နေပြည်တော် နိုဝင်ဘာလ(၃)ရက်

ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီး ဦးအုန်းမောင်သည်  မန္တလေးတိုင်း ဒေသကြီးနှင့် မိုးကုတ်ဒေသတွင် ခရီးသွားလုပ်ငန်း ဖွံ့ဖြိုးတိုးတက်စေရေးအတွက် ၂၀၁၈ခုနှစ် နိုဝင်ဘာလ (၁)ရက်နေ့တွင် မန္တလေးတိုင်း ဒေသကြီးသို့သွားရောက်ကာ နံနက်ပိုင်း၌ မန္တလေးအပြည်ပြည်ဆိုင်ရာ လေဆိပ်ရှိ Information Counter များအားကြည့်ရှုစစ်ဆေးခဲ့ပါသည်။

၎င်းနောက် ပြည်တွင်းပြည်ပ ခရီးသွားဧည့်သည်များ ဝင်ထွက်သွားလာရာတွင် အဆင်ပြေချောမွေ့ စေရေး၊ Visa on arrival ဖြင့်ရောက်ရှိလာသည့်ခရီးသွားဧည့်သည်များ အဆင်ပြေချောမွေ့ စွာဝင်ရောက် နိုင်ရေး၊ Information Counter များတွင်ထားရှိမည့် Electronic System များဖြင့် သတင်းအချက်အလက် များဖြန့်ဝေပေနိုင်ရေး တို့အတွက်မန္တလေးအပြည်ပြည်ဆိုင်ရာ လေဆိပ်ရှိတာဝန်ရှိသူများ၊ မြန်မာ့လေ ကြောင်းလိုင်းမှ တာဝန်ရှိသူများနှင့် တွေ့ဆုံဆွေးနွေးကာ ဆက်လက်အကောင်အထည်ဖော် ဆောင်ရွက် နိုင်ရန် ပေါင်းစပ်ညှိနှိုင်းပေးခဲ့ပြီး ညနေပိုင်းတွင် မိုးကုတ်မြို့သို့ ထွက်ခွာခဲ့ပါသည်။

          ထို့နောက် နိုဝင်ဘာလ(၂)ရက်နေ့ နံနက်ပိုင်းတွင် ပြည်ထောင်စုဝန်ကြီးသည် ခရီးသွားလုပ်ငန်း ဆိုင်ရာတာဝန်ရှိသူများ၊ ဌာနဆိုင်ရာများမှ တာဝန်ရှိသူများနှင့်အတူ မိုးကုတ်မြို့အတွင်း ခရီးစဉ်ဒေသ အသစ်အဖြစ် ဖော်ထုတ်နိုင်မည့် ဘားနတ်ပ်စစ်သင်္ချိုင်း၊ ပြောင်းခေါင်းကျေးရွာ၊ ပန်လျှင်ကျေးရွာများ၊ မဏိမင်္ဂလာ ကျောက်မျက်ရတနာဈေးနှင့် မိုးကုတ်မြို့ရှိ ဟိုတယ်များသို့ သွားရောက်၍ ကြည့်ရှုစစ်ဆေးခဲ့ပြီး မိုးကုတ်အင်းနှင့် မဏိမင်္ဂလာ ကျောက်မျက်ရတနာဈေးဝန်းကျင်တွင် မြန်မာ-ဂျပန် ခရီးသွားမြှင့်တင်ရေး အထိမ်းအမှတ်စိုက်ပျိုးထားသည့် ချယ်ရီပန်းပင်များ ရှင်သန်နိုင်ရေး ဆောင်ရွက်ထားရှိမှုအခြေအနေများအား ကြည့်ရှုစစ်ဆေးခဲ့ပါသည်။

၎င်းနောက် King Bridge Hotel တွင် ဌာနဆိုင်ရာများမှ တာဝန်ရှိသူများ၊ ဟိုတယ်နှင့်ခရီးသွား လုပ်ငန်းရှင်များ၊ မိုးကုတ်မြို့ရှိ ဒေသခံများနှင့်တွေ့ဆုံ၍ မိုးကုတ်ဒေသတွင် ရေရှည်တည်တံ့သော ခရီသွားလုပ်ငန်းဖြစ်ထွန်းစေရေး၊ ခရီးစဉ်ဒေသသစ်များဖော်ထုတ်ရေး၊ ဟိုတယ်နှင့်ခရီးသွား လုပ်ငန်းများ စနစ်တကျဖွံ့ဖြိုးတိုးတက်ရေး၊ ခရီးသွားဧည့်သည်များစိတ်ချမ်းမြေ့စွာ တည်းခိုနေထိုင် သွားလာနိုင်ရေး၊ ခရီးသွားလုပ်ငန်းနှင့်ဆက်စပ်၍ အသေးစားအလတ်စား ကျောက်မျက်လုပ်ငန်းရှင်များ အလုပ်အကိုင် အခွင့်အလမ်းများ ရရှိစေရေး ကိစ္စရပ်များကိုဆွေးနွေးကာ တက်ရောက်လာသူများ၏ တင်ပြချက်များ အခက်အခဲများအား ပေါင်းစပ်ညှိနှိုင်းဖြေရှင်း ဆောင်ရွက်ပေးခဲ့ပါကြောင်း သတင်းရရှိပါသည်။