ဆွေးနွေးပွဲတွင် ဟိုတယ်နှင့်ခရီးသွားညွှန်ကြားမှုဦးစီးဌာန၊ (ထားဝယ်)ရုံးခွဲမှ ညွှန်ကြားရေးမှူးက မြန်မာနိုင်ငံခရီးသွားလုပ်ငန်းဥပဒေ-၂၀၁၈ ပါ ပြဌာန်းချက်များ၊ လိုက်နာဆောင်ရွက်ရမည့်အချက် များနှင့် အရေးယူဆောင်ရွက်နိုင်သည့် ပြစ်ဒဏ်များကိုလည်းကောင်း၊ တိုင်းဒေသကြီးအတွင်းရှိ ဟိုတယ်/တည်းခိုရိပ်သာများနှင့် ခရီးလှည့် လည်ရေးလုပ်ငန်းရှင်များအား ယခုဖြစ်ပေါ်လျက် ရှိသော ၂၀၁၉ Novel Coronaviras နှင့်ပတ်သက်သိရှိလိုက်နာဆောင်ရွက်ရမည့်အချက်များနှင့် ဆက်သွယ် ဆောင်ရွက် ရမည့်အခြေအနေများကိုလည်းကောင်း ရှင်းလင်းဆွေးနွေးပြီး ဟိုတယ်နှင့်တည်းခို ရိပ်သာများ၌ အသိပေးဆိုင်းဘုတ်များ ချိတ်ဆွဲထားရန် အကြောင်းကြားထားရှိမှုတို့အား ရှင်းလင်း ဆွေးနွေးခဲ့ပါသည်။
ထို့နောက် တိုင်းဒေသကြီး အထွေအထွေအုပ်ချုပ်ရေးဦးစီးဌာနမှ ညွှန်ကြားရေးမှူးနှင့် ခရိုင် အုပ်ချုပ်ရေးမှူးတို့က ဟိုတယ်နှင့်တည်းခိုရိပ်သာလုပ်ငန်းများ လုပ်ကိုင်ခွင့် များ လျှောက်ထားရာ တွင် စက်မှု/စီးပွားမြေငှားဂရန် ပြောင်းလဲလျှောက်ထားခြင်း၊ ဘိုးဘွားပိုင်မြေ သတ်မှတ်ခြင်းတို့နှင့် ပတ်သက်၍ ဆောင်ရွက်ရမည့်လုပ်ငန်းစဉ်များကို လည်းကောင်း၊ သစ်တောဦးစီးဌာနမှ ညွှန်ကြားရေးမှူး က သစ်တောမြေစီမံခန့်ခွဲမှုများနှင့် မြေငှားရမ်း၍ စီးပွားရေးလုပ်ဆောင်မှုဆိုင်ရာများကိုလည်းကောင်း၊ လယ်ယာ စီမံခန့်ခွဲမှုနှင့်စာရင်းအင်းဦးစီးဌာနမှ ဒုတိယညွှန်ကြားရေးမှူးက မြေသုံးစွဲမှုဆိုင်ရာများ၊ မြေဂရန်အမျိုးအစားများပတ်သက်၍လည်းကောင်း၊ ပြည်တွင်းအခွန်ဦးစီးဌာနမှ ဒုတိယညွှန်ကြားရေးမှူး က အခွန်ပေးဆောင်ရမည့် ကိစ္စရပ်များကိုလည်းကောင်း ရှင်းလင်းဆွေးနွေးခဲ့ကြပြီး တက်ရောက် လာကြသူများ၏ မေးမြန်းမှုများကို သက်ဆိုင်ရာ ကဏ္ဍအလိုက် ပြန်လည်ရှင်းလင်းဆွေးနွေးခဲ့ပါကြောင်း သတင်းရရှိပါသည်။
