နေပြည်တော်၊ ဖေဖော်ဝါရီလ (၈) ရက်

၂၀၁၉ ခုနှစ်၊ ဖေဖော်ဝါရီလ (၆) ရက်နေ့ နံနက်ပိုင်းတွင် ထုံးကျောက်လှိုဏ်ဂူ ဇီဝမျိုးစုံ မျိုးကွဲများ ထိန်းသိမ်းရေးနှင့် ခရီးသွားလုပ်ငန်းဖွံ့ဖြိုးရေး အလုပ်ရုံ ဆွေးနွေးပွဲကို ရွာငံမြို့၊ ဗထူးခန်းမ၌ ကျင်းပရာ ဟိုတယ်နှင့်ခရီးသွားညွှန်ကြားမှုဦးစီးဌာန တောင်ကြီးရုံးခွဲမှ တာဝန်ရှိသူများ၊ ရွာငံမြို့နယ်မှ ဌာနဆိုင်ရာ တာဝန်ရှိသူများ၊ Fauna and Flora International မှ Regional Project Development Director Mr. Frank Momberg ၊ Fauna and Flora International မှ စီမံကိန်း မန်နေဂျာများ၊  ဒေသခံများနှင့် ဧည့်လမ်းညွှန်များ တက်ရောက်ခဲ့ကြပါသည်။

ဆွေးနွေးပွဲတွင် ဟိုတယ်နှင့်ခရီးသွားညွှန်ကြားမှုဦးစီးဌာန တောင်ကြီးရုံးခွဲမှ လက်ထောက် ညွှန်ကြားရေးမှူး ဦးဝင်းအောင်က အဖွင့်အမှာစကားကိုလည်းကောင်း၊ Fauna and Flora International မှ Regional Project Development Director Mr. Frank Momberg က မြန်မာနိုင်ငံတွင် သဘာဝ ထုံးကျောက်လှိုဏ်ဂူများ တည်ရှိမှုနှင့် ခရီးသွားလုပ်ငန်း ဖွံ့ဖြိုးတိုးတက် မှုများ၊ ထိန်းသိမ်းစောင့်ရှောက်ရန် လိုအပ်မှုများကိုလည်းကောင်း၊ FFI Myanmar မှ စီမံကိန်း မန်နေဂျာ ဦးအောင်လင်းနှင့် ဦးငွေလွင်က ထုံးကျောက်လှိုဏ်ဂူများစနစ်တကျစီမံခန့်ခွဲခြင်းနှင့် ကာကွယ်ထိန်းသိမ်းစောင့်ရှောက်ခြင်းကိုလည်းကောင်း ဆွေးနွေးခဲ့ကြပါသည်။

ဆက်လက်၍ Community Observation Association မော်လမြိုင်မှ တာဝန်ရှိသူတစ်ဦး၊ ဆင်လယ်ရေဝင်ဂူထိန်းသိမ်းရေးအဖွဲ့မှ တာဝန်ရှိသူတစ်ဦးနှင့် Climb O’ Clock (ရန်ကုန်)မှ ဦးညီညီအောင် တို့က ရသေ့ပျံဂူနှင့် ဆင်လယ်ရေဝင်ဂူ ထိန်းသိမ်းမှုဆိုင်ရာများ၊ လှိုဏ်ဂူများလေ့လာရာတွင် ဘေးကင်း လုံခြုံရေးနှင့် အသုံးပြုသောကိရိယာများတို့ကို အသီးသီးရှင်းလင်း ဆွေးနွေးခဲ့ကြပါသည်။ ထို့နောက် တက် ရောက်လာကြသူများအား အုပ်စု (၂)စုဖွဲ့ကာ ထုံးကျောက်ဂူများ ထိန်းသိမ်းရေးဆိုင်ရာများကို  ဝိုင်းဝန်း အကြံပြုဆွေးနွေးခဲ့ကြပါကြောင်း သတင်းရရှိပါသည်။