Myanmar  Myanmar  Myanmar  Myanmar  Myanmar  Myanmar  Myanmar  Myanmar  Myanmar  Myanmar

ဟိုတယ်နှင့်ခရီးသွားလာရေးဝန်ကြီးဌာနပြည်ထောင်စုဝန်ကြီးတရုတ်ခရီးသွားမြှင့်တင်ရေးအဖွဲ့၊ ဂျပန်ခရီးသွားမြှင့်တင်ရေးအဖွဲ့တာဝန်ရှိသူများနှင့်တွေ့ဆုံ

၂၀၁၉ ခုနှစ် အောက်တိုဘာလ ၁၁ ရက်

ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီး ဉီးအုန်းမောင်သည် ယနေ့နံနက် ပိုင်းတွင်ရန်ကုန်မြို့ ၊ အင်းလျားလိတ်ဟိုတယ်၌ တရုတ်ခရီးသွားမြှင့်တင်ရေးအဖွဲ့၊ ဂျပန်ခရီးသွားမြှင့်တင်ရေးအဖွဲ့ တာဝန်ရှိသူများနှင့် တွေ့ဆုံ၍ ခရီးသွားမြှင့်တင်ရေးကိစ္စရပ်များ ဆွေးနွေးညှိနှိုင်းခဲ့ပါသည်။

အစည်းအဝေး၌ ပြည်ထောင်စုဝန်ကြီးမှအမှာစကားပြောကြားရာတွင် မကြာမီကာလတွင် မကာအိုအထူးအုပ်ချုပ်ခွင့်ရဒေသတွင်ပြုလုပ်မည့် ကမ္ဘာလုံးဆိုင်ရာခရီးသွားလုပ်ငန်း စီးပွားရေး ဖိုရမ် – ၂၀၁၉ နှင့် တရုတ်ပြည်သူ့ သမ္မတနိုင်ငံ ၊ ကွေ့လင်းမြို့တွင်ပြုလုပ်မည့် တရုတ်-အာဆီယံခရီးသွားလုပ်ငန်းပြပွဲ -၂၀၁၉ တွင် မြန်မာနိုင်ငံကိုယ်စားပြုတက်ရောက်မည့်သူများ အနေဖြင့် ပူးပေါင်းဆောင်ရွက်၍ မြန်မာနိုင်ငံ၏ခရီးသွားမြှင့်တင်ရေးနှင့် နိုင်ငံ့ အကျိုးကို အလေးထားဆောင်ရွက်ကြရန်မှာကြားလိုပါကြောင်း ၊ ထို့အပြင် ဂျပန်နိုင်ငံ၌ ကျင်းပပြုလုပ်သွား မည့် JATA Expo 2019 ပွဲသို့တက်ရောက်မည့် ကိုယ်စားလှယ်များအနေဖြင့် ချစ်ကြည်ရင်းနှီးမှု ရှိသောမြန်မာ-ဂျပန်ဆက်ဆံရေးကို ထိန်းသိမ်း၍ ခရီးသွားမြှင့်တင်ရေးကိုဆောင်ရွက်သွားရန် လိုအပ်ပါကြောင်း ၊ ပြပွဲတွင် မြန်မာနိုင်ငံ၏ရိုးရာအစားအသောက်များ ၊ အကအလှများလည်း ပါဝင်ပြသနိုင်အောင်ဆောင်ရွက်ရန်လိုအပ်ပါကြောင်း ၊ ပြပွဲများသွားရောက်ပြသရာတွင် နိုင်ငံ၏ ခရီးသွားလုပ်ငန်းတိုးတက်စေရန် ဉီးစားပေးဆောင်ရွက် ပေးကြပါရန် မှာကြားလိုပါကြောင်း စသည်ဖြင့်ပြောကြားခဲ့ပါသည်။

ထို့နောက်တက်ရောက်လာသည့် ဟိုတယ်နှင့်ခရီးသွားညွှန်ကြားမှှုဉီးစီးဌာန၊ ညွှန်ကြားရေးမှူးချုပ်နှင့်ဌာနဆိုင်ရာတာဝန်ရှိသူများ ၊ မြန်မာနိုင်ငံခရီးသွားလုပ်ငန်းအဖွဲ့ချုပ်နှင့် ညီနောင်အသင်းတာဝန် ရှိသူများမှ ပြပွဲများတွင် ပြသရန်ဆောင်ရွက်ထားရှိမှုများကို ရှင်းလင်း တင်ပြရာ ပြည်ထောင်စုဝန်ကြီးမှ လိုအပ်သည်များ ဖြည့်စွက်ဆောင်ရွက်ပေးခဲ့ကြောင်း သတင်း ရရှိပါသည်။

About the author

Leave a Reply