နေပြည်တော် ဒီဇင်ဘာ ၁၀
ဟိုတယ်နှင့်ခရီးသွားလာရေးဝန်ကြီးဌာန၊ ဒုတိယဝန်ကြီး ဦးဖြိုးဇော်စိုးသည် ယမန်နေ့ ညနေပိုင်းက ဟိုတယ်နှင့်ခရီးသွားလာရေးဝန်ကြီးဌာန၏ ဖိတ်ကြားချက်အရ ပဉ္စမအကြိမ်မြောက် အမျိုးသားအားကစားပွဲတော် ဖွင့်ပွဲအခမ်းအနားသို့ တက်ရောက်ရန် ရောက်ရှိနေသော အာဆီယံ-တရုတ်စင်တာ (ASEAN China Centre-ACC) အတွင်းရေးမှူးချုပ် Mr. Shi Zhongjun ဦးဆောင် သည့် ကိုယ်စားလှယ်အဖွဲ့ကို နေပြည်တော်မြို့ရှိ M Gallery Hotel ၌ အလုပ်သဘော ညစာစားပွဲ ဖြင့် တည်ခင်းဧည့်ခံသည်။
ဦးစွာ ဒုတိယဝန်ကြီးကနှစ်နိုင်ငံခရီးသွားလုပ်ငန်း ပူးပေါင်းဆောင်ရွက်မှု အားကောင်း လာစေရေးအတွက် ဝန်ကြီးဌာနနှင့် အာဆီယံ-တရုတ်စင်တာတို့ ပိုမိုနီးကပ်စွာဆောင်ရွက်သွားမည် ဖြစ်ကြောင်း၊ အာဆီယံ-တရုတ်စင်တာအနေဖြင့် မြန်မာနိုင်ငံရှိခရီးစဉ်ဒေသများ၏ အခြေ အနေများကို ဝက်ဘ်ဆိုက်၊ ဆိုရှယ်မီဒီယာအပါအဝင် နည်းလမ်းပေါင်းစုံဖြင့် တရုတ်နိုင်ငံသားများထံ ဖြန့်ဖြူးပေးစေလိုကြောင်း ပြောကြားပြီး အာဆီယံ-တရုတ်စင်တာ (ASEAN China Centre-ACC) အတွင်းရေးမှူးချုပ် Mr. Shi Zhongjun က မြန်မာနိုင်ငံအနေဖြင့် လက်ရှိဖြစ်ပေါ်လျက်ရှိသည့် သတင်းတုသတင်းအမှားများကြောင့် ပြည်ပခရီးသွားဧည့်သည်များ ဝင်ရောက်မှုကို အဟန့်အတားဖြစ်စေပြီး နိုင်ငံ၏ခရီးသွားလုပ်ငန်းဖွံ့ဖြိုးတိုးတက်မှုအပေါ် သက်ရောက်လျက် ရှိသည်ကို တွေ့ရှိရကြောင်း၊ မြန်မာနိုင်ငံ၏ ခရီးသွားလုပ်ငန်းဖွံ့ဖြိုးတိုးတက်ရေး အကောင်အထည်ဖော်ဆောင်ရွက်ရာတွင် အာဆီယံ-တရုတ်စင်တာအနေဖြင့် လိုအပ်သည်များကို ကူညီပံ့ပိုးဆောင်ရွက်ပေးသွားမည်ဖြစ်ကြောင်းပြောကြားပြီး ညစာကို အတူတကွ သုံးဆောင်ခဲ့ကြကြောင်း သိရသည်၊၊
သတင်းစဉ်
Source From : Myawady