၂၀၁၉ ခုနှစ် ဖေဖော်ဝါရီလ ၁၀ ရက်

ဟိုတယ်နှင့်ခရီးသွားလာရေးဝန်ကြီးဌာန ၊ ပြည်ထောင်စုဝန်ကြီး ဦးအုန်းမောင်သည် ယမန်နေ့ ညနေပိုင်းတွင် ရန်ကုန်မြို့၊ ဗိုလ်ဆွန်ပက်လမ်းတွင် ဟိုတယ်နှင့်ခရီးသွားလာရေး ဝန်ကြီး ဌာနနှင့်လူဇင်ဘတ် နိုင်ငံ Luxemburg Development အဖွဲ့အစည်းတို့ပူးပေါင်းဆောင်ရွက်၍ ခရီးသွားလုပ်ငန်းနှင့် ဧည့်ဝန်ဆောင်မှုဆိုင်ရာ သင်တန်းများဖွင့်လှစ်ပို့ချနေသည့် ခရီးသွား လုပ်ငန်းနှင့် ဧည့်ဝန်ဆောင်မှုဆိုင်ရာ သင်တန်းကျောင်းသို့ သွားရောက်ပြီး သင်တန်းများတိုးချဲ့ဖွင့်လှစ်နိုင်ရေးအတွက် စာသင်ခန်းများ ပြင်ဆင် ဆောင်ရွက်နေမှုအခြေအနေများကို သွားရောက်ကြည့်ရှု စစ်ဆေးခဲ့ပါသည်။

ယင်းနောက် ပြည်ထောင်စုဝန်ကြီးသည် ယနေ့နံနက်ပိုင်းတွင် ရန်ကုန်မြို့၊အင်းလျားလိတ်ဟိုတယ် တွင် ပြုလုပ်သည့် ခရီးသွားလုပ်ငန်းမြှင့်တင်ရေးကိစ္စရပ်များနှင့် စပ်လျဉ်းသည့် ညှိနှိုင်း အစည်းအဝေးသို့ တက်ရောက်ပါသည်။

အစည်းအဝေးတွင် ပြည်ထောင်စုဝန်ကြီးမှ အမှာစကားပြောကြားရာတွင် မြန်မာနိုင်ငံ၏ ခရီးသွား လုပ်ငန်းတိုးတက်လာရေးအတွက် ကြိုးပမ်းဆောင်ရွက်လျှက်ရှိရာ ကမ္ဘာလှည့်ခရီးသွားများ မြန်မာနိုင်ငံ အတွင်းသို့ လွယ်ကူအဆင်ပြေစွာ ဝင်ရောက်လည်ပတ်နိုင်ရေးအတွက် ဗီဇာဖြေလျော့မှုများကို ပြီးခဲ့သည့် နှစ်အတွင်းဆောင်ရွက်ပေးနိုင်ခဲ့ပါကြောင်း ၊ ယခုထပ်မံ၍လည်း အနောက်နိုင်ငံများမှ ခရီးသွားများ အတွက် လည်းသင့်လျော်သည့် နိုင်ငံများကိုရွေးချယ်၍ ဗီဇာဖြေလျော့ပေးခြင်းဖြင့် ခရီးသွားလုပ်ငန်းတိုးမြှင့် ဆောင်ရွက်ရန်ဖြစ်ပါကြောင်း၊ မြန်မာနိုင်ငံ ခရီးသွားလုပ်ငန်းနှင့် မြန်မာနိုင်ငံကိုအကျိုးပြုမည့် ခရီးသွားများ ပိုမိုလာရောက်ရေးအတွက်ဖြစ်ပါကြောင်း၊ သက်ဆိုင်ရာဝန်ကြီးဌာနများနှင့် ညှိနှိုင်းဆောင်ရွက်၍ ခွင့်ပြုချက် ရရှိနိုင်ရေးဆောင်ရွက်သွားမည်ဖြစ်ပါကြောင်း ၊မြန်မာနိုင်ငံ၏ခရီးသွားလုပ်ငန်းတိုးတက်ရေးအတွက်လည်း နိုင်ငံအလိုက် ၊ နယ်မြေအလိုက် ခရီးသွားမြှင့်တင်ရေးလုပ်ငန်းအဖွဲ့များ ဖွဲ့စည်းပေးထားပြီး၊ ခရီးသွား လုပ်ငန်းမြှင့်တင်ရေး ရံပုံငွေများလည်းနိုင်ငံတော်မှ ခွင့်ပြုပေးထားပါကြောင်း၊ သို့ဖြစ်ပါ၍ လုပ်ငန်းအဖွဲ့များ အနေဖြင့် ခရီးသွားမြှင့်တင်ရေးလုပ်ငန်း အစီအစဉ်များ ကို စနစ်တကျအောင်မြင်အောင် အကောင်အထည် ဖော် ဆောင်ရွက်ရန်လိုအပ်သကဲ့သို့ ငွေကြေးသုံးစွဲမှုများတွင်လည်း ဘဏ္ဍာရေးစည်းမျဉ်း၊ စည်းကမ်းများ အတိုင်း သုံးစွဲဆောင်ရွက်သွား ရန်ဖြစ်ပါကြောင်း ၊သို့ဖြစ်ပါ၍ သက်ဆိုင်သည့်ကဏ္ဏများ အလိုက် ဆောင် ရွက်ထားရှိမှုနှင့် ဆက်လက်ဆောင်ရွက်သွားမည့် အစီအစဉ်များကို ရှင်းလင်းပြောကြားပေးရန်ဖြစ်ပါ ကြောင်း စသည်ဖြင့်ပြောကြားခဲ့ပါသည်။

ထို့နောက် တက်ရောက်လာသည့် မြန်မာ-ဂျပန် ခရီးသွားလုပ်ငန်းမြှင့်တင်ရေးလုပ်ငန်း အဖွဲ့ ၊ မြန်မာ-ကိုရီးယားခရီးသွားလုပ်ငန်းမြှင့်တင်ရေးလုပ်ငန်းအဖွဲ့ ၊မြန်မာ-အာဆီယံခရီးသွား လုပ်ငန်းမြှင့်တင် ရေး လုပ်ငန်းအဖွဲ့ ၊မြန်မာ-ဥရောပခရီးသွားလုပ်ငန်းမြှင့်တင်ရေးလုပ်ငန်းအဖွဲ့ မြန်မာ-တရုတ်ခရီးသွား လုပ်ငန်းမြှင့်တင်ရေးလုပ်ငန်းအဖွဲ့ ၊ပြည်တွင်းခရီးစဉ်ဒေသ ဖွံ့ဖြိုးတိုး တက်ရေး ခရီးသွားလုပ်ငန်းအဖွဲ့၊ Digital Marketing အကောင်အထည်ဖော်ရေးလုပ်ငန်းအဖွဲ့တို့မှ တာဝန်ရှိသူများမှ ဆောင်ရွက်ထားရှိမှု အခြေအနေများ ၊ ဆက်လက်ဆောင် ရွက်သွားမည့် အစီအစဉ်များကို ရှင်းလင်းတင်ပြခဲ့ကြပြီး ပြည်ထောင်စု ဝန်ကြီးမှ လိုအပ်သည်များ ညှိနှိုင်းဆောင် ရွက်ပေးခဲ့ပါသည်။

အစည်းအဝေးသို့ ဟိုတယ်နှင့်ခရီးသွားညွှန်ကြားမှုဦးစီးဌာနမှ တာဝန်ရှိပုဂ္ဂိုလ်များ၊ မြန်မာနိုင်ငံ ခရီးသွားလုပ်ငန်းအဖွဲ့ချုပ်မှ တာဝန်ရှိသူများ ၊ ခရီးသွားလုပ်ငန်းမြှင့်တင်ရေးလုပ်ငန်းအဖွဲ့များမှ တာဝန်ရှိ သူများ တက်ရောက်ခဲ့ကြပြီးအစည်းအဝေးကို နေ့လည်ပိုင်းတွင် ရုပ်သိမ်းခဲ့ပါကြောင်း သတင်းရရှိပါသည်။