Myanmar  Myanmar  Myanmar  Myanmar  Myanmar  Myanmar  Myanmar  Myanmar  Myanmar  Myanmar

တနင်္သာရီတိုင်းဒေသကြီး၌ ဒေသဆိုင်ရာခရီးသွားလုပ်ငန်းကော်မတီ (၃/၂၀၁၉) အစည်းအဝေးကျင်းပ

နေပြည်တော်၊ အောက်တိုဘာ (၂၁)

ဟိုတယ်နှင့်ခရီးသွားလာရေးဝန်ကြီးဌာနသည် မြန်မာနိုင်ငံခရီးသွားလုပ်ငန်းဉပဒေနှင့်အညီ သက်ဆိုင်ရာတိုင်းဒေသကြီးပြည်နယ်များတွင် ဒေသဆိုင်ရာခရီးသွား လုပ်ငန်း ကော်မတီများ ဖွဲ့စည်း ဆောင်ရွက်ခဲ့ရာ တနင်္သာရီတိုင်းဒေသကြီး၊ဒေသဆိုင်ရာခရီးသွားလုပ်ငန်းကော်မတီအစည်းအဝေး (၃/၂၀၁၉)ကို (၁၈.၁၀.၂၀၁၉) ရက်နေ့ နံနက်ပိုင်း တွင် တနင်္သာရီတိုင်းဒေသကြီး အစိုးရအဖွဲ့ရုံး အစည်းအဝေးခန်းမ၌ ကျင်းပရာ တနင်္သာရီတိုင်းဒေသကြီး၊ ဒေသဆိုင်ရာခရီးသွားလုပ်ငန်း ကော်မတီ ဥက္ကဌ ဦးမြင့်မောင်၊  ဒုတိယဥက္ကဌ၊ သယံဇာတနှင့်ပတ်ဝန်းကျင်ထိန်းသိမ်းရေးဝန်ကြီး ဦးလှထွေး၊တိုင်းဒေသကြီးအစိုးရအဖွဲ့အတွင်းရေးမှူး ဦးခင်မောင်ကျော်၊ ကော်မတီ အတွင်းရေးမှူး၊ ဟိုတယ်နှင့်ခရီးသွားညွှန်ကြားမှုဦးစီးဌာန(ထားဝယ်ရုံးခွဲ)ညွှန်ကြားရေးမှူး ဦးညိုအေးနှင့် ကော်မတီဝင်များ တက်ရောက်ခဲ့ပါသည်။

အစည်းအဝေးတွင် ကော်မတီအတွင်းရေးမှူးက ဟိုတယ်တည်ဆောက်ခွင့်များ၊ ဟိုတယ်နှင့် တည်းခိုရိပ်သာလုပ်ငန်းလိုင်စင်အသစ်လျှောက်ထားမှုများ နှင့်သက်တမ်းတိုး လျှောက်ထားမှုများ၊ ခရီးလှည့်လည်ရေးလုပ်ငန်းလိုင်စင်အသစ်လျှောက်ထားမှုနှင့်သက်တမ်းတိုးလျှောက်ထားမှုများ၊ ဧည့်လမ်းညွှန်လုပ်ငန်းလိုင်စင်နှင့်ဒေသဆိုင်ရာ ဧည့်လမ်းညွှန်သက်တမ်းတိုးလျှောက်ထားမှုတို့အား ကော်မတီသို့ တင်ပြအတည်ပြုချက်ရယူပါသည်။

ထို့နောက် တက်ရောက်လာသူတို့က ရပ်ရွာလူထုအခြေပြုခရီးသွားလုပ်ငန်းများနှင့် စပ်လျဉ်း ၍လည်းကောင်း၊ ဇုန်ဝင်ကြေးကောက်ခံမှုဆိုင်ရာကိစ္စရပ်များကိုလည်းကောင်း၊ ကျွန်းခရီးစဉ် ခွင့်ပြုမိန့်တောင်းခံရသည့်ကိစ္စရပ်များကိုလည်းကောင်း၊ ခရီးသွားလုပ်ငန်းဖွံ့ဖြိုးတိုးတက်ရေး ဆိုင်ရာများကိုလည်းကောင်း ဆွေးနွေးတင်ပြကာ အစည်းအဝေး ကို ရုတ်သိမ်းခဲ့ကြောင်း သတင်းရရှိပါသည်။

About the author

Leave a Reply