ဟိုတယ်နှင့်ခရီးသွားလာရေးဝန်ကြီးဌာန၏ ကြီးကြပ်မှု ၊ Miraculous Myanmar Travel & Tours Co.,Ltd ၏ စီစဉ်ဆောင်ရွက်မှုဖြင့် ထိုင်းနိုင်ငံသားဧည့်သည်(၃၂)ဉီးတို့သည် ၄င်းတို့၏ ကိုယ်ပိုင် မော်တော်ယာဉ် (၁၇) စီးဖြင့် ၂၀၂၀ ပြည့်နှစ်၊ ဇန်နဝါရီလ (၆) ရက်နေ့မှ ဇန်နဝါရီလ (၁၃) ရက်နေ့ အထိ မြဝတီ- ကျိုက်ထီးရိုး- နေပြည်တော်- ပုဂံ- မန္တလေး- အင်းလေး- တောင်ကြီး- ကျိုင်းတုံ- တာချီလိတ်ခရီးစဉ်အတိုင်းသွားရောက်လည်ပတ်၍ တာချီလိတ်နယ်စပ်ဂိတ်မှ ထိုင်းနိုင်ငံသို့ပြန်လည် ထွက်ခွာသွားကြပါသည်။
နိုင်ငံခြားသားခရီးသွားဧည့်သည်များ မြန်မာနိုင်ငံသို့ ပိုမိုတိုးမြှင့်ဝင်ရောက်နိုင်ရေးအတွက် ခရီးစဉ်ဒေသအသစ်များဖော်ထုတ်ခြင်းနှင့်ဘက်ပေါင်းစုံမှ ဖြေလျှော့ဆောင်ရွက်မှုများကြောင့် မြန်မာ နိုင်ငံ၏ ထင်ရှားသောဒေသ များသို့ စဉ်ဆက်မပြတ်လာရောက်လည်ပတ်လျက်ရှိကြောင်း သတင်းရရှိ ပါသည်။