နေပြည်တော် ၊ ဒီဇင်ဘာ (၇)

မြန်မာနိုင်ငံ ရပ်ရွာလူထုအခြေပြုခရီးသွားလုပ်ငန်း စံနှုန်းများဖော်ထုတ်ရေး Conference ကို ယနေ့နံနက် (၉း၀၀)နာရီတွင် နေပြည်တော်ရှိ မင်္ဂလာသီရိဟိုတယ်၌ ကျင်းပရာ ဟိုတယ်နှင့်ခရီးသွား လာရေးဝန်ကြီးဌာန ပြည်ထောင်စုဝန်ကြီး ဦးအုန်းမောင်တက်ရောက်၍ အဖွင့်အမှာစကားပြောကြားသည်။ ပြည်ထောင်စုဝန်ကြီးက ဟိုတယ်နှင့်ခရီးသွားလာရေးဝန်ကြီးဌာနကို မိမိစတင်တာဝန်ယူကတည်းက မြန်မာနိုင်ငံတွင် ခရီးသွားလုပ်ငန်း  စနစ်တကျနှင့်ရေရှည်တည့်တံ့ဖွံ့ဖြိုးရေးအတွက် ခိုင်မာသော အုတ်မြစ် ချပေးလျက်ရှိပါကြောင်း ၊ အထူးသဖြင့် ခရီးစဉ်ဒေသအသစ်များဖော်ထုတ်ရေး ၊ လည်ပတ်စရာနေရာများ ပိုမိုဖန်တီးခြင်းဖြင့် ကမ္ဘာလှည့်ခရီးသည်များ လာရောက်လည်ပတ်၍ ရက်ကြာကြာ နေထိုင်ရေးတို့ကို ဆောင်ရွက်လျက်ရှိကြောင်း ၊ မြန်မာနိုင်ငံတွင် ရိုးရာဓလေ့စရိုက်နှင့် နေရာဒေသအလှအပများသည် ရပ်ရွာ အခြေပြုခရီးသွားလုပ်ငန်းဖော်ဆောင်ရေးအတွက် ကောင်းမွန်သော အရည်အချင်း ကောင်းများရှိပါ ကြောင်း ၊ ယခုကဲ့သို့ မြန်မာနိုင်ငံ၏ ရပ်ရွာလူထုအခြေပြုခရီးသွား လုပ်ငန်း စံနှုန်းများ ဖော်ထုတ်ခြင်း အား ဖြင့် ပြည်နယ်နှင့်တိုင်းဒေသကြီးများတွင် Community Based Tourism ရပ်ရွာလူထုအခြေပြုခရီးသွား လုပ်ငန်း အကောင် အထည်ဖော်ရာတွင် ရှိသင့်ရှိထိုက်သော အခြေခံစံနှုန်းများ ပေါ်ထွက်လာမည်ဖြစ်ပြီး ယင်းစံနှုန်းများကို အခြေခံ၍  အရည်အသွေးပြည့်ဝစနစ်ကျသော ရပ်ရွာလူထု အခြေပြုခရီးသွားလုပ်ငန်း များ ပေါ်ထွက်လာပြီး ဒေသခံပြည်သူလူထုအတွက် တိုက်ရိုက်လူမှုစီးပွားအကျိုးခံစားခွင့် ရရှိမည်ဖြစ်၍ ကောင်းမွန်ပါကြောင်း၊ ဤအစီ အစဉ်ဖြစ်ပေါ်ရေးအတွက် ဟိုတယ်နှင့်ခရီးသွားလာရေးဝန်ကြီးဌာန နှင့် ပူးပေါင်းဆောင်ရွက်ကြသော LUX DEV၊ GIZ  ၊ CBI ၊ CBT Network မှ တာဝန်ရှိသူများကို အထူးကျေးဇူး တင်ရှိပါကြောင်း၊ မြန်မာနိုင်ငံနှင့်ကိုက်ညီသော ရပ်ရွာလူထုအခြေပြုခရီးသွားလုပ်ငန်း စံနှုန်းတစ်ခု ထွက် ပေါ်လာမှုအတွက် အားလုံးမှ ၀ိုင်းဝန်းဆွေးနွေးဖော် ထုတ်ပေးကြပါရန် ပြောကြားပါသည်။ အဆိုပါ ကွန်ဖရင့် သို့ ဌာနဆိုင်ရာများမှ တာဝန်ရှိသူများ၊ ရပ်ရွာလူထုအခြေပြုခရီးသွားလုပ်ငန်း ဆောင် ရွက်နေသော အဖွဲ့အစည်း များမှ ကိုယ်စားလှယ်များ၊ ဖွံ့ဖြိုးတိုးတက်မှုမိတ်ဖက်အဖွဲ့အစည်းများမှ ကိုယ်စား လှယ်များ၊ ခရီးသွားလုပ်ငန်းအဖွဲ့အစည်းအသီးသီးမှ ကိုယ်စားလှယ်များ တက်ရောက်ခဲ့ကြ ပါသည်။ အဆိုပါကွန်ဖရင့် ကို (၇-၁၂-၂၀၁၇) ရက်နေ့မှ (၈-၁၂-၂၀၁၇) ရက်နေ့အထိ (၂) ရက်ကြာ ကျင်းပမည်ဖြစ်ကြောင်း သတင်းရရှိပါသည်။