နေပြည်တော်၊ မတ်လ (၁၄) ရက်

              ဟိုတယ်နှင့်ခရီးသွားလာရေးဝန်ကြီးဌာန၊ ပြည်ထောင်စုဝန်ကြီး၊ ဦးအုန်းမောင်သည် ၂၀၁၈ ခုနှစ်၊ မတ်လ ၁၃ ရက်နေ့၊ ညနေ (၇) နာရီခွဲအချိန်တွင် ရန်ကုန်မြို့၊ Melia ဟိုတယ်၌ ငပလီ ကမ်းခြေ စဉ်ဆက်မပြတ် ဖွံ့ဖြိုးတိုးတက်ရေးအတွက် သက်ဆိုင်သည့် တာဝန်ရှိပုဂ္ဂိုလ်များ၊ ပညာရှင်များနှင့် တွေ့ဆုံ ၍ ညှိနှိုင်းဆွေးနွေးခဲ့ပါသည်။

ဆွေးနွေးပွဲတွင် ပြည်ထောင်စုဝန်ကြီးက ပြောကြားရာတွင် ငပလီကမ်းခြေဒေသသည် မြန်မာ နိုင်ငံရှိ ကမ်းခြေဒေသများတွင် အလှပဆုံးနှင့် အကျော်ကြားဆုံးကမ်းခြေဒေသဖြစ်ပြီး၊ ကမ္ဘာပေါ်ရှိကမ်းခြေ ဒေသများနှင့် နှိုင်းယှဉ်မည်ဆိုလျှင်လည်း ထိပ်ဆုံးကမ်းခြေ (၁၀) ခုတွင် အပါအ၀င်ဖြစ်ကြောင်း၊ သို့သော် ယခုနှစ်ပိုင်းအတောအတွင်းတွင် ကမ်းခြေ၏ အရည်အသွေး ကျဆင်းလာပြီး၊ လာရောက်လည်ပတ်သည့် ဧည့်သည်များ၏ စိတ်ကျေနပ်မှုလည်း ကျဆင်းခဲ့သည်ကို တွေ့ရှိရကြောင်း၊ သို့ဖြစ်၍ အချိန်မီ ထိန်းသိမ်း နိုင်ရေးအတွက် ရေတို၊ ရေရှည်အစီအမံများ ချမှတ်နိုင်ရေးအတွက် ဆွေးနွေးအကြံပြုပေးစေလိုပါကြောင်း ပြောကြားပါသည်။

ထို့နောက် ရခိုင်ပြည်နယ် စီမံ၊ ဘဏ္ဍာ၊ အခွန်နှင့် စီးပွားရေးဝန်ကြီး ဦးကျော်အေးသိန်းမှ ပြော ကြားရာတွင် ငပလီကမ်းခြေသည် ခရီးသွားဧည့်သည်တိုးတက်များပြားလာမှုနှင့်အညီ ကမ်းခြေ၏ သဘာဝ အလှအပများမှာ လျော့နည်းလာကြောင်း၊ အဆိုပါလျော့နည်းသွားမှုများကို ပြန်လည် မြှင့်တင်ရန်အတွက် အစီအမံများ အမြန်ဆုံးချမှတ် ဆောင်ရွက်သွားမည်ဖြစ်ကြောင်း၊ စည်းကမ်းမလိုက်နာမှုများကို အဓိက ထိန်းကျောင်း ဆောင်ရွက်သွားမည်ဖြစ်ကြောင်း ပြောကြားပါသည်။

ဆက်လက်၍ တက်ရောက်လာသည့် ပညာရှင်များမှ ကမ်းခြေဒေသ ရေရှည်ဖွံ့ဖြိုး တိုးတက်ရေး အတွက် ဆောင်ရွက်သင့်သည်များကို ၀ိုင်းဝန်းအကြံပြု ဆွေးနွေးကြပြီး ဟိုတယ်နှင့် ခရီးသွားလာရေး ၀န်ကြီးဌာန၊ ဒုတိယအမြဲတမ်းအတွင်းဝန်၊ ဦးလှိုင်ဦးမှ ကမ်းခြေဒေသ ဖွံ့ဖြိုးတိုးတက်ရေးအတွက် ဆောင်ရွက်သင့်သည်များကို အသေးစိတ်တင်ပြပါသည်။

ထို့နောက် ပြည်ထောင်စုဝန်ကြီးမှ ငပလီကမ်းခြေ သဘာဝအလှအပများ လျော့နည်းကျဆင်းခဲ့ မှုများကို ဖြစ်ပေါ်စေသည့် အခြေအနေများကို ဖော်ထုတ်ရမည်ဖြစ်ကြောင်း၊ ဆောင်ရွက် ရမည့် ကိစ္စရပ် များကို စစ်တမ်းကောက်ယူ၍ အမြန်အကောင်အထည်ဖော် ဆောင်ရွက်ရမည်ဖြစ်ပြီး၊ ဒေသခံများ၏ တင်ပြ မှုများကိုလည်း အလေးထား ဆောင်ရွက်သွားရန် ဖြစ်ကြောင်း စသည်ဖြင့် ပြောကြားပါသည်။

အဆိုပါ ညှိနှိုင်းဆွေးနွေးပွဲသို့ ပြည်ထောင်စုဝန်ကြီးနှင့်အတူ ရခိုင်ပြည်နယ် စီမံ၊ ဘဏ္ဍာ၊ အခွန် နှင့် စီးပွားရေးဝန်ကြီး ဦးကျော်အေးသိန်း၊ မြန်မာနိုင်ငံ အင်ဂျင်နီယာကောင်စီမှ ဥက္ကဌ ပါမောက္ခ၊ ဒေါက်တာ ချာလီသန်း၊ မြန်မာနိုင်ငံအင်ဂျင်နီယာအသင်းမှ ဥက္ကဌ ဦးအောင်မြင့်၊ မြန်မာအင်ဂျင်နီယာအသင်းမှ ဒုဥက္ကဌ ဒေါက်တာချိုဝင်းမော်၊  Occupational Safety Health & Environment Service Co.,Ltd မှ ဦးစိုးမြင့်၊ ဟိုတယ်နှင့်ခရီးသွားလာရေးဝန်ကြီးဌာန၊ ဒုတိယအမြဲတမ်းအတွင်းဝန်၊ ဦးလှိုင်ဦး၊ ဒုတိယညွှန်ကြားရေးမှူး ချုပ်၊ ဦးမြင့်ထွေးတို့ တက်ရောက် ဆွေးနွေးခဲ့ကြကြောင်း သတင်းရရှိပါသည်။