ထိုသို့တွေ့ဆုံရာတွင် Mr. Bhim K. Udas က ပြည်ထောင်စုဝန်ကြီးအား (၃၁.၁၂.၂၀၁၉) ရက်နေ့တွင် နီပေါနိုင်ငံ၊ ခတ္တမန္ဒူမြို့၌ ကျင်းပပြုလုပ်မည့် နီပေါနိုင်ငံ၏ ခရီးသွားနှစ် “Visit Nepal Year 2020” သို့ တက်ရောက်စေ လိုကြောင်း၊ နိုင်ငံပေါင်း ၂၄ နိုင်ငံမှ ခရီးသွားလုပ်ငန်းဆိုင်ရာ ဝန်ကြီးများကို ဖိတ်ကြားထားပါကြောင်း ပြောကြားရာ ပြည်ထောင်စုဝန်ကြီးက ယခုလို လာရောက် ဖိတ်ကြားသည့်အတွက် အထူးဝမ်းမြောက်မိပါကြောင်း၊ နိုင်ငံခြားရေး ဝန်ကြီးဌာနမှလည်း နီပေါနိုင်ငံ ၏ ခရီးသွားနှစ် “Visit Nepal Year 2020” သို့ တက်ရောက်ရန် ဖိတ်ကြားစာပေးပို့ထားပါသဖြင့် အခမ်းအနားသို့ တက်ရောက်မည် ဖြစ်ပါကြောင်း၊ မြန်မာနိုင်ငံသို့လာရောက်သော နီပေါနိုင်ငံသမ္မတ Mrs. Bidhya Devi Bhandari ၏ ချစ်ကြည်ရေးခရီးစဉ်တွင် မြန်မာ-နီပေါခရီးသွားလာရေးဆိုင်ရာ ပူးပေါင်းဆောင်ရွက်ရေး နားလည်မှုစာချွန်လွှာကို လက်မှတ်ရေးထိုးခဲ့ပါကြောင်း ပြောကြားကာ နှစ်နိုင်ငံခရီးသွားလုပ်ငန်းဖွံ့ဖြိုး တိုးတက်ရေးဆိုင်ရာများကို ရင်းနှီးပွင့်လင်းစွာ ဆွေးနွေးခဲ့ကြကြောင်း သတင်းရရှိပါသည်။