အဆိုပါ ချပ်သင်းဘေးမဲ့တောတွင် ကျေးအင်း၏အလှအပနှင့် တမူထူးခြားသော သစ်တော များကို ကြည့်ရှု့လေ့လာခြင်းဖြင့် ကြည်နူးစရာကောင်းသော အတွေ့အကြုံများကို ရရှိခံစား နိုင်ပါသည်။ထို့ပြင် ခေတ်မီနည်းပညာများကို အသုံးပြုပြီး တောရိုင်းတိရစ္ဆာန် သုတေသန ပြုလုပ်ပြီး အဆိုပါနေရာကို အဓိကသုတေသနနေရာတစ်ခုဖြစ်စေရေး ဆောင်ရွက်နေပါ သည်။ ၎င်းတွင် စိတ်ဝင်စားဖွယ်ကောင်းသော ဆေးဖက်ဝင်အပင်များနှင့် သတင်းအချက် အလက်များကို ထိန်းသိမ်းပြသထားသော ပြတိုက်တစ်ခုလည်းရှိပါသည်။

အဆိုပါဒေသတွင် အမျိုးမျိုးသော သစ်ပင်ပန်းမန်များအပါအဝင် ကျား၊ဆင် စသည့် တောရိုင်း တိရစ္ဆာန်များကိုပါ ရှာဖွေတွေ့ရှိနိုင်သည်။၎င်းသည် ကမ္ဘာပေါ်တွင် အကြီးဆုံး သစ်တော ထိန်းသိမ်းရေးဒေသ – ကျားထိန်းသိမ်းရေးစခန်းအဖြစ် ကျော်ကြားသည်။ ထို့အပြင် ၎င်းတို့၏ သဘာဝအလေ့အထများကို ချောင်းတွင်းလှေစီးပြီး လေ့လာ နိုင်ပါ သည်။

ခရီးသည်များအနေဖြင့် သစ်ပင်များနှင့်တောရိုင်းတိရစ္ဆာန်များမျိုးစိတ်အသစ်များကို ရှာဖွေ တွေ့ရှိနိုင်ပါသည်။ဘေးမဲ့တော၏ရင်သက်ရှုမောဖွယ် လှပသောရှုခင်းများကို ခံစားရင်း ရေခဲ တောင်တက်ခြင်း အတွေ့အကြုံကို ခံစားနိုင်ပါသည်။ခါကာဘိုရာဇီတောင်သည် ဟိမဝန္တာ တောင်တန်းနှင့်တစ်ဆက်တည်းဖြစ်ပြီး ၅,၈၈၁ မီတာမြင့်သည်။အဆိုပါဘေးမဲ့တောရှိ သစ်တောများသည် သဘာဝကို ချစ်မြတ်နိုးသော ခရီးသွားဧည့်သည်များကို ဆွဲဆောင် နေပြီး ၎င်းတို့အတွက် သွားရောက်လည်ပတ်သင့်သည့် နေရာတစ်ခုဖြစ်ပါသည်။

သဘာဝသစ်သီးဝလံများ၊စိမ်းလန်းသော သစ်ပင်များ၊ငှက်များ၊ ရေချိုနေသတ္တဝါများ အပြင် အခြားသောသစ်ပင်ပန်းမန်များနှင့် ပြည့်စုံနေသော ဂေဟစနစ်ရှိသော သဘာဝအခြေခံ ခရီးသွားနေရာဒေသတစ်ခုအဖြစ်ထင်ရှားကျော်ကြားပါသည်။ခရီးသွားပြည်သူများသည် ရှားပါးသော ရေနေသတ္တဝါမျိုးစိတ်များနှင့်ငှက်များသာမကာ ဒေသခံလယ်သမားများ၏ ရေပေါ်စိုက်ခင်းများကိုလည်း စိတ်ဝင်စားဖွယ် လေ့လာနိုင်ပါသည်။

ရေပေါ်ငှက်များနှင့်ဆောင်းခိုငှက်များ၏ ရွှေ့ပြောင်းသွားလာမှုများကို မျက်ဝါးထင်ထင် တွေ့မြင်နိုင်ပါသည်။အဘယ့်ကြောင့်ဆိုသော် အဆိုပါ ဘေးမဲ့တောသည် ရှားပါးငှက်မျိုးစိတ် များ၏ အဓိကနေရာတစ်ခုဖြစ်သောကြောင့်ပင် ဖြစ်သည်။၎င်းသည် မြစ်ကမ်းနားရှိ ဂေဟ စနစ်ကို လေ့လာရန် အကောင်းဆုံးနေရာလည်းဖြစ်ပါသည်။

အဆိုပါ ဘေးမဲ့ဒေသသည် သုသေသနများအများဆုံးကို လက်ခံပြုလုပ်သည့် ဘေးမဲ့ဒေသ တစ်ခုဖြစ်ပြီး မြန်မာနိုင်ငံ၏ထင်ရှားသော ရွှေသမင်များရှိရာ နေရာလည်း ဖြစ်ပါသည်။ ၎င်းဒေသရှိ ငှက်များနှင့် တောရိုင်းတိရစ္ဆာန်များသည် ခရီးသည်များအတွက် စိတ်ဝင်စား ဖွယ် ဆွဲဆောင်မှုများဖြစ်နေပါသည်။ ထို့အပြင် ဒေသခံများနှင့် တွေ့ဆုံရသည် အတွေ့အကြုံများ အပြင် မြတ်စွာဘုရား၏ ခြေတော်ရာကိုလည်း ဖူးမြော်နိုင်ပါသည်။

မြန်မာနိုင်ငံ၏အပူပိုင်းဒေသရှိ အိုအေစစ်တစ်ခုဖြစ်သည့်အပြင် လှပသောရှုခင်းများနှင့် ထူးခြားသော အတွေ့အကြုံရရှိခံစားနိုင်ပါသည်။ခရီးသည်များသည် ရှားပါးငှက်များနှင့် မျောက်များအပြင် ဆေးဖက်ဝင်အပင်များ၊စန္ဒကူးအပင်များကိုလည်း ဤဒေသတွင် တွေ့ရှိနိုင် ပါသည်။ပုပ္ပါးတောင်သည် နှစ်ပေါင်းများစွာကြာ တည်ရှိခဲ့သော မီးငြိမ်းတောင် တစ်ခု ဖြစ်ပါသည်။

လမုတောများကို တွေ့ရှိနိုင်ပြီး လမုပင်များ၊ငှက်မျိုးစိတ်များ၊တွားသွားသတ္တဝါများနှင့် နို့တိုက်သတ္တဝါများစွာပါရှိသော ဂေဟစနစ်တစ်ခုရှိပါသည်။ ထို့အပြင် လိပ်များ၏ ဥဥပုံနှင့် ၎င်းတို့၏သဘာဝအလေ့အထများကိုလည်း လေ့လာတွေ့ရှိနိုင်ပါသည်။

ဆင်များ၏အလေ့အထများနှင့် တစ်နေ့တာလှုပ်ရှားမှုများကို လေ့လာခြင်းဖြင့် ခရီးသည်များ အတွက် အပန်းပြေမှုကို ရရှိစေပါသည်။ထို့အပြင် ယဉ်ကျေးသော ဆင်များအား အစာကျွေး ခြင်း၊စီးနင်းခြင်းတို့ကိုလည်းပြုလုပ်နိုင်ပါသေးသည်။

လှော်ကားဥယျာဉ်တွင် သဘာဝအတိုင်းလွှတ်ထားသော သမင်များ၊မျောက်များနှင့် ဆင်များ တို့ကို တွေ့မြင်နိုင်ပါသည်။ခရီးသွားပြည်သူများအနေဖြင့် သဘာဝအတိုင်း ထိန်းသိမ်းထား သော ဥယျာဉ်တွင် ကြည်နူးဖွယ် လာရောက်လေ့လာကြည့်ရှုခြင်းဖြင့် မိသားစုနှင့် ပျော်ရွှင် ဖွယ်အားလပ်ရက်များကို ကုန်ဆုံးနိုင်ပါသည်။

မြန်မာနိုင်ငံတွင် ပထမဆုံးသဘာဝအခြေခံခရီးသွားဒေသတစ်ခုဖြစ်ပြီး ခရီးသည်များ အနေဖြင့် လှေစီးခြင်း၊ မော်တော်ဘုတ်စီးခြင်း၊ စက်ဘီးစီးခြင်းတို့အပြင် သဘာဝနှင့် ဆက်စပ်သော အတွေ့အကြုံများကို ခံစားရရှိနိုင်ပါသည်။သစ်ပင်ပန်းမန်မျိုးစုံပါဝင်သော သဘာဝဂေဟစနစ်ရှိသည့် နေရာတွင် ခရီးသည်များသည် တောင်တက်ပြီး ငှက်ကြည့်ခြင်း နှင့် အခြားတောရိုင်းတိရစ္ဆာန်တို့ကို လေ့လာခြင်းတို့ဖြင့် လည်ပတ်နိုင်ပါသည်။ဤကဲ့သို့ အလှအပများကို ခံစားပြီး ဒေသခံပြည်သူများနှင့် အပြန်အလှန်ဆက်သွယ်ခြင်းဖြင့် အတွေ့အကြုံကောင်းများကို ရရှိခံစားနိုင်ပါသည်။

နေပူစာလှုံခြင်း၊ရေကူးခြင်း၊ရေငုပ်ခြင်း ကဲ့သို့ ရေနှင့်သက်ဆိုင်သော လှုပ်ရှားမှုများကို နှစ်သက် ကြည်နူးစွာ ဆောင်ရွက်နိုင်ပါသည်။၎င်းဒေသတွင် နေထိုင်သော ဒေသခံလူမျိုးစု ဖြစ်သည့် ဆလုံ လူမျိုးများ၏ လူနေမှုပုံစံနှင့် ကိုးကွယ်ယုံကြည်မှုများသည်လည်း ဧည့်သည် များအတွက် ထူးခြား သော ဆွဲဆောင်မှုတစ်ခုဖြစ်နေပါသည်။ထို့အပြင် သန္တာကျောက်တန်း များ၊ ငှက်များနှင့် အခြား ရှားပါးတိရစ္ဆာန်မျိုးစိတ်များအပြင် လမုတောများ၏ အလှအပကို လည်း ရင်သတ်ရှုမောဖွယ် တွေ့ရှိနိုင်ပါသေးသည်။