နေပြည်တော်၊ ဇူလိုင်လ (၁၂) ရက်

ဟိုတယ်နှင့်ခရီးသွားလာရေးဝန်ကြီးဌာနသည် နိုင်ငံတကာမှ ခရီးသွားဧည့်သည်များ မြန်မာ နိုင်ငံသို့ လုံခြုံစိတ်ချစွာဖြင့် အဆင်ပြေလွယ်ကူစွာ သွားရောက် လည်ပတ်နိုင်ရေးကို ဆောင်ရွက်ပေး လျက်ရှိရာ လေကြောင်း၊ ရေကြောင်းများဖြင့်သာမက နယ်စပ်ဝင်/ ထွက်ပေါက်များမှ လာရောက်သည့် ခရီသွားဧည့်သည်များ အတွက်လည်း ၀င်/ထွက် သွားလာမှုလွယ်ကူစေရေး စီစဉ်ဆောင်ရွက်ပေး လျက်ရှိပါသည်။ သို့ဖြစ်ရာ နိုင်ငံတကာမှ ခရီးသွားဧည့်သည်များသည် ၎င်းတို့၏ ကိုယ် ပိုင်မော်တော် ယာဉ်၊ မော်တော်ဆိုင်ကယ်များဖြင့်လည်း နယ်စပ်ဖြတ်ကျော်ကာ မြန်မာနိုင်ငံအတွင်းသို့ဝင် ရောက်ပြီး နိုင်ငံအတွင်းရှိ သဘာဝအလှအပရှုခင်း များ၊ ယဉ်ကျေးမှုအမွေ အနှစ်များ၊ တိုင်းရင်းသား လူမျိုးတို့၏ ဓလေ့ထုံးစံများကို လာရောက်ကြည့်ရှုလေ့လာ လည်ပတ်လျက်ရှိပါသည်။

 

ဟိုတယ်နှင့်ခရီးသွားလာရေးဝန်ကြီးဌာန၏ကူညီဆောင်ရွက်ပေးမှုနှင့် Wide View Travels & Tours Co.,Ltd ၏ စီစဉ်ဆောင်ရွက်မှုတို့ဖြင့် ထိုင်းနိုင်ငံသား (၂၈) ဦးတို့သည် ကိုယ်ပိုင်မော်တော် ယာဉ် (၇) စီးဖြင့် ၂၀၁၈ ခုနှစ်၊ ဇူလိုင်လ (၇) ရက်နေ့မှ ဇူလိုင်လ (၉) ရက်နေ့အထိ တာချီလိတ် နယ်စပ်ဂိတ်မှ ဝင်ရောက် လာပြီး တာချီလိတ်- ကျိုင်းတုံ – တာချီလိတ်မြို့များသို့ သွားရောက်၍ အဆိုပါ ဒေသများရှိ ထင်ရှားသော နေရာများကိုလည်ပတ်ခဲ့ကြပြီး ဇူလိုင်လ (၉) ရက်နေ့တွင် တာချီလိတ် နယ်စပ်ဂိတ်မှ တဆင့် ထိုင်းနိုင်ငံသို့ ပြန်လည်ထွက်ခွာသွားကြပါသည်။

ယခုအချိန်သည် မိုးရာသီကာလဖြစ်သော်လည်း နိုင်ငံခြားသားဧည့်သည်များအနေဖြင့် မြန်မာနိုင်ငံသို့ နယ်စပ်ဝင်/ ထွက်ပေါက်များမှ ကိုယ်ပိုင်မော်တော် ယာဉ်/ ဆိုင်ကယ်များဖြင့် လည်းကောင်း၊ ၎င်းတို့၏ အစီအစဉ်ဖြင့်လည်းကောင်း၊ ဝင်ရောက်လာပြီး မြန်မာနိုင်ငံ၏ ထင်ရှား  သောဒေသများသို့ သွားရောက်လည် ပတ်လျက်ရှိကြောင်း သတင်းရရှိပါသည်။