နေပြည်တော် မတ်လ ၅ ရက်

ဟိုတယ်နှင့်ခရီးသွားလာရေးကဏ္ဍ ဖွံ့ဖြိုးတိုးတက်လာသည်နှင့်အမျှ ပိုမိုတိုးတက်ဝင်ရောက်လာသော ကမ္ဘာလှည့်ခရီးသွားဧည့်သည်များကို  အဆင်ပြေချောမွေ့စွာ သွားလာလည်ပတ်နိုင်ရေး  သက်ဆိုင်ရာကဏ္ဍအလိုက် ကောင်းမွန်သောဝန်ဆောင်မှုများပေးနိုင်ရန်၊ ဒေသခံလူငယ်များ အလုပ်အကိုင်အခွင့်အလမ်းများ ရရှိစေရန် နှင့် လူစွမ်းအားအရင်မြစ်များ ဖွံ့ဖြိုးတိုးတက်စေရန်ရည်ရွယ် ရှမ်းပြည်နယ်အစိုးရအဖွဲ့၊ ဟိုတယ်နှင့်ခရီးသွားလာရေး ဝန်ကြီးဌာန၊ ဟိုတယ်နှင့်ခရီးသွား ညွှန်ကြားမှုဦးစီးဌာန(တောင်ကြီးရုံးခွဲ)၊ ပညာရေးဝန်ကြီးဌာန၊ နည်းပညာသက်မွေး ပညာနှင့်လေ့ကျင့်ရေးဦးစီးဌာန (ညောင်ရွှေသက်မွေးပညာသင်တန်းကျောင်း)၊ မြန်မာနိုင်ငံဟိုတယ်လုပ်ငန်းရှင်များ အသင်း(ရှမ်း/တောင်ဇုန်)၊ Myanmar-Luxembourg Development Cooperation နှင့်နော်ဝေအခြေစိုက် Partnership For Change Organization (PFC)တို့ ပူးပေါင်းဖွင့်လှစ်ခဲ့သည့် ဟိုတယ်ဧည့်ဝန်ဆောင်မှုသင်တန်း အမှတ်စဉ်(၂) သင်တန်းဆင်းပွဲအခမ်းအနားကို (၂၈-၂-၂၀၁၉)ရက်နေ့ နေ့လည်ပိုင်းတွင် ညောင်ရွှေသက်မွေးပညာ သင်တန်းကျောင်း ကျင်းပပါသည်။

          သင်တန်းဆင်းပွဲတွင် ရှမ်းပြည်နယ်အစိုးရအဖွဲ့ အင်းတိုင်းရင်းသားလူမျိုးရေးရာဝန်ကြီး ဒေါက်တာထွန်းလှိုင်၊ နည်းပညာ သက်မွေးပညာနှင့်လေ့ကျင့်ရေးဦးစီးဌာနမှ ညွှန်ကြားရေးမှူး ဒေါက်တာပြည့်ကျော်သူ၊ ဟိုတယ်နှင့်ခရီးသွား ညွှန်ကြားမှုဦးစီးဌာန(တောင်ကြီးရုံး)မှ ဒုတိယညွှန်ကြားရေးမှူး ဒေါ်ညွန့်ညွန့်ခိုင်၊ ညောင်ရွှေသက်မွေးပညာ သင်တန်းကျောင်းမှ ကျောင်းအုပ်ကြီး ဦးစိုင်းကျော်ကျော်ခိုင်နှင့် မြန်မာနိုင်ငံ ဟိုတယ်လုပ်ငန်းရှင်များအသင်း (ရှမ်းတောင်ဇုန်) မှ ဦးစဝ်သာဦး တို့က အသီးသီးအမှာစကားပြောကြားခဲ့ကြပြီး Myanmar-Luxembourg Development Cooperationမှ Senior Expert Trainer ဦးအောင်အောင်လွင်၊ နော်ဝေအခြေစိုက် Partnership For Change Organization (PFC)မှ Program Manager ဦးအောင်လွင်နှင့် Country Director Mr.Oscar တို့က သင်တန်းနှင့်ပတ်သက် သင်ရိုညွှန်းတမ်းများ၊ အကျိုးသက်ရောက်မှုများကိုရှင်းလင်းပြောကြားခဲ့ပါသည်။

အခမ်းနားကို ဌာနဆိုင်ရာများမှတာဝန်ရှိသူများ Partnership For Change Organization (PFC) နှင့်Inle Speakမှ သင်တန်းဆရာ/ဆရာမများ ညောင်ရွှေမြို့နယ် Tourism Police နှင့်ရှမ်းပြည်နယ်တောင်ပိုင်း၊ မြောက်ပိုင်းနှင့်အရှေ့ပိုင်းတို့မှ သင်တန်းသား/သင်တန်းသူ(၅၀)ဦးနှင့် သင်တန်းသား/သင်တန်းသူများ၏မိဘများ တက်ရောက်ခဲ့ကြကြောင်းသိရှိရပါသည်။

          အဆိုပါ ဟိုတယ်ဧည့်ဝန်ဆောင်မှုသင်တန်းကို ၂၀၁၈-ခုနှစ်၊ ဇွန်လ ၁၁ ရက်နေ့မှ ၂၀၁၉-ခုနှစ်၊ ဖေဖော်ဝါရီလ ၂၈ ရက်နေ့ထိ သင်တန်းကာလ(၉)လ ဖွင့်လှစ်သင်ကြားခဲ့ပြီး ဟိုတယ်ဝန်ဆောင်မှုဆိုင်ရာဘာသာရပ်များ၊ အင်္ဂလိပ်စာဘာသာရပ်၊ ITဘာသာရပ်နှင့် ဘဝတစ်သက်တာ လက်တွေ့လုပ်ငန်းခွင်ဝင် အသုံးချခြင်းနည်းပညာ ဘာသာရပ်များကို  စာတွေ့(၅)လနှင့်လက်တွေ့(၄)လသင်ကြားခဲ့ကြောင်းသတင်းရရှိ ပါသည်။