အစည်းအဝေးတွင် ကယားပြည်နယ် ဒေသဆိုင်ရာခရီးသွားလုပ်ငန်းကော်မတီ ဥက္ကဌဝန်ကြီးချုပ် ဦးအယ်လ်ဖောင်းရှိုက အဖွင့်အမှာစကားပြောကြားပြီး ကော်မတီ အတွင်းရေးမှူးက ယခင်ကျင်းပ ပြီးစီးခဲ့သည့် ဒေသဆိုင်ရာ ခရီးသွားလုပ်ငန်းကော်မတီ (၂/၂၀၁၉) အစည်းအဝေးဆုံးဖြတ်ချက်များ အပေါ် လိုက်နာဆောင်ရွက်ပြီးစီးမှု အခြေအနေများကို ရှင်းလင်းတင်ပြကာ ဟိုတယ်တည်ဆောက်ခွင့်၊ တည်းခိုရိပ်သာတည်ဆောက်ခွင့်နှင့် ခရီး လှည့်လည် ရေးလုပ်ငန်းလိုင်စင်များ ခွင့်ပြုနိုင်ရေးအတွက် ကော်မတီသို့တင်ပြ၍ အတည်ပြုချက်ရယူခဲ့ပြီး မြန်မာ-ဂျပန်ချစ်ကြည်ရေး ချယ်ရီပန်းစိုက်ပျိုးပွဲတော် ကျင်းပနိုင်ရေးနှင့် စပ်လျဉ်း၍ ဆောင်ရွက်မည့် အခြေအနေများကို ဆွေးနွေး တင်ပြခဲ့ပါသည်။
ထို့နောက် ကယားပြည်နယ်ဝန်ကြီးချုပ်က မြန်မာ-ဂျပန်ချစ်ကြည်ရေးချယ်ရီပန်းစိုက်ပျိုးပွဲတော် တွင် ဆောင်ရွက်ရမည့် ကိစ္စရပ်များအား အလေးထား၍ အချိန်နှင့်တပြေးညီ အားလုံးပူးပေါင်း ဆောင်ရွက်ရန်နှင့်အစည်းအဝေး ဆုံးဖြတ်ချက်များအပေါ် အချိန်နှင့်တပြေးညီ အလေးထားအကောင် အထည်ဖော်ဆောင်ရွက်သွားရန်ပြောကြားပြီး လိုအပ်သည်များကို ဖြည့်စွက်ဆွေးနွေးခဲ့ပြီး အစည်း အဝေးအား မွန်းလွဲပိုင်းတွင် ရုပ်သိမ်းခဲ့ကြောင်း သတင်း ရရှိပါသည်။