တွေ့ဆုံစဉ် ပြည်ထောင်စုဝန်ကြီးက အမှတ် ၄၀/၄၂ ၊ ဗိုလ်ဆွန်ပက်လမ်းရှိ Center for Tourism Development မြေညီထပ်ပြုပြင်မွမ်းမံမှု အခြေအနေများ၊ COVID -19 ကြောင့် မြန်မာနိုင်ငံ ခရီးသွားလုပ်ငန်းပင်မစီမံကိန်း ၂၀၂၀-၂၀၃၀ ရေးဆွဲရေးလုပ်ငန်းစဉ်များ နှောင့်နှေးကြန့်ကြာမှု မရှိစေရန်အတွက် စီစဉ်ဆောင်ရွက်ရေးဆိုင်ရာများ၊ COVID- 19 ရောဂါကြိုတင်ကာကွယ်သည့် အနေဖြင့် သင်တန်းများကို On Campus သင်ကြားခြင်း အားရပ်နားထားစဉ် ကာလအတွင်း Online မှတဆင့် သင်တန်းများစီစဉ်ဆောင်ရွက်ရေးဆိုင်ရာများ၊ ဝန်ထမ်းများ၏ အင်္ဂလိပ်ဘာသာ ကျွမ်းကျင်မှု သင်တန်းများနှင့် အခြားဘာသာရပ်ဆိုင်ရာသင်တန်းများကို Online စနစ်ဖြင့် စဉ်ဆက် မပြတ်ပို့ချနိုင်ရေး၊ COVID- 19 ကာလအလွန် အသေးစားနှင့် အလတ်စားလုပ်ငန်းများ ပြန်လည် ဖွံ့ဖြိုးတိုးတက်ရေးနှင့် လိုအပ်သော ငွေကြေးနှင့်နည်းပညာပံ့ပိုးမှုများ ဆောင်ရွက်ပေးနိုင်ရေးဆိုင် ရာများကို ပြောကြား ပါသည်။
ထို့နောက် စီမံကိန်းတာဝန်ခံ Mr. Geert De Bruycker နှင့် CTD သင်တန်းတာဝန်ခံ ဒေါ်အိရွှေဇင်အောင်တို့မှ လုပ်ငန်းဆောင်ရွက်နေမှုများကို ဆွေးနွေးတင်ပြရာ ပြည်ထောင်စုဝန်ကြီးနှင့် ဒုတိယဝန်ကြီးတို့က လိုအပ်သည်များကို ဖြည့်စွက်ဆွေးနွေးခဲ့ပါကြောင်း သတင်းရရှိပါသည်။