နေပြည်တော်၊ မေလ (၁၅) ရက်

ဟိုတယ်နှင့်ခရီးသွားလာရေးဝန်ကြီးဌာန လက်အောက်ရှိ ဟိုတယ်နှင့်ခရီးသွားညွှန်ကြားမှုဦးစီးဌာန (တောင်ကြီးရုံး) ပညာရေးဝန်ကြီးဌာန လက်အောက်ရှိ ညောင်ရွှေသက်မွေးပညာ သင် တန်းကျောင်းနှင့်  မြန်မာနိုင်ငံ ဟိုတယ်လုပ်ငန်းရှင်များအသင်း (ရှမ်းတောင်ဇုန်) တို့ ပူးပေါင်း၍ စီစဉ်ဖွင့်လှစ်သည့် ဟိုတယ်ဝန်ဆောင်မှုဆိုင်ရာ သင်တန်း (၄) မျိုးဖွင့်ပွဲ အခမ်းအနားကို ၂၀၁၈-ခုနှစ်၊ မေလ (၁၄) ရက် နံနက်(၀၉:၃၀)နာရီတွင် ညောင်ရွှေသက်မွေးပညာ သင်တန်းကျောင်း၌ ကျင်းပခဲ့ရာ ရှမ်းပြည်နယ် အစိုးရအဖွဲ့၊ အင်းတိုင်းရင်သားလူမျိုးရေးရာဝန်ကြီး ဒေါက်တာ ထွန်းလှိုင် တက်ရောက်၍ အဖွင့်မိန့်ခွန်း ပြောကြားခဲ့ပါသည်။

အင်းတိုင်းရင်းသား လူမျိုးရေးရာဝန်ကြီးမှ အဖွင့်မိန့်ခွန်းပြောကြားရာတွင် ယခုကဲ့သို့ သင်တန်းများ ဖွင့်လှစ်ပေးခြင်းဖြင့် လူ့စွမ်းအားအရင်းအမြစ်တွေ တိုးလာမှာဖြစ်ပြီး၊ လူ့စွမ်းအား အရင်းအမြစ်မှာ မည်သည့် အခါမျှ မကုန်ခမ်းနိုင်ကြောင်း၊ သင်တန်းသားများသည် သင်တန်းတက်ရောက်နေခြင်း သက်သက် မဟုတ် ဘဲ နိုင်ငံတော်အတွက် အကျိုးရှိစေမည့် တာဝန်များကို ထမ်းဆောင်နိုင်သည့် နိုင်ငံသားကောင်းတစ်ဦး ဖြစ်ဖို့လိုကြောင်း၊ သင်တန်းသားများသည် ဒေသခံများဖြစ်ပြီး Hotels & Tourism နယ်ပယ်တွင် နိုင်ငံတကာမှ ဧည့်သည်များနှင့် ထိတွေ့ ဆက်ဆံရသည့်အတွက် မိမိကိုယ်တိုင် စည်းကမ်းလိုက်နာဖို့ လိုကြောင်း၊ မိမိတို့ ဝန်ဆောင်မှုပေးလိုက်သည့် ဧည့်သည်များထံမှ နိုင်ငံတကာနှင့်ပတ်သက်သည့် ဗဟုသုတများ ပြန်လည်ရ ယူနိုင်ပါကြောင်း၊ ဆက်လက်၍ Hotels & Tourism နယ်ပယ်တွင် တာဝန် ထမ်းဆောင်နေသော ဝန်ထမ်းများသည် မိမိဒေသ၊ မိမိနိုင်ငံအတွက် ဝင်ငွေရရှိအောင် တစ်ဖက်တစ် လမ်းမှ ဆောင်ရွက်ပေးနေသည့် နိုင်ငံ့သားကောင်း များဖြစ်ပါကြောင်းပြောကြားပါသည်။

မြန်မာနိုင်ငံ ဟိုတယ်ဆိုင်ရာ လုပ်ငန်းရှင်များအသင်း(ရှမ်းတောင်ဇုန်) ဥက္ကဌ ဦးမျိုးမင်းဇော် မှ သင်တန်းနှင့် ပတ်သက်သည့် အကြောင်းအရာများကို ရှင်းလင်းပြောကြားရာတွင် မိမိတို့ MHA အနေဖြင့် ဟိုတယ်နှင့်ခရီးသွားလာရေးဝန်ကြီးဌာန၏ လမ်းညွှန်မှုဖြင့် ဟိုတယ်ဆိုင်ရာသင်တန်းများကို စဉ်ဆက် မပြတ် ဖွင့်လှစ်ပေးလျှက်ရှိကြောင်း၊ ယနေ့သင်တန်းတက်ရာက်မည့် လူငယ် များသည် အရည်အချင်းရှိ နည်းပြဆရာများ၊ သင်ထောက်ကူများဖြင့် သင်ကြားရမည်ဖြစ်သဖြင့် မိမိတို့ ခေတ်အချိန်အခါနှင့် ယှဉ်ကြည့်လျှင် များစွာကံကောင်းသူ များဖြစ်ကြပါကြောင်း အစရှိ သည်ဖြင့်ပြောကြားသွားပါသည်။

ဟိုတယ်နှင့်ခရီးသွားညွှန်ကြားမှုဦးစီးဌာန၊ တောင်ကြီးရုံးမှ ဒုတိယညွှန်ကြားရေးမှူး  ဒေါ်ညွန့်ညွန့်ခိုင် မှ သင်တန်းနှင့် ပတ်သက်၍ အမှာစကားပြောကြားရာတွင် ယနေ့သင်တန်းကို လာရောက် တက်ရောက်သူ သင်တန်းသူ/သားများအနေနှင့် သင်တန်းမှ ချမှတ်ထားသော စည်းမျဉ်းစည်းကမ်းများကို လိုက်နာရန်၊ အဆောင်နေ သင်တန်းသူ/သားများသည် သတ်မှတ်ချိန်မကျော်လွန်မီ မိမိတို့ အိပ်ဆောင်သို့ အရောက်ပြန်ရန်၊ သင်တန်းချိန်အား (၃) ရက်ထိ ပျက်ကွက်ခွင့်မပြုကြောင်း၊ သင်တန်းဆရာများ၏ သွန်သင်ဆုံးမမှုကိုလိုက်နာရန်လိုကြောင်း၊ သင်ကြားသည့် ဘာသာ ရပ်နှင့် ပတ်သက်၍ မရှင်းလင်းသည်များ၊ နားမလည်မှုများ ရှိပါက ဆရာများအား မေးမြန်းရန်၊ လုပ်ငန်းခွင်သို့ဝင်ရောက်လျှင် မိမိတာဝန်ယူရသည့် အပိုင်းအား ဧည့်သည်ကျေနပ်သည်အထိ ဝန်ဆောင်မှုပေးရန် အရည်အသွေးကောင်းများ ရှိနေဖို့လို ကြောင်း၊ သင်ခန်းစာများအား ကြိုးစားသင်ယူသွားကြရန် ပြောကြားသွားပါသည်။

သင်တန်းဖွင့်ပွဲ အခမ်းအနားသို့ ရှမ်းပြည်နယ်အစိုးရအဖွဲ့မှ အင်းတိုင်းရင်းသားလူမျိုးရေးရာဝန်ကြီး၊ ဟိုတယ်နှင့်ခရီးသွားညွှန်ကြားမှုဦးစီးဌာန၊ တောင်ကြီးရုံးမှ ဒုတိယညွှန်ကြားရေးမှူး၊ ညောင်ရွှေမြို့နယ်ရှိ ဌာနဆိုင်ရာမှ တာဝန်ရှိသူများ၊ မြန်မာနိုင်ငံဟိုတယ်ဆိုင်ရာ လုပ်ငန်းရှင်များအသင်း (ရှမ်းတောင်ဇုန်) ဥက္ကဌနှင့်အဖွဲ့ဝင်များ၊ သင်တန်းနည်းပြများ နှင့် သင်တန်းသား/ သူများ စုစုပေါင်း (၁၈၄)ဦး တက်ရောက် ခဲ့ကြပြီး သင်တန်းဖွင့်ပွဲ အခမ်းအနားကို နံနက် (၁၁:၀၀) နာရီအချိန်တွင် ရုပ်သိမ်းခဲ့ပါကြောင်း သတင်း ရရှိပါသည်။