ကမ္ဘာလှည့်ခရီးသွားဧည့်သည်များ စက်တပ်ရွက်​လှေများဖြင့် လာရောက်လည်ပတ်လျက်ရှိ

နေပြည်တော်၊ ဇန်နဝါရီလ (၂၈) ရက် ဟိုတယ်နှင့်ခရီးသွားလာရေးဝန်ကြီးဌာနသည် ဟိုတယ်နှင့်ခရီးသွားကဏ္ဍဖွံ့ဖြိုးတိုးတက်စေရေး မြန်မာနိုင်ငံသို့ လာရောက်လည်ပတ်သည့် နိုင်ငံတကာမှခရီးသွား ဧည့်သည်များ လုံခြုံစိတ်ချ စွာဖြင့် အဆင်ပြေချောမွေ့စွာ သွားရောက်လည်ပတ်နိုင်ရေးတို့ကို ဆောင်ရွက်လျက်ရှိရာ ပြည်တွင်း ပြည်ပမှ ခရီးသွားဧည့်သည်များသည် မြန်မာနိုင်ငံ၏ တောတောင်ရေမြေသဘာဝအလှအပများ၊ တိုင်းရင်းသားလူမျိုးများ၏ ရိုးရာယဉ်ကျေးမှုဓလေ့စရိုက်များကို ကြည့်ရှုလေ့လာခံစားနိုင်ရန် စက်တပ်ရွက်လှေ များဖြင့် မြန်မာနိုင်ငံ၏ ခရီးစဉ်​ဒေသများသို့ သွားလာလည်ပတ်လျက်ရှိပါသည်။ ဟိုတယ်နှင့်ခရီးသွားလာရေးဝန်ကြီးဌာန၏ ကြီးကြပ်မှု၊ A One Ranong Diving Center Co.,Ltd ၏ စီစဉ်ဆောင်ရွက်မှုဖြင့် ဖိလစ်ပိုင်နိုင်ငံသားဧည့်သည် (၁) ဦး၊ အီတလီနိုင်ငံသားဧည့်သည် (၂) ဉီး၊ ဗြိတိန်နိုင်ငံသားဧည့်သည် (၂) ဉီး၊ ရုရှားနိုင်ငံသားဧည့်သည် (၁) ဉီး၊ ဂျပန်နိုင်ငံသားဧည့်သည် (၁) ဦး၊ တရုတ်နိုင်ငံသားဧည့်သည်  (၁) ဦး၊ အစ္စရေးနိုင်ငံသားဧည့်သည် (၁) ဉီး ၊ ပြင်သစ်နိုင်ငံသား ဧည့်သည် (၂) ဉီး၊ ထိုင်းနိုင်ငံသားဧည့်သည် (၂) ဉီး ၊ ဒိန်းမတ်နိုင်ငံသားဧည့်သည် (၁) ဉီး၊ စုစုပေါင်း ဧည့်သည် (၁၄) ဉီးသည်  Sea World 1 စက်တပ်ရွက်လှေဖြင့် ၂၀၂၀ ပြည့်နှစ်၊ ဇန်နဝါရီလ (၁၃) ရက်နေ့မှ ဇန်နဝါရီလ (၁၉) ရက်နေ့အထိ ကော့သောင်း-နာနတ်သီးကျွန်း-ငါးမန်းကျွန်း-လေးကျွန်း-ကျွန်းဖီလာကျွန်း-လှိုဏ်ဂူကျွန်း-ခရင်းခွကျွန်း-စေတန်ကျွန်း-ကော့သောင်းမြို့များ သို့ သွားရောက်လည်ပတ်ခဲ့ကြပါသည်။ နိုင်ငံခြားသားခရီးသွားဧည့်သည်များ မြန်မာနိုင်ငံသို့ ပိုမိုတိုးမြှင့်ဝင်ရောက်နိုင်ရေးအတွက် ခရီးစဉ်ဒေသအသစ်များဖော်ထုတ်ခြင်းနှင့်ဘက်ပေါင်းစုံမှ ဖြေလျှော့ ဆောင်ရွက်မှုများကြောင့် မြန်မာ နိုင်ငံ၏ ထင်ရှားသောဒေသများသို့ စဉ်ဆက်မပြတ်လာရောက်လည်ပတ်လျက်ရှိပြီး ၂၀၁၉ ခုနှစ် ၊ ဇန်နဝါရီလ(၁) ရက်နေ့မှ ၂၀၁၉ခုနှစ်၊ ဒီဇင်ဘာလ (၃၁) ရက်နေ့အထိ စက်တပ်ရွက်လှေခရီးစဉ်  (၄၀၁)ခု ၊ ခရီးသွားဧည့်သည် (၃၁၇၄) ဦး  ဝင်ရောက်လည်ပတ်ခဲ့ပြီး  ဝင်ငွေ စုစုပေါင်းကျပ်သန်း (၅၅၆.၆) ကျော် ကောက်ခံရရှိခဲ့ပါကြောင်း သတင်းရရှိပါသည်။