နေပြည်တော်၊ အောက်တိုဘာလ (၁၀)ရက်

ဧရာဝတီတိုင်းဒေသကြီးအတွင်း ခရီးသွားလုပ်ငန်းဖွံ့ဖြိုးတိုးတက်ရေး ညှိနှိုင်းဆွေးနွေးပွဲကို (၉.၁၀.၂၀၁၈) ရက်နေ့၊ (၁၃း၀၀) နာရီအချိန်တွင် တိုင်းဒေသကြီး အစိုးရအဖွဲ့ရုံး၊ အစည်းအဝေးခန်းမ (၁) ၌် ကျင်းပပြုလုပ်ခဲ့ရာ စည်ပင်သာယာရေးဝန်ကြီးဌာန ဝန်ကြီး ဦးကျော်မြင့်၊ တိုင်းအဆင့်ဌာနဆိုင်ရာ တာဝန်ရှိသူများ၊ ဟိုတယ်နှင့်ခရီးသွားညွှန်ကြားမှုဦးစီးဌာန ဒုတိယညွှန်ကြားရေးမှူးနှင့် တာဝန်ရှိသူများ၊ ဟိုတယ်ဇုန်များမှ တာဝန်ရှိသူများ တက်ရောက်ကြပါသည်။

ဆွေးနွေးပွဲတွင် စည်ပင်သာယာရေးဝန်ကြီးဌာန ဝန်ကြီးက အဖွင့်အမှာစကား ပြောကြားခဲ့ပြီး တက်ရောက်လာသူများက သက်ဆိုင်ရာကဏ္ဍအလိုက် ဆွေးနွေးခဲ့ကြရာ ရန်ကုန်-ပုသိမ် အဝေးပြေးကား လမ်းတစ်လျှောက်တွင် အဆင့်အတန်းမီ သန့်ရှင်း သပ်ရပ်ကောင်းမွန်မှုရှိသော အများပြည်သူသုံးသန့် စင်ခန်းများ တိုးတက်ပေါ်ပေါက်လာစေရေး၊ ခရီးသွားလုပ်ငန်းဈေးကွက်မြှင့်တင်နိုင်ရန်အတွက် ရုပ်သံ ရိုက်ကူးထုတ်လွှင့်ပြသနိုင်ရေး၊ ခရီးသွားလုပ်ငန်းကဏ္ဍဆိုင်ရာ Website အား လွှင့်တင်ဆောင်ရွက်သွား နိုင်ရေး၊ ကမ်းခြေဒေသများတွင် ရိုးရာယဉ်ကျေးမှု အနုပညာအကအလှများဖြင့် ဖျော်ဖြေ၍ ပြည်တွင်း/ ပြည်ပခရီးသွား ဧည့်သည်များ အား ဆွဲဆောင်နိုင်ရေး၊ စားသောက်ဆိုင်များမှ ကျန်းမာရေးနှင့် ညီညွှတ် သည့်အစားအစာများကို သန့်ရှင်းသပ်ရပ်စွာ အဆင့်အတန်းမီ တည်ခင်းရောင်းချနိုင်ရေးနှင့် ကျန်းမာရေး အသိများတိုးတက်လာစေရန် အသိပညာပေးဟောပြောပွဲများ ဆောင်ရွက်သွားနိုင်ရေး စသည့် ကိစ္စရပ်များ အား ဆွေးနွေးခဲ့ကြပြီး ဆွေးနွေးပွဲအား (၁၄း၀၀) နာရီ အချိန်တွင် ရုပ်သိမ်းခဲ့ကြောင်း သတင်းရရှိပါသည်။