ကမ္ဘာလှည့်ခရီးသွားဧည့်သည်များ စက်တပ်ရွက်လှေများဖြင့် လာရောက်လည်ပတ်လျက်ရှိ

နေပြည်တော်၊ ဇန်နဝါရီလ (၂၈) ရက် ဟိုတယ်နှင့်ခရီးသွားလာရေးဝန်ကြီးဌာနသည် ဟိုတယ်နှင့်ခရီးသွားကဏ္ဍဖွံ့ဖြိုးတိုးတက်စေရေး မြန်မာနိုင်ငံသို့ လာရောက်လည်ပတ်သည့် နိုင်ငံတကာမှခရီးသွားဧည့်သည်များ လုံခြုံစိတ်ချ စွာဖြင့် အဆင်ပြေချောမွေ့စွာ သွားရောက်လည်ပတ်နိုင်ရေးတို့ကို ဆောင်ရွက်လျက်ရှိရာ ပြည်တွင်း ပြည်ပမှ ခရီးသွားဧည့်သည်များသည် မြန်မာနိုင်ငံ၏ တောတောင်ရေမြေသဘာဝအလှအပများ၊ တိုင်းရင်းသားလူမျိုးများ၏ ရိုးရာယဉ်ကျေးမှုဓလေ့စရိုက်များကို ကြည့်ရှုလေ့လာခံစားနိုင်ရန် စက်တပ်ရွက်လှေများဖြင့် မြန်မာနိုင်ငံ၏ ခရီးစဉ်​ဒေသများသို့ သွားလာလည်ပတ်လျက်ရှိပါသည်။ ဟိုတယ်နှင့်ခရီးသွားလာရေးဝန်ကြီးဌာန၏ ကြီးကြပ်မှု Andaman Yacht Charter Co.,Ltd ၏ စီစဉ်ဆောင်ရွက်မှုဖြင့် ပြင်သစ်နိုင်ငံသားဧည့်သည် (၃) ဦး၊ တရုတ်နိုင်ငံသားဧည့်သည် (၂) ဉီး၊ ဆွစ်ဇာလန်နိုင်ငံသားဧည့်သည် (၂) ဉီး၊ သြစတြေးလျနိုင်ငံသားဧည့်သည် (၂) ဉီး၊ သြစတြီးယား နိုင်ငံသားဧည့်သည် (၂) ဦး၊ ကနေဒါနိုင်ငံသားဧည့်သည်  (၂) ဦး၊ ဗြိတိန်နိုင်ငံသားဧည့်သည် (၁) ဉီး ၊ အမေရိကန်နိုင်ငံသားဧည့်သည် (၁) ဉီး၊ စပိန်နိုင်ငံသားဧည့်သည် (၁) ဉီး ၊ စုစုပေါင်းဧည့်သည် (၁၆) ဉီးသည်  Smiling Seahorse စက်တပ်ရွက်လှေဖြင့် ၂၀၂၀ ပြည့်နှစ်၊ ဇန်နဝါရီလ (၁၅) ရက်နေ့မှ ဇန်နဝါရီလ(၂၀) ရက်နေ့အထိ ကော့သောင်း-နာနတ်သီးကျွန်း-ငါးမန်းကျွန်း-လေးကျွန်း-ကျွန်းဖီလာကျွန်း-လှိုဏ်ဂူကျွန်း-ခရင်းခွကျွန်း-စေတန်ကျွန်း-အောက်ကျွန်းနီကျွန်း- စေတန် ကျွန်း-ကော့သောင်းမြို့များသို့ သွားရောက်လည်ပတ်ခဲ့ကြပါသည်။ နိုင်ငံခြားသားခရီးသွားဧည့်သည်များ မြန်မာနိုင်ငံသို့ ပိုမိုတိုးမြှင့်ဝင်ရောက်နိုင်ရေး အတွက် ခရီးစဉ်ဒေသအသစ်များဖော်ထုတ်ခြင်းနှင့်ဘက်ပေါင်းစုံမှ ဖြေလျှော့ဆောင်ရွက်မှုများ ကြောင့် မြန်မာနိုင်ငံ၏ ထင်ရှား သောဒေသများသို့ စဉ်ဆက်မပြတ်လာရောက်လည်ပတ်လျက်ရှိပြီး ၂၀၁၉ ခုနှစ်၊ ဇန်နဝါရီလ(၁) ရက်နေ့မှ ၂၀၁၉ ခုနှစ်၊ ဒီဇင်ဘာလ (၃၁) ရက်နေ့အထိ စက်တပ် ရွက်လှေခရီးစဉ်  (၄၀၁)ခု ၊ ခရီးသွားဧည့်သည် (၃၁၇၄) ဦး  ဝင်ရောက်လည်ပတ်ခဲ့ပြီး  ဝင်ငွေ စုစုပေါင်းကျပ်သန်း (၅၅၆.၆) ကျော် ကောက်ခံ ရရှိခဲ့ပါကြောင်း သတင်းရရှိပါသည်။