နေပြည်တော်၊ ဇွန်လ (၁၄) ရက်

         ဟိုတယ်နှင့်ခရီးသွားလာရေးဝန်ကြီးဌာနသည် ခရီးသွားလုပ်ငန်းဖွံ့ဖြိုး တိုးတက်စေရန်အတွက် ဘက်ပေါင်းစုံမှ အရှိန်အဟုန်မြှင့် ဆောင်ရွက်လျက်ရှိရာ လူ့စွမ်းအား အရင်းအမြစ် ဖွံ့ဖြိုး တိုးတက်စေပြီး အလုပ်အကိုင် အခွင့်အလမ်းများရရှိစေရန်၊ ဒေသတွင်းဆင်းရဲမွဲတေမှု လျော့ချစေရန် ရည်ရွယ်၍ ခရီးသွား လုပ်ငန်း နယ်ပယ်အသီးသီးနှင့် ဆက်စပ်လျှက်ရှိသော ခရီးသွား လုပ်ငန်းများတွင် လူအများ ပါဝင်လာ စေရန် ၀င်ငွေနည်းပါးသော လူထုများအမျိုးသမီးများ၊ လူငယ်များနှင့် တိုင်းရင်းသားလူမျိုးစုများအတွက် အဆင့်အတန်းမြင့်မားသော ခရီးသွားလုပ်ငန်း ၀န်ဆောင်မှု အတက်ပညာများ သင်ကြားပေးခြင်းအားဖြင့် ခရီးသွားလုပ်ငန်းမှ ရရှိလာမည့် ၀င်ငွေများကို လူအများရရှိ ခံစားလာစေရန်အတွက် ယခုလို ပြည်တွင်း ဘုရားဖူးဝန်ဆောင်မှု အသင်းမှ ခရီးစဉ်လမ်းကြောင်း တာဝန်ခံ သင်တန်းအမှတ်စဉ် (၄/၂၀၁၈) သင်တန်း ကို ဖွင့်လှစ်ပေးရခြင်း ဖြစ်ပါသည်။ ၄င်းသင်တန်းဖွင့်ပွဲကို မန္တလေးမြို့၊ ၆၂လမ်း၊ သာယာဝတီမင်းကြီးလမ်း၊ Community Centre ပြည်ကြီးတံခွန်မြို့နယ်၊ ပြန်ကြားရေးခရိုင် ရုံးခန်းမတွင် (၁၃.၆.၂၀၁၈) ရက်နေ့ ညနေပိုင်းတွင် ကျင်းပပြုလုပ်ခဲ့ပါသည်။

သင်တန်းဖွင့်ပွဲ အခမ်းအနားတွင်  ဟိုတယ်နှင့်ခရီးသွားလာရေးဝန်ကြီးဌာန၊ ဟိုတယ်နှင့် ခရီးသွား ညွှန်ကြားမှုဦးစီးဌာန (မန္တလေးရုံးခွဲ) တာဝန်ခံ ညွှန်ကြားရေးမှူး ဦးခင်မောင်ရွှေ၊ ပြည်တွင်းဘုရားဖူးနှင့် ခရီးသွားလုပ်ငန်းရှင်များအသင်း ဒုဥက္ကဌ (ရန်ကုန်) ဦးသန်းဌေးနှင့် ပြည်တွင်းဘုရားဖူးနှင့် ခရီးသွားလုပ် ငန်းရှင်များအသင်း ဥက္ကဌ (မန္တလေး) ဦးဇင်မင်းကျော် (ထွန်းဘုရားဖူး) တို့မှ အဖွင့်အမှာစကား ပြော ကြားခဲ့ပါသည်။

အဆိုပါ သင်တန်းဖွင့်ပွဲ အခမ်းအနားသို့ ဟိုတယ်နှင့်ခရီးသွား ညွှန်ကြားမှု ဦးစီးဌာန (မန္တလေးရုံးခွဲ) တာဝန်ခံ ညွှန်ကြားရေးမှူး ဦးခင်မောင်ရွှေနှင့် အရာထမ်း၊ အမှုထမ်းများ၊ သင်တန်း တာဝန်ခံနှင့် ဖိတ်ကြား ထားသော ဧည့်သည်တော်များ၊ ဌာနဆိုင်ရာမှ တာဝန်ရှိသူများ၊ သင်တန်းနည်းပြများ၊ ပြည်တွင်း ဘုရားဖူး ၀န်ဆောင်မှုအသင်းမှ သင်တန်းသား/ သင်တန်းသူများ စုစုပေါင်း (၈၀) ဦး အဆိုပါ အခမ်းအနားသို့ တက် ရောက်ခဲ့ကြပါသည်။

ပြည်တွင်းဘုရားဖူး ဝန်ဆောင်မှုအသင်းမှ ခရီးစဉ်လမ်းကြောင်း တာဝန်ခံ သင်တန်းအမှတ်စဉ် (၄/၂၀၁၈) သင်တန်းတွင် သင်တန်းသား/ သင်တန်းသူ (၆၀) ဦး တက်ရောက်ခဲ့ပြီး ၄င်းသင်တန်းကို စာတွေ့/လက်တွေ့ On Job Training  လုပ်ငန်းခွင်မပျက် သင်ကြားပို့ချပေးမည်ဖြစ်ပြီး သင်တန်းကာလ မှာ ရက်သတ္တ (၇) ပါတ် ကြာမြှင့်မည်ဖြစ်ကြောင်း သတင်းရရှိပါသည်။