+95-67- 406458 [email protected]
Select Page

နေပြည်တော်၊ ဇန်န၀ါရီလ (၁၄) ရက်

ရခိုင်ပြည်နယ်၊ ကျောက်ဖြူမြို့ရှိ ဒေသခံလူငယ်များ၏ လူ့စွမ်းအားအရင်းအမြစ်များ ဖွံ့ဖြိုးတိုး တက်စေရန်နှင့် အလုပ်အကိုင်အခွင့်အလမ်းများ ပိုမိုရရှိရန် ရည်ရွယ်၍ ဟိုတယ်နှင့် ခရီးသွားလာရေးဝန်ကြီး ဌာန၏ လမ်းညွှန်မှု၊ ဟိုတယ်နှင့်ခရီးသွားညွှန်ကြားမှုဦးစီးဌာန (စစ်တွေရုံးခွဲ) ၏ စီစဉ်ကြီးကြပ်မှုဖြင့် ဖွင့်လှစ် သင်ကြားသည့် ” ကွန်ပျူတာ(အခြေခံ)သင်တန်း ” ဖွင့်ပွဲ အခမ်းအနားကို ယနေ့နံနက် (၁၀:၀၀) နာရီ အချိန်တွင် ကျောက်ဖြူမြို့ရှိ မြို့နယ်အုပ်ချုပ်ရေးမှူးရုံး အစည်းအဝေးခန်းမတွင် ကျင်းပပြုလုပ်ခဲ့ပါသည်။

အဆိုပါသင်တန်းဖွင့်ပွဲသို့ ဟိုတယ်နှင့်ခရီးသွားညွှန်ကြားမှုဦးစီးဌာန(စစ်တွေရုံးခွဲ)မှ ညွှန်ကြားရေးမှူး ဦးရဲအောင်မိုးနှင့် တာဝန်ရှိသူများ၊  ဌာနဆိုင်ရာများမှ တာဝန်ရှိသူများ၊ သင်တန်း နည်းပြဆရာများနှင့် သင်တန်းသား/သင်တန်းသူများ တက်ရောက်ကြပြီး အခမ်းအနားတွင် ညွှန်ကြားရေးမှူး ဦးရဲအောင်မိုးက ဒေသခံလူငယ်များအတွက် ကွန်ပျူတာ(အခြေခံ)သင်တန်း ဖွင့်လှစ်သင်ကြားပေးရခြင်းနှင့် ပတ်သက်၍ အဖွင့်အမှာစကားပြောကြားခဲ့ပါသည်။

အဆိုပါ ကျောက်ဖြူမြို့တွင် ဖွင့်လှစ်သင်ကြားပေးမည့် ကွန်ပျူတာ(အခြေခံ) သင်တန်းတွင် ကျောက်ဖြူမြို့ရှိ ဒေသခံသင်တန်းသား/သင်တန်းသူ (၂၀) ဦးအား သင်ကြားပို့ချပေး သွားမည်ဖြစ်ပြီး သင်တန်းကာလမှာ (၁၄.၁.၂၀၁၉)ရက်နေ့မှ (၁၃.၂.၂၀၁၉)ရက်နေ့အထိ ရက်သတ္တပတ် (၄)ပတ်ကြာမြင့် မည်ဖြစ်ကြောင်း သတင်းရရှိပါသည်။