Directory : Search Results

No result found:

ကမ္ဘာလှည့်ခရီးသွားဧည့်သည်များ အပျော်စီးရေယာဉ်ဖြင့် လာရောက်လည်ပတ်လျှက်ရှိ


နေပြည်တော်၊ ဒီဇင်ဘာလ(၆)ရက်

ဟိုတယ်နှင့်ခရီးသွားလာရေးလုပ်ငန်းဝန်ကြီးဌာန၏ကြီးကြပ်မှု၊  Golden Myanmar Butterfly Travels & Tours Co.,Ltd ၏ စီစဉ်ဆောင်ရွက်မှုဖြင့် ပြင်သစ်နိုင်ငံသားဧည့်သည် (၃) ဦးသည်  ၂၀၁၈ ခုနှစ် အောက်တိုဘာလ (၂၉) ရက် နေ့မှ နိုဝင်ဘာလ  (၄) ရက်နေ့အထိ မြန်မာရွှေလိပ်ပြာအပျော်စီး ရေယာဉ်ဖြင့် မန္တလေး-မိုးတား-တကောင်း-ကျောက်မြောင်း-စစ်ကိုင်း-ရန္တပို-ပုဂံခရီးစဉ်များသို့ သွားရောက် လည်ပတ်ခဲ့ပြီးနောက် အဆိုပါဧည့်သည်များသည် မန္တလေးအပြည်ပြည်ဆိုင်ရာလေဆိပ်မှတဆင့် ပြည်ပသို့ ပြန်လည်ထွက်ခွာသွားခဲ့ကြပါသည်။

 

 

 

ထို့အတူ အဆိုပါကုမ္ပဏီ၏ အစီအစဉ်ဖြင့်ပင် ပြင်သစ်နိုင်ငံသား ဧည့်သည် (၂) ဦးသည် ၂၀၁၈ ခုနှစ် နိုဝင်ဘာလ (၁၄) ရက်နေ့မှ နိုဝင်ဘာလ (၂၃) ရက်နေ့အထိ မြန်မာရွှေလိပ်ပြာအပျော်စီးရေယာဉ်ဖြင့် မန္တလေး-ရှိန်းမကား-သပိတ်ကျင်း-တကောင်း-ကသာ-ဆင်စခန်း-ဗန်းမော်-မန္တလေး-သီပေါ-မန္တလေး-ရန်ကုန် ခရီးစဉ်များသို့ သွားရောက်လည်ပတ်ခဲ့ကြပါသည်။

 

 

 

 

ကမ္ဘာလှည့်ခရီးသွားဧည့်သည်များသည် ပွင့်လင်းရာသီဖြစ်သည်နှင့်အညီ ဧရာဝတီမြစ်ကြောင်း တစ်လျှောက်ရှိ ကျေးရွာများနှင့် ဒုတိယ မြစ်ကျဉ်းသဘာဝအလှအပရှုခင်းများ၊ ရေလုပ်သားတို့၏ လူနေမှု ဓလေ့စရိုက်နေထိုင်မှုပုံစံများ၊ ဆင်စခန်း၊ ရိုးရာအိုးလုပ်ငန်းနှင့် ညနေနေ၀င်ဆည်းဆာအလှအပများအား ခံစားသိရှိလို၍ ဧရာဝတီမြစ်ကြောင်း၊ ချင်းတွင်းမြစ်ကြောင်း စသည့်ခရီးစဉ်များကို ပိုမိုတိုးတက်လည်ပတ်လျှက် ရှိကြောင်း သတင်းရရှိပါသည်။

 

 

တာချီလိတ်နယ်စပ်ဝင်ပေါက်မှတစ်ဆင့် နိုင်ငံခြားသား ကမ္ဘာလှည့်ခရီးသွား ဧည့်သည်များ ၀င်/ ထွက် လည်ပတ်လျက်ရှိ


နေပြည်တော်၊ ဒီဇင်ဘာလ (၇) ရက်

နိုင်ငံခြားသား ကမ္ဘာလှည့်ခရီးသွားဧည့်သည်များသည် မြန်မာနိုင်ငံ၏ ရေမြေတောတောင် သဘာဝအလှများ၊ ခရီးသွားဆွဲဆောင်သည့်နေရာများ ၊ တိုင်းရင်းသားတို့၏ မတူကွဲပြားသည့် ရိုးရာ ယဉ်ကျေးမှုဓလေ့စရိုက်များ၊ လူနေမှုဘ၀ပုံစံများကို ကြည့်ရှုလေ့လာ သိမြင်ခံစားနိုင်ရန်အတွက် အပြည်ပြည်ဆိုင်ရာဝင်ပေါက်များနှင့် နယ်စပ်ဝင်ပေါက်များမှတစ်ဆင့် မြန်မာနိုင်ငံအတွင်းသို့ အဆက် မပြတ် ၀င်ထွက်သွားလာလည်ပတ်လျက်ရှိပါသည်။

 

 

 

 

 

၂၀၁၈ ခုနှစ်၊ နိုဝင်ဘာလ(၃၀) ရက်နေ့မှ ဒီဇင်ဘာလ(၆) ရက်နေ့အထိ တာချီလိတ်နယ်စပ် ၀င်/ထွက်ပေါက်မှတစ်ဆင့် ညအိပ်/ နေ့ချင်းပြန်ခရီးစဉ် လာရောက်လည်ပတ်ကြသည့် ထိုင်းနိုင်ငံသား (၂၀၃၄၄) ဦးနှင့် တတိယနိုင်ငံသား နိုင်ငံခြားသားခရီးသွားဧည့်သည်(၂၄၆)ဦး၊ မိုင်းဖြတ်၊ ကျိုင်းတုံ ခရီးစဉ်အနေဖြင့် ထိုင်းနိုင်ငံသား အများစုပါဝင်သော တတိယနိုင်ငံသား ကမ္ဘာလှည့် ခရီးသည် (၄၄၃) ဦး၊ ပြည်တွင်းခရီးစဉ်သို့ ဗီဇာဖြင့် (ဗီဇာကင်းလွတ်ခွင့်ရ) နိုင်ငံသား အပါအ၀င် လာရောက် လည်ပတ်ကြသည့် နိုင်ငံခြားသားခရီးသွားဧည့်သည် (၁၀၁၅) ဦး ရှိကြောင်း သိရှိရပါသည်။

 

 

 

 

 

နေ့ချင်းပြန်ခရီးစဉ်အဖြစ်  တာချီလိတ်မြို့ရှိ တာလော့ဈေး၊ ဘုရင့်နောင်ရုပ်တု၊ မဟာမြတ်မုနိ ဘုရားကြီး၊ ၀မ်ကောင်းဈေး၊ ကိုးမြို့ရှင်နတ်နန်း၊ ရွှေတိဂုံစေတီတော်၊ မြို့လယ်ဓမ္မာရုံ၊ ပဒေါင်ကျေးရွာ၊ နဂါးနှစ်ကောင် ဆရာတော်ကျောင်း၊ ကွမ်ရင်မယ်တော် တရုတ်ဘုံကျောင်း၊ ကျောက်တန်းဈေးများသို့ သွားရောက်လည်ပတ်ကြပါသည်။

ညအိပ်ခရီးစဉ် လာရောက်လည်ပတ်ကြသည့် နိုင်ငံခြားသား ခရီးသွားဧည့်သည်များသည် မိုင်း ဖြတ်မြို့ရှိ မြတ်စွာဘုရားခြေတော်ရာစေတီ၊ ဈေးတန်းကြီး ဘုန်းကြီးကျောင်း၊ သမိုင်းဝင်ဆုတောင်းပြည့် ဆံတော်ရှင်စွန်တောင်းစေတီ၊ ကျိုင်းတုံမြို့အ၀င် ဗုဒ္ဓဥယျာဉ်နှင့် ကျိုင်းတုံမြို့ရှိ မဟာမြတ်မုနိ၊ ဟိုခုံ ကျောင်း၊ မြဘုရားကျောင်း၊ ကျိုင်းရင်းဘုန်းကြီးကျောင်း၊ ၀ပ်အင်းကျောင်း၊ စွန်တောင်စေတီ၊ ကျော့မ်ဆရီစေတီ၊ ရမ်ကုန်းကျောင်း၊ ပါလျန်ကျောင်း၊ ရပ်တော်မူ၊ သစ်တစ်ပင်တောင်၊ ကမ္ဘာအေး စေတီ၊ စံပြယန်းလောကျေးရွာ၊ ကတ်တောင်ကျေးရွာအနီးရှိ ကိုးထပ်ရေတံခွန် စသည့် အထင်ကရ နေရာများသို့ သွားရောက်လည်ပတ်ခဲ့ကြပြီး ပြည်တွင်းပိုင်းခရီးစဉ်အား တာချီလိတ်မြို့မှ လေကြောင်း ဖြင့် တိုက်ရိုက်ပျံသန်းသော မြို့များဖြစ်သည့် ဟဲဟိုး- ရန်ကုန်- မန္တလေး- မြစ်ကြီးနား- လားရှိုးမြို့များမှ တဆင့် ပြည်တွင်းပိုင်းသို့ သွားရောက်လည်ပတ်ခဲ့ကြပါသည်။

 

 

 

 

 

တာချီလိတ်နယ်စပ်ဝင်ပေါက်မှတဆင့် ၀င်ရောက်သည့် နိုင်ငံခြားခရီးသွားဧည့်သည် အရေ အတွက်မှာ ၂၀၁၈ ခုနှစ်၊ ဧပြီလ(၁) ရက်နေ့မှ ဒီဇင်ဘာလ (၆) ရက်နေ့အထိ ထိုင်းနိုင်ငံသားနှင့် တတိယနိုင်ငံသားအများစု ပါဝင်သော နေ့ချင်းပြန်/ ညအိပ်ခရီးသည် စုစုပေါင်းမှာ (၆၇၃၃၅၈) ဦး ဖြစ်ပြီး မိုင်းဖြတ်၊ ကျိုင်းတုံခရီးစဉ်အနေဖြင့် ခရီးသည်စုစုပေါင်း (၇၄၆၀) ဦးနှင့် ဗီဇာဖြင့် ပြည်တွင်းသို့ ၀င်ရောက်လည်ပတ်သည့် ခရီးသည် စုစုပေါင်း (၁၁၈၂၈) ဦးတို့ ၀င်ရောက်လည်ပတ်ခဲ့ပါကြောင်း သတင်း ရရှိပါသည်။

 

ကမ္ဘာလှည့်ခရီးသွားဧည့်သည်များ ကိုယ်ပိုင်မော်တော်ယာဉ်ဖြင့် လာရောက်လည်ပတ်


နေပြည်တော်၊ ဒီဇင်ဘာလ (၇) ရက်

ဟိုတယ်နှင့်ခရီးသွားလာရေးဝန်ကြီးဌာနသည် နိုင်ငံတကာမှ ခရီးသွားဧည့်သည်များ မြန်မာနိုင်ငံသို့ လုံခြုံစိတ်ချစွာဖြင့် အဆင်ပြေလွယ်ကူစွာ သွားရောက်လည်ပတ်နိုင်ရေးကို ဆောင်ရွက်ပေးလျက်ရှိရာ လေကြောင်း၊ ရေကြောင်းများဖြင့်သာမက နယ်စပ်ဝင်/ ထွက်ပေါက်များမှ လာရောက်သည့် ခရီးသွား ဧည့်သည်များအတွက်လည်း ၀င်/ထွက် သွားလာမှု လွယ်ကူစေရေး စီစဉ်ဆောင်ရွက်ပေးလျက်ရှိပါသည်။

ဟိုတယ်နှင့်ခရီးသွားလာရေးဝန်ကြီးဌာန၏ ကြီးကြပ်မှု Teo Myanmar Co.,Ltd စီစဉ်ဆောင်ရွက်မှု တို့ဖြင့် အီတလီနိုင်ငံသား ကမ္ဘာလှည့်ခရီးသွားဧည့်သည် (၄) ဦးတို့သည် ကိုယ်ပိုင်မော်တော်ယာဉ် (၁)စီး ဖြင့် ၂၀၁၈ ခုနှစ်၊ နိုဝင်ဘာလ (၁၁) ရက်နေ့မှ နိုဝင်ဘာလ (၂၉) ရက်နေ့အထိ တမူးနယ်စပ်ဂိတ်မှ ဝင်ရောက်လာပြီး တမူး- ကလေး- ဖလန်း- ဟားခါး- မတူပီ- မင်းတပ်- ကန်ပက်လက်- ပခုက္ကူ- ပုဂံ-ပုပ္ပါး- အင်းလေး- ညောင်ရွှေ- လွိုင်ကော်- နေပြည်တော်- ပေါက်ခေါင်း- ပြည်- ပုသိမ်- ငွေဆောင်ကမ်းခြေ- ရန်ကုန်- ကျိုက်ထီးရိုး- သထုံ- ဘားအံ- မြ၀တီမြို့များသို့ သွားရောက်လည်ပတ်၍ နိုဝင်ဘာလ (၂၉) ရက်နေ့တွင် မြ၀တီနယ်စပ်ဂိတ်မှ ထိုင်းနိုင်ငံသို့ ပြန်လည်ထွက်ခွာသွားကြပါသည်။

နိုင်ငံခြားသားခရီးသွားဧည့်သည်များသည် ပွင့်လင်းရာသီကာလဖြစ်ခြင်းနှင့် ခရီးသွားဧည့်သည် တိုးမြှင့်ဝင်ရောက်လာနိုင်ရေး ဘက်ပေါင်းစုံမှ ဖြေလျှော့ဆောင်ရွက်မှုများကြောင့် မြန်မာနိုင်ငံသို့ လေကြောင်း၊ ရေကြောင်း၊ နယ်စပ်ဝင်/ထွက်ပေါက်များမှတဆင့် ၀င်ရောက်လာ၍ မြန်မာနိုင်ငံ၏ ထင်ရှားသောဒေသများ သို့ လာရောက်လည်ပတ်လျက်ရှိကြောင်း သတင်းရရှိပါ သည်။

ဟိုတယ်နှင့်ခရီးသွားလာရေးဝန်ကြီးဌာနတွင် ကမ္ဘာလှည့်ခရီးသည်တင်အပျော်စီးသင်္ဘော မြန်မာနိုင်ငံသို့ လာရောက်လည်ပတ်ခွင့်ဆိုင်ရာ ညှိနှိုင်းအစည်းအဝေးကျင်းပ


နေပြည်တော် ၊ ဒီဇင်ဘာလ (၆) ရက်

ဟိုတယ်နှင့်ခရီးသွားလာရေးဝန်ကြီးဌာနသည် နိုင်ငံတကာမှ ခရီးသွားဧည့်သည်များ  မြန်မာနိုင်ငံ သို့ အဆင်ပြေချောမွေ့စွာ လာရောက်လည်ပတ်နိုင်ရန်အတွက် ဆောင်ရွက်လျက် ရှိရာ ကမ္ဘာလှည့် ခရီးသည်တင် အပျော်စီးသင်္ဘော M.V Silver Discoverer မြန်မာနိုင်ငံသို့ လာရောက်လည်ပတ်မည့် ခရီးစဉ်အပါအ၀င် ပွင့်လင်းရာသီ၌ ကမ္ဘာလှည့်ခရီးသည်တင် အပျော်စီးသင်္ဘောများ အဆင်ပြေချောမွေ့စွာ ၀င်ရောက်နိုင်ရေးအတွက် ညှိနှိုင်းအစည်းအဝေးကို (၆.၁၂.၂၀၁၈) ရက်နေ့တွင် ဟိုတယ်နှင့်ခရီးသွား လာရေးဝန်ကြီးဌာန၊ နီလာအစည်းအဝေး ခန်းမတွင် ကျင်းပပြုလုပ်ပါသည်။

အစည်းအဝေးကို ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီး ဦးအုန်းမောင် ကြီးမှူးပြီး ဟိုတယ်နှင့်ခရီးသွားလာရေးဝန်ကြီးဌာန၊ ကာကွယ်ရေးဝန်ကြီးဌာန ၊ ပြည်ထဲရေးဝန်ကြီးဌာန၊ ပို့ဆောင်ရေးနှင့်ဆက်သွယ်ရေးဝန်ကြီးဌာန ၊ အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အား ၀န်ကြီးဌာနနှင့် စီမံကိန်းနှင့် ဘဏ္ဍာရေးဝန်ကြီးဌာန၊ မွန်ပြည်နယ်အစိုးရအဖွဲ့၊ ရခိုင်ပြည်နယ် အစိုးရအဖွဲ့၊ တနင်္သာရီတိုင်းဒေသကြီး အစိုးရအဖွဲ့တို့မှ ကိုယ်စားလှယ်များနှင့် အဆိုပါခရီးစဉ်အား တာဝန်ယူ စီစဉ် ဆောင်ရွက်မည့် ခရီးသွားကုမ္ပဏီ များမှ တာဝန်ရှိသူများ တက်ရောက်ကြပါသည်။

အစည်းအဝေး၌ ပြည်ထောင်စုဝန်ကြီးက အဖွင့်အမှာစကားပြောကြားရာတွင် ယနေ့ အစည်းအဝေးသည် ဟိုတယ်နှင့်ခရီးသွားလာရေးဝန်ကြီးဌာန ၊ ဟိုတယ်နှင့်ခရီးသွားညွှန်ကြားမှု ဦးစီးဌာနမှ ခရီးလှည့်လည်ရေးလုပ်ငန်းလိုင်စင်ရယူထားသော Abercrombic & Kent Int’l Ltd ၏ အစီအစဉ်ဖြင့် ကမ္ဘာလှည့်ခရီးသည်တင်အပျော်စီးသင်္ဘော M.V Silver Discoverer ခရီးစဉ် မြန်မာနိုင်ငံကို (၅.၂.၂၀၁၉) ရက်နေ့မှ (၅.၃.၂၀၁၉) ရက်နေ့အတွင်း ရန်ကုန်၊ မော်လမြိုင် ၊ ငပလီကမ်းခြေတို့၌ ဆိုက်ကပ်ဝင်ထွက် ပြီး သင်္ဘောပေါ်ပါရှိလာသည့် နိုင်ငံခြားသင်္ဘော ခရီးသည်များ ကမ်းခြေကို တက်ရောက်လည်ပတ်ခွင့်ရရှိ နိုင်ရေးအတွက်ကျင်းပပြုလုပ်သော ညှိနှိုင်းအစည်းအဝေးဖြစ်ကြောင်း၊၂၀၁၇ ခုနှစ်အတွင်းတွင် မြန်မာနိုင်ငံ သို့ ယခုလို ကမ္ဘာလှည့် ခရီးသည်တင်အပျော်စီးသင်္ဘောခရီးစဉ် ခေါက်ရေ (၂၀) တွင် နိုင်ငံခြားသား ခရီးသည် (၂၀၇၁၄) ဦး နှင့် ၂၀၁၈ ခုနှစ် ဇန်န၀ါရီလမှ နိုဝင်ဘာလအထိ ခရီးစဉ် ခေါက်ရေ (၂၃) တွင် နိုင်ငံခြား သားခရီးသည် (၂၁၇၅၇) ဦး ၀င်ရောက်ခွင့်ရရှိခဲ့ပြီး ထိုခရီးစဉ်များ အဆင်ပြေချောမွေ့စွာ ၀င်ရောက်ခွင့်ရရှိနိုင်ရေးအတွက် သက်ဆိုင်ရာဌာနအသီးသီးက ပံ့ပိုးကူညီဆောင်ရွက်ပေးခဲ့ကြသည့် အတွက် အထူးပင်ကျေးဇူးတင်ရှိပါကြောင်း ၊ အစည်းအဝေးသို့ တက်ရောက်လာကြသော သက်ဆိုင်ရာ ဌာနဆိုင်ရာများနှင် တိုင်းဒေသကြီးနှင့်ပြည်နယ်များမှ ကိုယ်စားလှယ်များသည် ခရီးသွားကုမ္ပဏီများက အပျော်စီးသင်္ဘောခရီးစဉ်များ ၀င်ရောက်ခွင့် တင်ပြဆောင်ရွက်ရာတွင် သိရှိလိုက်နာဆောင်ရွက်ရန် လိုအပ်သည့် စည်းမျည်း၊စည်းကမ်း၊ အမိန့်များကို ရှင်းလင်းဆွေးနွေးပေးစေလိုပါကြောင်း ပြောကြားပါ သည်။

ထို့နောက်အမြဲတမ်းအတွင်းဝန် ဦးဗရတ်ဆင်းက အစည်းအဝေးသို့တက်ရောက်လာကြသည့် ဆက်စပ်ဝန်ကြီးဌာနများမှ ကိုယ်စားလှယ်များအနေဖြင့် visa ကိစ္စများ၊ သင်္ဘောကို ဆိပ်ကမ်းများတွင် ဆိုက်ကပ်ခွင့်ကို ခွင့်ပြုပေးနိုင်မှုအခြေအနေများ၊ လုံခြုံရေးအရခွင့်ပြုပေးနိုင်မှုအခြေအနေများ၊ သင်္ဘော ဆိုက်ကပ်မည့် နေရာဒေသအလိုက်ပေးဆောင်ရန် သတ်မှတ်ထား သည့် အခွန်အခနှုန်းထား ကိစ္စများကို ဆွေးနွေးပေးကြပါရန် နှင့် တိုင်းဒေသကြီးပြည်နယ်အစိုးရအဖွဲ့တို့မှ ကိုယ်စားလှယ်များကလည်း သက်ဆိုင်ရာ တိုင်းဒေသကြီး/ပြည်နယ်အလိုက် သဘောထားများကို ပြည့်ပြည့်စုံစုံညှိနှိုင်းဆွေးနွေးပေးကြ စေလိုပါကြောင်း ပြောကြားခဲ့ပါသည်။

၎င်းနောက် အစည်းအဝေးသို့တက်ရောက်လာကြသည့် ဆက်စပ်ဝန်ကြီးဌာနများမှ ကိုယ်စားလှယ် များ၊ တိုင်းဒေသကြီး ပြည်နယ်အစိုးရအဖွဲ့ ကိုယ်စားလှယ်များနှင့် ခရီးသွားကုမ္ပဏီ များမှ သက်ဆိုင်ရာ ၀န်ကြီးဌာနအလိုက် သတ်မှတ်ထားသော မူဝါဒ၊ လုပ်ထုံးလုပ်နည်းများ ၊ လုပ်ငန်းဆောင်ရွက်နေမှု အခြေ အနေများ၊ တာဝန်ရှိသူများက ကမ္ဘာလှည့်ခရီးသည်တင် အပျော်စီး သင်္ဘောများ မြန်မာနိုင်ငံသို့ လာရောက် လည်ပတ်ရေးအတွက် စီစဉ်ဆောင်ရွက်နေမှုများကို အသီးသီး ဆွေးနွေးတင်ပြကြပါသည်။

ထို့နောက် ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီးက ခရီးစဉ် ဆောင်ရွက်မှု များကို စနစ်တကျ စီစဉ်ကာ ကြိုတင်တင်ပြနိုင်ရေး၊ ဘေးအန္တရာယ်ကင်းရှင်းစေရေး၊ ဌာနများနှင့် ညှိနှိုင်း ပေါင်းစပ်စေရေးနှင့် လိုအပ်သည်များကို ဖြည့်စွက်ဆွေးနွေးပြီး နိဂုံးချုပ် အမှာစကားပြောကြားကာ အစည်း အဝေးကို ရုတ်သိမ်းခဲ့ကြောင်း သတင်း ရရှိပါသည်။

ဟိုတယ်နှင့်ခရီးသွားလာရေးဝန်ကြီးဌာနတွင် မြန်မာနိုင်ငံ၏ ခရီးသွားလုပ်ငန်း မြှင့်တင်ရန် MONAREX HOLLYWOOD COOPERATION မှ Documentary Video Clip လာရောက်ရိုက်ကူးနိုင်ရေးနှင့် ပတ်သက်သည့် ညှိနှိုင်းအစည်းအဝေး ကျင်းပ


နေပြည်တော်၊ ဒီဇင်ဘာလ (၅) ရက်

ဟိုတယ်နှင့်ခရီးသွားလာရေးဝန်ကြီးဌာနသည် မြန်မာနိုင်ငံ၏ဟိုတယ်နှင့်ခရီးသွားလုပ်ငန်းကဏ္ဍ ဖွံ့ဖြိုးတိုးတက်စေရေးအတွက် ဘက်ပေါင်းစုံမှ ဆောင်ရွက်လျက်ရှိရာ MONAREX HOLLYWOOD COOPERATION ၏ ထုတ်လုပ်သူ Mr. Chris D.Nebe နှင့်အဖွဲ့သည် မြန်မာနိုင်ငံ၏ ရေမြေတောတောင် သဘာဝအလှအပများနှင့် တိုင်းရင်းသားလူမျိုးပေါင်းစုံ၏ ချစ်စရာကောင်းသော ဓလေ့စရိုက်များအား ကမ္ဘာက ပိုမိုသိရှိလာစေရေးနှင့် မြန်မာနိုင်ငံ၏ ခရီးသွားလုပ်ငန်းဖွံ့ဖြိုးတိုးတက်ရေးကို ရည်ရွယ်၍ Documentary video clip လာရောက်ရိုက်ကူးနိုင်ရေး ညှိနှိုင်းအစည်းအဝေးကို ယနေ့မွန်းလွဲပိုင်းတွင် ဟိုတယ်နှင့်ခရီး သွားလာရေးဝန်ကြီးဌာန၊ နီလာအစည်းအဝေးခန်းမ၌ ပြည်ထောင်စုဝန်ကြီး ဦးအုန်းမောင် ဦးဆောင်၍ ကျင်းပ ပြုလုပ်ခဲ့ပါသည်။

အစည်းအဝေးသို့ ပြန်ကြားရေးဝန်ကြီးဌာန ပြည်ထောင်စုဝန်ကြီး ဒေါက်တာဖေမြင့် ၊ လူမှု့ဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေး၊ ဟိုတယ်နှင့်ခရီးသွားလာရေးဝန်ကြီးဌာန အမြဲတမ်းအတွင်းဝန် ဦးဗရတ်ဆင်းနှင့် တာဝန်ရှိသူများ၊ သတင်းနှင့် ပြည်သူ့ဆက်ဆံရေးဦးစီးဌာန ညွှန်ကြားရေးမှူးချုပ်နှင့် တာဝန်ရှိသူများ၊ မြန်မာနိုင်ငံခရီးသွားလုပ်ငန်း အဖွဲ့ချုပ်နှင့် ညီနောင်အသင်းများမှ တာဝန်ရှိသူများ၊ MONAREX HOLLYWOOD COOPERATION မှ President ဖြစ်သူ Mr. Chris D.Nebe နှင့် တာဝန်ရှိသူများ၊ Mysterious China Series Document Films ၊ Myanmar Project နှင့် Yangon Media Group Co.,Ltd တို့မှ တာဝန်ရှိသူများ တက်ရောက်ကြ ပါသည်။

အစည်းအဝေးတွင် ရှေးဦးစွာ ပြည်ထောင်စုဝန်ကြီးမှ အဖွင့်အမှာစကားပြောကြားပြီးနောက် Yangon Media Group Ltd မှ Managing Director ဖြစ်သူ ဦးဇော်ဝင်းခိုင်က Documentary video clip ရိုက်ကူးရေးနှင့် ပတ်သက်သည့်ဆောင်ရွက်ချက်များကို အသေးစိတ်ရှင်းလင်း တင်ပြပါသည်။၎င်းနောက် ပြန်ကြားရေးဝန်ကြီးဌာန ပြည်ထောင်စုဝန်ကြီး ဒေါက်တာဖေမြင့် လူမှု့ဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးနှင့် ဟိုတယ်နှင့်ခရီးသွားလာရေး ၀န်ကြီးဌာန ပြည်ထောင်စုဝန်ကြီး ဦးအုန်းမောင်က မြန်မာနိုင်ငံခရီးသွားမြှင့်တင်သည့် Documentary video clip ရိုက်ကူးရေးနှင့် စပ်လျဉ်း၍ လိုအပ်သည်များ ပေါင်းစပ်ညှိနှိုင်း ဆွေးနွေးခဲ့ကြပါသည်။

ထို့နောက် ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီးက လိုအပ်သည်များကို ထပ်မံဖြည့်စွက် ဆွေးနွေးပြီး အစည်းအဝေးကို ရုပ်သိမ်းခဲ့ကြောင်း သတင်းရရှိပါသည်။