ပြီးနောက် နိုင်ငံတော်သမ္မတ က လက်မှတ်ရေးထိုးခဲ့ပြီး ယခုနှစ် ၂၀၁၈ခုနှစ် စက်တင်ဘာလ(၂၀) ရက်နေ့တွင် ထုတ်ပြန်ပြဌာန်းခဲ့ပေသည်။
ပြည်ပဧည့်သည်များ လွယ်ကူစွာဝင်ရောက်လာနိုင်ရေးအတွက် ဖြေလျှော့မှုအဖြစ် အာဆီယံ နိုင်ငံများကို ကာလအတန်ကြာကပင် Free Visa ပေးထားခဲ့ပြီးဖြစ်ပြီး ယခုအခါ ထပ်မံ၍နိုင်ငံတော် အကြီးအကဲများ၏ လမ်းညွန်ချက်များနှင့်အညီ အဖွဲ့အစည်းများ၊ ဌာနများ ပူးပေါင်းဆောင်ရွက်မှု
ရလာဒ်အဖြစ် ဂျပန်နိုင်ငံနှင့် တောင်ကိုးရီးယား Ordinary Passport ကိုင်သူနိုင်ငံသားများအတွက် Free Visa ကိုလည်းကောင်း၊ တရုတ်နိုင်ငံသားများကို ဆိုက်ရောက်ဗီဇာ (Visa on Arrival ) ဖြင့်လည်းကောင်း ၂၀၁၈၊ အောက်တိုဘာ(၁)ရက်နေ့မှစ၍ မြန်မာနိုင်ငံသို့ဝင်ခွင့်ပြုပေးသွား တော့မည်ဖြစ်ပါသည်။

Tourism and the Digital Transformation
ကမ္ဘာ့ခရီးသွားလုပ်ငန်းအဖွဲ့ချုပ်(UNWTO)သည် ကမ္ဘာ့ဒေသအသီးသီးရှိ ခရီးသွားလုပ် ငန်းအဖွဲ့အစည်းများ၊ ပုဂ္ဂလိကခရီးသွားလုပ်ငန်းအဖွဲ့အစည်းများနှင့် မပြတ်ထိတွေ့ဆက်သွယ်ကာ ခရီးသွားကဏ္ဍစဉ်ဆက်မပြတ် ဖွံ့ဖြိုးတိုးတက်ရေးကို ပူးပေါင်းဆောင်ရွက်လျက်ရှိရာတွင် နှစ်စဉ်နှစ် တိုင်း နိုင်ငံအသီးသီး၌ ကမ္ဘာ့ခရီးသွားလုပ်ငန်းနေ့ (World Tourism Day စက်တင်ဘာ ၂၇ရက်) ကို အခမ်းအနားများဖြင့် ကျင်းပစေပြီး UNWTO အထွေထွေအတွင်းရေးမှူးချုပ်၏ သဝဏ်လွှာ များပေးပို့ ဖတ်ကြားစေလျက်ရှိပါသည်။ မြန်မာနိုင်ငံတွင်လည်း World Tourism Day ကို ၂၀၁၂ ခုနှစ်မှစ၍ နှစ်စဉ်ကျင်းပလာခဲ့ရာ ယခုလာမည့် ၂၀၁၈ စက်တင်ဘာလ (၂၇)ရက်တွင်လည်း ကျင်းပရန် အချိန်ထပ်မံကျရောက်လာတော့မည်ဖြစ်ပေသည်။ ယမန်နှစ်က ၂၀၁၇၊အောက်တိုဘာလ တွင် World Tourism Day နေ့ အခမ်းအနားကို နေပြည်တော် အပြည်ပြည်ဆိုင်ရာကွန်ဗင်းရှင်း ဗဟိုဌာန -၂ (MICC II) ၌ကျင်းပခဲ့ရာ ဗဟိုကော်မတီဥက္ကဌ နိုင်ငံတော်ဒုတိယသမ္မတ(၂) ဦးဟင်နရီဗန်ထီးယူ တက်ရောက်ချီးမြှင့် အမှာစကားပြောကြားခဲ့ပါသည်။ အခမ်းအနားသို့ ဗဟိုကော်မတီဝင်ပြည်ထောင်စုဝန်ကြီးများ၊ နေပြည်တော်ကောင်စီဥက္ကဌ၊ တိုင်းဒေသကြီးနှင့် ပြည်နယ်အစိုးရအဖွဲ့များမှ တာဝန်ရှိသူများ၊ အမြဲတမ်းအတွင်းဝန်များ၊ ညွှန်ကြားရေးမှူးချုပ်များ၊ ပြည်ပသံရုံးများမှသံတမန်များ၊ UN နှင့် လက်အောက်ခံ အဖွဲ့အစည်းများမှ တာဝန်ရှိသူများ၊ NGO INGO များ၊ ဟိုတယ်နှင့်ခရီးသွားလုပ်ငန်းရှင်များ စုံညီစွာ တက်ရောက်ခဲ့ကြပါသည်။ ယခု ၂၀၁၈၊ စက်တင်ဘာလ (၂၇)ရက်နေ့တွင်ကျရောက်မည့် ကမ္ဘာ့ခရီးသွားလုပ်ငန်းနေ့အတွက် ကမ္ဘာ့ခရီးသွားလုပ်ငန်း အဖွဲ့ချုပ်၏ဆောင်ပုဒ်(Motto)မှာ “Tourism and the Digital Transformation” ဖြစ်ပြီး မြန်မာဘာသာဖြင့် “ခရီးသွားလုပ်ငန်းမြှင့်တင်ဖို့ ဒီဂျစ်တယ်နည်း ပညာဖြင့် ပြောင်းလဲစို့” ဟုဆီလျော်အောင် ပြန်ဆိုထားပါသည်။
ယခု ၂၀၁၈ စက်တင်ဘာလ(၂၇)ရက်နေ့တွင် ကျရောက်မည့် ကမ္ဘာ့ခရီးသွားလုပ်ငန်းနေ့ အထိမ်းအမှတ်အခမ်းအနားကို ထိုနေ့တွင် နေပြည်တော်၊ သင်္ဂဟ ဟိုတယ်၌ စည်ကားသိုက်မြိုက်စွာ ကျင်းပပြုလုပ်သွားရန် စီစဉ်ထားလျက်ရှိရာ နိုင်ငံတော်အဆင့်အကြီးအကဲတစ်ဦး တက်ရောက် ချီးမြှင့်မည်ဖြစ်ပြီး Digital Marketing ဆိုင်ရာပြခန်းများကိုလည်း စုံလင်စွာပြသသွားမည်ဖြစ်ပေသည်။ ခရီးသွားကဏ္ဍနှင့်သက်ဆိုင်သူများ၊ အဖွဲ့အစည်းများကို စုံလင်စွာတက်ရောက်ကြနိုင်ရေး လည်းဖိတ်ကြားထားရှိပြီးဖြစ်ပါသည်။
ယနေ့ခေတ်သည် အိုင်တီခေတ်ဖြစ်လေရာ အထက်ပါဆောင်ပုဒ်နှင့်အညီ လုပ်ငန်းနယ်ပယ် အသီးသီးအရပ်ရပ်တို့တွင် ဒီဂျစ်တယ်နည်းပညာကို တွင်ကျယ်စွာ အသုံးချလာကြပေသည်။ ယင်း လုပ်ငန်းနယ်ပယ်များအနက်မှ ခရီးသွားလုပ်ငန်းကဏ္ဍတွင်လည်း ဒီဂျစ်တယ်နည်းပညာကို ထိရောက်စွာ
အသုံးပြုလျက် ခရီးသွားကဏ္ဍကို မြှင့်တင်ဆွဲဆောင် ကြော်ငြာမှုပြုကြလေသည်။ ဒီဂျစ်တယ် နည်းပညာကိုအသုံးပြုခြင်းဖြင့် ခရီးသွားကဏ္ဍအတွက် အောက်ပါအကျိုးကျေးဇူးများ ရရှိလာမည် ဖြစ်ပေသည်-
(၁) Digital တီထွင်ဆန်းသစ်မှုကြောင့် အချိန်ကိုကျုံ့သွားစေပြီး သမားရိုးကျ လုပ်ဆောင် ချက်မှ ခွဲထွက်ခြင်း
(၂) ဒီဂျစ်တယ်နည်းပညာနှင့် လူတို့၏ဉာဏ်ရည်ကို ပေါင်းစပ်ပြီး ကွန်ပျုတာမှတဆင့် အကြီးစားအချက်အလက်များ၊ အဆင့်မြင့်နည်းပညာများရရှိပြီး ခရီးသွားလုပ်ငန်း လျှင်မြန်စွာတိုးတက်စေမည့် အခွင့်အလမ်းများကို ဖန်တီးပေးနိုင်ခြင်း
(၃) ကမ္ဘာနှင့်အဝန်း စီးပွားရေး၊ လူမှုရေးဆိုင်ရာ ဖွံ့ဖြိုးတိုးတက်ရန် အပြုသဘောဆောင် သော အရွေ့တစ်ခုဖြစ်လာစေခြင်း
(၄) ခရီးသွားဧည့်သည်များအနေဖြင့် အတွေ့အကြုံသစ်များကို ပိုမိုလိုလားရယူလာကြရာ ခရီးစဉ်ရွေးချယ်ရာတွင် ဒီဂျစ်တယ်နည်းပညာအသုံးပြုခြင်းဖြင့် ဈေးကွက်ပိုမိုတိုးမြှင့် ရရှိလာနိုင်ခြင်း

Activities များ
ယနေ့အခါ မြန်မာနိုင်ငံတွင်လည်း ဧည့်သည်များပိုမိုလာရောက်ရေးအတွက် Digital နည်း ပညာကို စတင်အသုံးပြုနေပြီဖြစ်ပါသည်။ ဟိုတယ်နှင့်ခရီးသွား လာရေးဝန်ကြီးဌာနသည် အာဆီယံ နိုင်ငံများ၊ အာရှနိုင်ငံများ၊ ကမ္ဘာ့အနောက်ခြမ်းနိုင်ငံများရှိ ခရီးသွားလုပ်ငန်းဌာနများ၊ အဖွဲ့အစည်း များနှင့် မပြတ်ဆက် သွယ်ထိတွေ့လျက် နိုင်ငံတကာခရီးသွားပြပွဲများတွင် သွားရောက်ပြသခြင်း၊ ဆွဲဆောင်ခြင်း၊ ခရီးသွားဆိုင်ရာ အစည်းအဝေးများတက်ရောက်ခြင်း၊ Seminar များ၊ Workshop များတွင်ပါဝင်ခြင်း၊ အပြန်အလှန်လာရောက်လေ့လာလည်ပတ်စေသည့် ခရီးစဉ်များဖန်တီးပေး ခြင်း၊ ပြည်ပသင်တန်းများစေလွှတ်ခြင်း၊ အလားတူပင် မြန်မာနိုင်ငံက အိမ်ရှင်အဖြစ် ခရီးသွားပြပွဲ လက်ခံကျင်းပပြီး နိုင်ငံတကာမှ လာရောက်ပြသစေခြင်း၊ ခရီးသွားဖိုရမ်ပြုလုပ်ပေးခြင်း၊ အစည်း အဝေးများ လက်ခံကျင်းပခြင်း၊ HR ကဏ္ဍ ဖွံ့ဖြိုးတိုးတက်ရေးဆောင်ရွက်ခြင်း၊ နိုင်ငံဖြတ်ကျော် ယာဉ်တန်းခရီးစဉ်များစီစဉ်ပေးခြင်းတို့ကို စဉ်ဆက်မပြတ် လုပ်ဆောင်နေပေ သည်။ ပြည်တွင်းပွဲစဉ် တစ်ခုဖြစ်သည့် မြန်မာ့ရိုးရာအစားအစာပြပွဲကြီးကို မန္တလေးတိုင်းဒေသကြီး၊ ပုဂံမြို့၊ လောကနန္ဒာ ဘုရား၌ (၁၆-၈-၂၀၁၈)မှ(၁၇-၈-၂၀၁၈) အထိကျင်းပပြုလုပ်ခဲ့ရာ တိုင်းဒေသကြီးနှင့် ပြည်နယ် အသီးသီးတို့မှ ဒေသရိုးရာအစားအစာများကို ပြသပြီးနိုင်ငံခြားသားဧည့်သည်များကို ထိတွေ့မြည်း စမ်းစေခဲ့သဖြင့် အကြိုက်တွေ့ခဲ့ကြပါသည်။ ယင်းပွဲတော်သို့ ဟိုတယ်နှင့်ခရီးသွားလာရေးဝန်ကြီး ဌာန၊ ပြည်ထောင်စုဝန်ကြီး ကိုယ်တိုင်တက်ရောက် ဖွင့်လှစ်ပေးခဲ့ပါသည်။
ကမ္ဘာ့နိုင်ငံအသီးသီးတို့သည် မိမိတို့နိုင်ငံ၏ ခရီးသွားဆိုင်ရာအမှတ်တံဆိပ်နှင့် ကြွေးကြော် သံ(Slogan)များကို အလျဉ်းသင့်သလို သတ်မှတ်ရွေး ချယ်ဖော်ဆောင်ကြလေသည်။ ထိုသို့ဖော်ပြရာ တွင် ရုပ်ပုံလေးများနှင့်အတူ ကြွေးကြော်သံတစ်ခုခု စာသားကိုပါ ရေးသားလေ့ရှိကြပါသည်။ မြန်မာ နိုင်ငံသည်လည်း အလားတူခရီးသွားဆိုင်ရာအမှတ်တံဆိပ်နှင့် ကြွေးကြော်သံ(Slogan) ကိုဖော်ပြရာ တွင် ၂၀၁၃ခုနှစ်မှ ၂၀၁၇ခုနှစ်အထိ “Myanmar Let the Journey Begin” ကို အသုံးပြုခဲ့ပါသည်။
ယခု ၂၀၁၈ မှစ၍ “ Myanmar Be Enchanted ”ကို နိုင်ငံတော်အတည်ပြုချက်ဖြင့် စတင် အသုံးပြုသွားမည်ဖြစ်ပါသည်။ အဓိပ္ပါယ်မှာ မြန်မာနိုင်ငံသည် နှစ်သက်ကြည်နူးဖွယ်ကောင်းသော၊ ညှို့ယူဖမ်းစားနိုင်သော တိုင်းပြည်ဖြစ်သည်ဟုဆိုနိုင်ပါသည်။
အထက်တွင် ဖော်ပြခဲ့သကဲ့သို့ ခရီးသွားလုပ်ငန်း၏ ထိလွယ်ရှလွယ်သောသဘောအရ ယမန် နှစ်၂၀၁၇၊ သြဂုတ်လအတွင်း မြန်မာနိုင်ငံအနောက်ဖျား၊ ရခိုင်ပြည်နယ်မြောက်ဖျားနယ်စပ်ဒေသ တွင်ဖြစ်ပေါ်ခဲ့သည့် အကြမ်းဖက်မှုများကြောင့် ထိုသတင်းများကို ကမ္ဘာ့မီဒီယာများကလည်း ပုံကြီးချဲ့ဖော်ပြကြသဖြင့် အနောက်နိုင်ငံများမှ မြန်မာနိုင်ငံသို့ လာရောက်လည်ပတ်(အထူးသဖြင့် ရခိုင်ပြည်နယ်သို့) မည့်ဧည့်သည်များ လျော့နည်းကျဆင်းသွားခဲ့ရပါသည်။ သို့ရာတွင် တစ်ဖက် တွင်လည်း ယင်းအခြေအနေကို အမြန်ကုစားနိုင်ရန် ရည်ရွယ်ချက်ဖြင့် ကမ္ဘာ့အရှေ့ပိုင်းချမ်းသာ သောနိုင်ငံများ(ဂျပန်-တောင်ကိုရီးယား-တရုတ်-မကာအို -ဟောင်ကောင်-ထိုင်း)သို့ ခြေဦးလှည့်ကာ ဧည့်သည်များကို ဖြေလျှော့ပေးသည့်အစီအစဉ်များ နိုင်ငံတော်ကခွင့်ပြုပေးခဲ့သဖြင့် ယခုအခါ ယင်းနိုင်ငံသားခရီးသည်များ ပိုမိုတိုးတက်ဝင်ရောက်လာခဲ့ကြပါသည်။

ကမ္ဘာတလွှားခရီးသွားကြသူများ
ကမ္ဘာ့ခရီးသွားလုပ်ငန်းအဖွဲ့ချုပ်(UNWTO)မှ ထုတ်ပြန်သောစာရင်းဇယားများအရ ၂၀၁၇ တစ်နှစ်တာအတွင်း ကမ္ဘာတလွှားရှိနိုင်ငံအသီးသီးသို့ ခရီးသွားလာကြ သူပေါင်း သန်းပေါင်း ၁၃၂၃ သန်းကျော်ရှိလေသည်။ ပြင်သစ်နိုင်ငံသည် ပြည်ပဧည့်သည်ပေါင်း ၈၆.၉ သန်းကျော်(ဝင်ငွေ ယူရိုငွေ သန်းပေါင်း ၂၀၄.၃ ဘီလီယံဖြင့်) လာရောက်သဖြင့် ပထမ၊ စပိန်နိုင်ငံသည် ဧည့်သည် ၈၁.၈ သန်း ကျော်(ဝင်ငွေ ယူရိုငွေ သန်းပေါင်း ၁၇၂.၉ ဘီလီယံဖြင့်) လာရောက်သဖြင့် ဒုတိယ၊ အမေရိကန် နိုင်ငံသည်ဧည့်သည်ပေါင်း ၇၅.၉ သန်းကျော် (ဝင်ငွေဒေါ်လာသန်းပေါင်း ၁၅၀၁.၉ ဘီလီယံဖြင့်) လာရောက်သဖြင့် တတိယ နေရာအသီးသီးတွင် ရပ်တည်လျက် ရှိနေကြပါသည်။ အာဆီယံနိုင်ငံများ တွင်မူကား အိမ်နီးချင်းထိုင်းနိုင်ငံသည် ၂၀၁၇ခုနစ်အတွင်း ပြည်ပဧည့်သည် ၃၅ သန်းကျော် (ဝင်ငွေဒေါ်လာ ဘီလီယံ ၅၃ ကျော် သန်းပေါင်း ငါးသောင်းသုံးထောင်ကျော်)ရရှိခဲ့ကာ ထိပ်ဆုံးမှ အပြတ်အသတ် နှစ်စဉ်နှစ်တိုင်း ဗိုလ်စွဲလျက်ရပ်တည်နေသဖြင့် ထိုင်းတို့ကို ငေးမောအားကျနေ ကြရပေ သည်။ ထိုဝင်ငွေမျိုးသာ စာရေးသူတို့နိုင်ငံရရှိမည်ဆိုပါက (လောလောဆယ်ဆယ် မဖြစ်နိုင် သေးသော်လည်း) ဆင်းရဲသောနိုင်ငံစာရင်းမှ တစ်ခါတည်းလွတ်မြောက် သွားနိုင်မည်ဟု ယုံကြည်မိ ပါသည်။

မုချမသွေ လုပ်ကြစို့လေ အဆွေတို့ရေ

အထက်တွင်ရေးသားတင်ပြခဲ့သကဲ့သို့ နိုင်ငံတော်အား သဘာဝတရားကြီးက ပေးအပ်ထား သည့်အရင်းအမြစ်များ၊ အမွေအနှစ်များပြည့်စုံနေသည့်အပြင် လူသား အရင်းအမြစ်များလည်းပြည့်စုံ လာပြီဖြစ်၍ မည်သို့ပင်အခက်အခဲများရှိစေကာမူ မုန်တိုင်းစဲလျှင် လေပြည်လေညှင်းရောက်လာ သည်ဆိုသကဲ့သို့ ဇွဲမလျှော့ပဲ၊ စိတ်မ ပျက်ပဲ လဲနေလျှင်ပြန်ထမည်ဟူသော စည်းလုံးညီညွတ်မှု စိတ်ဓာတ်ဖြင့် မိမိတို့ပြည်သူအားလုံး ကာယစွမ်းအား၊ ဉာဏစွမ်းအား၊ ဝီရိယစွမ်းအားများ စိုက် ထုတ်လျက် ခရီးသွားကဏ္ဍကြီး တိုးတက်ရေး မာန်ဟုန်ပြင်းပြင်းဖြင့် ကြိုးပမ်းအားထုတ်လိုက်ကြ မည်ဆိုလျှင် အောင်မြင်မှုပန်းတိုင် အဘယ်မှာဝေးပါတော့မည်နည်း။ အထက်ပါ အနေအထားများ ကြောင့် နိုင်ငံတော်ကမှီခိုအားထားနိုင်မည့် တိုင်းပြည်နံပါတ်တစ် ဝင်ငွေဖြစ်လာနိုင်ခြေရှိသည့် အချိန်တိုအတွင်း အရင်းအနှီးသိပ်မစိုက်ရဘဲ ဝင်ငွေကောင်းလှသည့် (နိုင်ငံခြားငွေအမြောက်အမြား ရရှိရေး၊ ပြည်သူလူထုများ၏ လူမှုစီးပွားဘဝမြင့်မားလာရေးအတွက်) ခရီးသွားလုပ်ငန်းမြှင့်တင် ရေးကို “မုချမသွေ လုပ်ကြစို့လေ အဆွေတို့ရေ” ဟု တိုက်တွန်းရင်း မကြာမီ၂၀၁၈ခုနှစ် စက်တင်ဘာလ ၂၇ရက်နေ့တွင်ကျရောက်မည့် ကမ္ဘာ့ခရီးသွားလုပ်ငန်းနေ့ကို ကြိုဆိုဂုဏ်ပြုရေးသား လိုက်ရပါသည်။