နေပြည်တော်၊ အောက်တိုဘာလ (၁၂) ရက်

ဟိုတယ်နှင့်ခရီးသွားလာရေးဝန်ကြီးဌာနနှင့် Hanns Seidel Foundation Myanmar Responsible Tourism Institute (MRTI) ၊ Myanmar Center for Responsible Business တို့ ပူးပေါင်းဖွင့်လှစ် သော Regional Community Tourism Development Forum in Kalaw ဒေသန္တရလူမှု အသိုင်းအဝိုင်း အတွင်း ခရီးသွားလုပ်ငန်း ဖွံ့ဖြိုးရေး ဖိုရမ် (ကလော) ဖွင့်ပွဲအခမ်းအနားကို ၂၀၁၇ ခုနှစ်၊ အောက်တိုဘာလ (၁၀) ရက်နေ့ပိုင်းတွင် ကလောမြို့၊ မြို့နယ်ခန်းမ၌ ကျင်းပခဲ့ပါသည်။ အဆိုပါအခမ်းအနားသို့ ကလော မြို့နယ် ပြည်သူ့လွှတ်တော်ကိုယ်စားလှယ် ဒေါ်ပြုံးကေသီနိုင်နှင့် ဖိတ်ကြားထားသော လွှတ်တော် ကိုယ် စားလှယ်များ၊ ဟိုတယ်နှင့် ခရီးသွားညွှန်ကြားမှုဦးစီးဌာန၊ တောင်ကြီးရုံးမှညွှန်ကြားရေးမှူး၊ ဌာနဆိုင်ရာ တာဝန်ရှိသူများ၊ မြန်မာနိုင်ငံဟိုတယ်ဆိုင်ရာ လုပ်ငန်းရှင်များ အသင်း (ရှမ်းတောင်ဇုန်)ဥက္ကဌနှင့် အဖွဲ့ဝင်များ၊ ဧည့်လမ်းညွှန်အသင်းမှ အဖွဲ့ဝင်များ၊ ဟိုတယ်လုပ်ငန်းရှင်များ၊ စားသောက်ဆိုင်လုပ်ငန်းရှင်များ၊ ခရီးသွား ကုမ္ပဏီများ၊ ခရီးသွားလုပ်ငန်းနှင့်ဆက်စပ်နေသော ကျေးရွာများမှ ကျေးရွာသူ၊ကျေးရွာသားများ စုစုပေါင်း (၁၇၀)ဦးခန့် တက်ရောက်ခဲ့ပါသည်။ ဖိုရမ်အခမ်းအနားကို စက်တင်ဘာလ (၁၀) ရက်နေ့နှင့် စက်တင် ဘာလ (၁၁) ရက်နေ့များတွင် (၂)ရက်ကြာ ကျင်းပခဲ့ပါသည်။

ကလောမြို့နယ် ပြည်သူ့လွှတ်တော်ကိုယ်စားလှယ် ဒေါ်ပြုံးကေသီနိုင်က ကြိုဆို နှုတ်ခွန်းဆက် စကား ပြောကြားရာတွင် ကလောမြို့သည် ရာသီဥတု သာ ယာကောင်းမွန်ပြီး ပြည်တွင်း/ ပြည်ပခရီးသွား ဧည့်သည်များ အလွန်နှစ်သက်သော မြို့ဖြစ်ကြောင်း၊ နွေရာသီ၌ မြန်မာပြည်မတွင် ရာသီဥတု အပူချိန် အလွန်မြင့်မားသည့် အချိန်တွင်ပင် ကလောမြို့၌ရှိသော အပူချိန်မှာ(၁၉)ဒီဂရီစင်တီဂရိတ်ရှိခြင်းကြောင့် လာရောက်လည်ပတ်သူ များပြားကြောင်း၊ ထို့အပြင်တောတောင် သဘာဝအလှအပ အများအပြား ရှိခြင်း ကြောင့် Trekking သွားခြင်းဖြင့် နာမည်ရနေပါကြောင်း၊ ထို့ကြောင့် ကလောမြို့သို့ လာရောက်သော ဧည့်သည်များအား ရက်ကြာရှည်စွာနေ ထိုင် နိုင်ရန်အတွက် မည်ကဲ့သို့လုပ်ဆောင်ကြမည်ဆိုသည်ကို တက်ရောက်လာကြသော ပုဂ္ဂိုလ်များက ဆွေးနွေးပေးကြပါရန် ပြောကြားခဲ့ပါသည်။

ဟိုတယ်နှင့်ခရီးသွားညွှန်ကြားမှုဦးစီးဌာန ညွှန်ကြားရေးမှူးက ရှမ်းပြည်နယ်ခရီးသွားလုပ်ငန်းအခြေ အနေများအားလည်းကောင်း၊ ခရီးသွားလုပ်ငန်း ဖွံ့ဖြိုးပြီး ရေရှည် တည်တံ့ရေးအတွက် ဆက်စပ်ဌာနများ၊ INGO အဖွဲ့များ၊ အသင်းအဖွဲ့များနှင့် ပေါင်းစပ်ဆောင်ရွက်မှုများအားလည်းကောင်း၊ ရှမ်းပြည်နယ်သည် ကျယ်ဝန်းပြီး လူမျိုးစုပေါင်း (၃၃)မျိုးရှိပြီး နယ်စပ်ဒေသများရှိခြင်းကြောင့် ခရီးသွားလုပ်ငန်းမျိုးစုံဆောင်ရွက် နိုင်မှုများအားလည်းကောင်း၊ ရှေ့ဆက်လက်ရန် ခရီးစဉ်ဒေသသစ်များ ဖော်ထုတ်ရန် လည်းကောင်း၊ ကလောမြို့ Tourism ပိုမိုဖွံ့ဖြိုးပြီး ရေရှည်တည်တံ့ ခိုင်မြဲရန်အတွက် ယခု ဖိုရမ်မှ  Vision ၊ Mission များ ချမှတ်နိုင်သည်အထိ ဆောင်ရွက်ပေး ကြရန်ပြော ကြားသွားပါသည်။ Hanns Seidel Foundation မှ ဌာနေ ကိုယ်စားလှယ် Mr.Achin Mumz က ၎င်းတို့အဖွဲ့၏ တည်ထောင်ခဲ့မှုနှင့် မြန်မာနိုင်ငံ၏ ခရီးသွားလုပ်ငန်း တွင် ပါဝင်ဆောင်ရွက်နေမှုများအားလည်းကောင်း၊ ကလောဒေသသည် သာယာလှပပြီး ယခင်(၅) နှစ်က နှင့် ယခုမတူတော့ဘဲ Tourism ဖွံ့ဖြိုးလာပါကြောင်း ပြည်တွင်းခရီး သွားဈေးကွက်ကိုလည်း အားထားရမှာ ဖြစ်ကြောင်း ရှင်းလင်း ဆွေးနွေးသွားပါသည်။ Myanmar Responsible Tourism Institute (MRTI) ဥက္ကဌ ဦးညွန့်ဝင်းနိုင်က ခရီးသွားလုပ်ငန်းအကြောင်းမိတ်ဆက်ခြင်းနှင့် ခရီးသွားလုပ်ငန်းတွင် ဝန်ဆောင်မှု ကောင်းစွာပေးခြင်းဖြင့် ဝင်ငွေကောင်းစွာရရှိနိုင်ခြင်းအား ဆွေးနွေးခဲ့ပါသည်။

ပထမနေ့ (၁၀.၁၀.၂၀၁၇)ရက်နေ့တွင် ရပ်ရွာလူထုအခြေပြုခရီးသွားလုပ်ငန်းနှင့် ပတ်သက်သော ဆောင်ရွက်ချက်များနှင့် အလားအလာများ အခက်အခဲများအား ဆွေးနွေးခဲ့ကြပါသည်။ PEM Consultant,  Tourism Expert Mrs Babara Schott က လူမှုအသိုင်းအဝိုင်းအတွင်း ခရီးသွား လုပ်ငန်းအား လည်း ကောင်း၊ ပအိုဝ်းဒေသ CBT မန်နေဂျာ ဦးခွန်ထွန်းဦးက ပအိုဝ်းဒေသတွင် CBT ဆောင်ရွက်ခဲ့မှုနှင့် အောင် မြင်နေမှုများ ဆုရရှိမှုအခြေအနေများအားလည်းကောင်း၊ Mr. Puri Operation Manager က ခရီးသွား လုပ်ငန်းနှင့် လူမှု အသိုင်းအဝိုင်း၏ မြေပြင်အခြေအနေများနှင့် ဆောင်ရွက်နေမှုများအားလည်းကောင်း၊ ခရီးသွားလုပ်ငန်းအတွင်း အလုပ်အကိုင် အခွင့်အလမ်းများနှင့် စီမံကိန်းများအား ဦးညီညီလွင် Field Coordination and Agronomest; Myanmar Institite for Integrated Development (MIID) က Bamboo Project အား ကလောမြို့နယ် လက်မောင်းကွေးကျေးရွာတွင် ဆောင်ရွက်ခဲ့မှုနှင့် အောင်မြင်နေ မှုများလည်းကောင်း၊ ဒေါ်အေးအေးအောင် မန်နေဂျာ Sprouting Seeds က လက်မှုလုပ်ငန်းများအား ဆောင်ရွက်နေမှုနှင့် ခရီးသွားလုပ်ငန်းတွင် အထောက်အကူပြုပေးနေသူများအားလည်းကောင်း၊ ဦးအောင် ကျော်စွာ Co.founder . A Little Lodge က  အဝတ်အထည်ရက်လုပ်ငန်းဆောင်ရွက်နေမှုနှင့် ခရီးသွား လုပ်ငန်းတွင် ပါဝင်ပတ်သက်မှုနှင့် အလုပ်အကိုင်များ ဖန်တီးနိုင်မှုအားလည်းကောင်း ဆွေးနွေးပြောကြား ကြပါသည်။

ထို့နောက် Trekking လမ်းကြောင်းရှိ ကျေးရွာများမှ ကျေးရွာသူ/သားများက မိမိတို့ကျေးရွာတွင် နိုင်ငံခြားသားခရီးသွားဧည့်သည်များ လာရောက်နေမှုနှင့် ရွာ၏သာ ယာလှပမှု တောတောင်သဘာဝ အလှ အပများ ထိန်းသိမ်းထားမှုများ၊ ကျန်းမာရေးစောင့်ရှောက်မှု၊ ရေ/မီးလိုအပ်ချက်များ၊ လမ်းပမ်းဆက် သွယ်ရေး ကောင်းမွန်စေရေးတို့အ တွက် ဝိုင်းဝန်းစုပေါင်းဆွေးနွေးကြပါသည်။

ဒုတိယနေ့ (၁၁.၁၀.၂၀၁၇) ရက်နေ့ ကျင်းပရာတွင် ကလောမြို့နယ်၏ ခရီးသွားလုပ်ငန်းအတွက် အဟန့်အတားများနှင့် အနာဂတ်အလားအလာများကို ကလောမြို့ ရှိ ဟိုတယ်လုပ်ငန်းရှင်များအသင်း၊ ဧည့်လမ်းညွှန်အသင်း၊  ခရီးသွားလုပ်ငန်းရှင်များက   ရှင်းလင်းတင်ပြကြပါသည်။   ဆွေးနွေးတင်ပြချက် များအား  ခရီးသွားပညာရှင် Mrs. Marlo Perry ကလည်းကောင်း တာဝန်ယူမှု ရှိသော ခရီးသွား လုပ်ငန်း အား GIZ မှ Senior Advisor Mike Haynes ကလည်းကောင်း၊ နေ့လည်ပိုင်းအချိန်တွင် ကလောဒေသ အား ရေရှည်တည်တံ့သော ခရီးသွားလုပ်ငန်းဖြစ်လာစေရန်အတွက် ဟိုတယ်နှင့်ခရီးသွား ညွှန်ကြားမှု ဦးစီးဌာန၊ ညွှန်ကြားရေးမှူး၊ ကလောမြို့ရှိ သစ်တော ဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ စီမံကိန်းရေးဆွဲရေးဦးစီးဌာန၊ ဟိုတယ်အသင်းအဖွဲ့များနှင့် Guide  အသင်းအဖွဲ့တာဝန်ရှိသူများမှ ပြန် လည်ဆွေးနွေး ပြီး အခမ်းအနားကို ညနေ(၆:၀၀)နာရီတွင် ရုပ်သိမ်းခဲ့ပါကြောင်း သတင်းရရှိပါသည်။