ရန်ကုန် ၊ ဒီဇင်ဘာ (၄)
(၄၀) ကြိမ်မြောက် မဟာမဲခေါင်ဒေသခွဲခရီးသွားလုပ်ငန်းအဖွဲ့အစည်းအဝေးကို (၄-၁၂-၂၀၁၇) ရက်နေ့ နံနက်(၀၉ ၀၀)နာရီအချိန်တွင် ရန်ကုန်မြို့ရှိ အင်းယားလိတ် ဟိုတယ်၌ စတင်ကျင်းပရာ ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီးဦးအုန်း မောင်တက်ရောက်၍ အဖွင့်အမှာစကားပြောကြားပါသည်။ အဆိုပါ အစည်းအဝေးသို့ မဟာမဲခေါင်ဒေသခွဲအဖွဲ့ဝင်နိုင်ငံများဖြစ်ကြသော ကမ္ဘော ဒီးယား၊လာအို၊ မြန်မာ၊ ထိုင်းနှင့် ဗီယက်နမ် နိုင်ငံတို့ရှိ ခရီးသွားလုပ်ငန်းဝန်ကြီးဌာနများမှ ညွှန်ကြားရေးမှူးချုပ်အဆင့်ရှိ အဆင့်မြင့်အရာရှိကြီးများနှင့် ခရီးသွားလုပ်ငန်းအဖွဲ့ အဖွဲ့ဝင် များ၊ အာရှဖွံ့ဖြိုးရေးဘဏ်မှ ကျွမ်းကျင်ပညာရှင် Ms. Rhodara Concepcion နှင့် ကိုယ်စားလှယ်များ၊ မဟာမဲခေါင် ဒေသခွဲခရီးသွားလုပ်ငန်းညှိနှိုင်းရေးရုံးမှ အမှုဆောင် ဒါရိုက်တာ Mr. Jens Thraenhart၊ ဖွံ့ဖြိုးမှုမိတ်ဖက်အဖွဲ့အစည်းများဖြစ်သော ဟန်းစ်ဆိုက် ဒယ်၊ Lux Dev၊ Swiss Contact နှင့် GIZ တို့မှ ကိုယ်စားလှယ်များနှင့် အခြားဖိတ်ကြား ထားသူများ စုစုပေါင်း(၅၀)ဦးခန့် တက်ရောက်ကြပါသည်။

ပြည်ထောင်စုဝန်ကြီးမှ အဖွင့်အမှာစကားပြောကြားရာတွင် မဟာမဲခေါင်ဒေသခွဲ အဖွဲ့ ဝင်နိုင်ငံများ၏ ခရီးသွားလုပ်ငန်းပူးပေါင်းဆောင်ရွက်မှုကို ၁၉၉၂ ခုနှစ် မဟာမဲခေါင်ဒေသခွဲ စီးပွားရေးပူးပေါင်းဆောင်ရွက်မှုအစီအစဉ်စတင်ကတည်းကပင် မြန်မာနိုင်ငံအနေဖြင့် တက် ကြွစွာပူးပေါင်းပါဝင်ဆောင်ရွက်ခဲ့ပါကြောင်း၊ ယခင် မဟာမဲခေါင်ဒေသခွဲ ခရီးသွားလုပ်ငန်း မဟာဗျူဟာအစီအစဉ် (၂၀၀၅-၂၀၁၅) ကို အဖွဲ့ဝင်နိုင်ငံများအောင်မြင်စွာပူးပေါင်း အကောင် အထည်ဖော်နိုင်ရန် အတွက် ကူညီထောက်ပံ့ခဲ့ကြသောအာရှဖွံ့ဖြိုးရေးဘဏ်နှင့်အခြားမိတ်ဖက် အဖွဲ့အစည်းများကိုကျေးဇူးတင်ရှိပါကြောင်း၊ အနာဂတ်တွင်လည်း ဆက်လက်၍ ကူညီကာ ပူးပေါင်းဆောင်ရွက်ပေးစေလိုပါကြောင်း၊ ယခု ၂၀၁၇ ခုနှစ် အနေဖြင့်၊ မဟာမဲခေါင်ဒေသခွဲ စီးပွားရေးပူးပေါင်းဆောင်ရွက်မှုအစီအစဉ်၏ (၂၅)နှစ်မြောက် အထိမ်း အမှတ်ဖြစ်ပြီး ယခုနှစ် အတွင်း မဟာမဲခေါင်ဒေသခွဲခရီးသွားလုပ်ငန်း မဟာဗျူဟာအစီအစဉ် (၂၀၁၆-၂၀၂၅) ကို အပြီးသတ်ရေးဆွဲအတည်ပြုနိုင်ခဲ့သောကြောင့် မဟာမဲခေါင်ဒေသခွဲ ခရီးသွားလုပ်ငန်းအဖွဲ့ အဖွဲ့ဝင်များ၊ အာရှဖွံ့ဖြိုးရေးဘဏ်နှင့်မဟာမဲခေါင်ဒေသခွဲခရီးသွားလုပ်ငန်းညှိနှိုင်းရေးမှူးရုံး တို့အတွက်ဂုဏ်ယူပါကြောင်း အဆိုပါ(၁၀)နှစ်တာ မဟာဗျူဟာအစီအစဉ်သည် မဟာမဲခေါင် ဒေသခွဲအဖွဲ့ဝင်နိုင်ငံများအကြားပူးပေါင်းဆောင်ရွက်မှုနှင့် အခြားခရီးသွားလုပ်ငန်းတွင်ပါဝင် ဆောင်ရွက်သူ များအားလုံးအတွက် လမ်းညွှန်တစ်ခုလည်းဖြစ်ပါကြောင်း၊ ဤမဟာဗျူဟာ အစီအစဉ်သည် မဟာမဲခေါင်ဒေသခွဲအဖွဲ့ဝင်နိုင်ငံအသီးသီး၏ ခရီးသွားလုပ်ငန်း မဟာ ဗျူဟာများ၊ မဟာမဲခေါင်ဒေသခွဲမဟာဗျူဟာမူဘောင်(၂၀၁၂-၂၀၂၂)များနှင့် လိုက်လျောညီ ထွေရှိပြီး လူ့စွမ်းအားအရင်းအမြစ်ဖွံ့ဖြိုးတိုးတက်ရန်၊ ခရီးသွားလုပ်ငန်းအခြေခံ အဆောက် အဦများမြှင့်တင်ရန်၊ ဝန်ဆောင်မှုများမြှင့်တင်ရန်၊ ဈေးကွက်ရှာဖွေမြှင့်တင်ရန်၊ ဒေသတွင်း သွားလာမှုလွယ်ကူစေရန်စသော အဓိကမဟာဗျူဟာ(၅)ရပ် ဖြင့် မဟာမဲခေါင်ဒေသခွဲ၏ စုစည်းမှု၊ ကြွယ်ဝချမ်းသာမှုနှင့် ဒေသတွင်းသာတူညီမျှရှိမှုတို့ကို ဖော်ဆောင်သွားမည် ဖြစ်ပါ ကြောင်း စသည်ဖြင့်ပြောကြားခဲ့ပါသည်။
ဆက်လက်၍ ဟိုတယ်နှင့်ခရီးသွားညွှန်ကြားမှုဦးစီးဌာနမှ ညွှန်ကြားရေးမှူးချုပ် ဦးတင့်သွင်က အစည်းအဝေး၏ ဥက္ကဋ္ဌအဖြစ် ဆောင်ရွက်ပြီး အစည်းအဝေးကို အစီအစဉ် အတိုင်းဆက်လက်ကျင်းပခဲ့ပါသည်။

ယခုကျင်းပသည့် (၄၀)ကြိမ်မြောက် မဟာမဲခေါင်ဒေသခွဲခရီးသွားလုပ်ငန်းအဖွဲ့ အစည်း အဝေးတွင် မဟာမဲခေါင်ဒေသခွဲခရီးသွားလုပ်ငန်း ဈေးကွက်မြှင့်တင်မှု အစီအစဉ် (၂၀၁၅-၂၀၂၀)အားအကောင်အထည်ဖော်ဆောင်ရွက်နေမှုများ၊ ဒေသတွင်းခရီးသွားလုပ်ငန်း စာရင်း ဇယားစံနှုန်းများညီညွတ်ရေးကိစ္စ၊ မဟာမဲခေါင်ဒေသ ခွဲခရီးသွား လုပ်ငန်းအဖွဲ့၏ ၂၀၁၈ လုပ်ငန်းအစီအစဉ်များ၊ ၂၀၁၈ ခုနှစ်အတွင်း ထိုင်းနိုင်ငံ၌ကျင်းပပြုလုပ်မည့် မဲခေါင်ခရီးသွား လုပ်ငန်းဖိုရမ်နှင့် (၄၁)ကြိမ်မြောက် မဟာ မဲခေါင်ဒေသခွဲခရီးသွားလုပ်ငန်းအဖွဲ့အစည်းအဝေး ကျင်းပရေးကိစ္စ၊ ကမ္ဘောဒီးယား၊ လာအိုနှင့် ဗီယက်နမ်နိုင်ငံတို့မှ အကောင်အထည်ဖော် ဆောင်ရွက်လျက်ရှိသော မဟာမဲခေါင်ဒေသခွဲခရီးသွားလုပ်ငန်းအခြေခံအဆောက်အဦ ဖွံ့ဖြိုး တိုးတက်ရေးဆိုင်ရာစီမံကိန်းဆိုင်ရာကိစ္စများ၊ မဟာမဲခေါင်ဒေသခွဲ အဖွဲ့ဝင်နိုင်ငံများနှင့် ဖွံ့ဖြိုးမှု မိတ်ဖက်အဖွဲ့အစည်းများအကြား ခရီးသွားလုပ်ငန်းပူးပေါင်းဆောင်ရွက်နေမှုများကို ဆွေးနွေးခဲ့ကြပါသည်။

မဟာမဲခေါင်ဒေသခွဲခရီးသွားလုပ်ငန်းအဖွဲ့အစည်းအဝေးများကိုအဖွဲ့ဝင်နိုင်ငံများတွင် အက္ခရာစဉ်အလိုက် တစ်နှစ်လျှင်(၂)ကြိမ်ကျင်းပလျက်ရှိပြီး ခရီးသွားလုပ်ငန်း ဘုတ်အဖွဲ့ အစည်းအဝေးနှင့် အခြားဆက်စပ်အစည်းအဝေးပွဲများကိုပါ ပူးတွဲကျင်းပလေ့ရှိကြောင်း သတင်းရရှိပါသည်။