ဖေဖော်ဝါရီ ၁၂ ရက်

ဖေဖော်ဝါရီလ ၁၂ ရက်နေ့ကို ‘‘ပြည်ထောင်စုနေ့’‘ ဟု ပြည်ထောင်စုသမ္မတ မြန်မာနိုင်ငံ တော်အစိုးရက အသိအမှတ်ပြုပြီး အများပြည်သူတို့၏ အလုပ်ပိတ်ရက်အဖြစ် သတ်မှတ်ထားကာ ‘‘ပြည်ထောင်စုနေ့’’ အခမ်းအနားကို နှစ်စဉ်နှစ်တိုင်း စည်ကားသိုက်မြိုက်စွာ ပွဲလမ်းသဘင်များဖြင့် ဆင်ယင် ကျင်းပလေ့ရှိကြပါသည်။ ပြည်ထောင်စုမြန်မာနိုင်ငံတော်ဖြစ်မြောက်ရေးကို အုတ်မြစ်ချ နိုင်ခဲ့သည့် ပြည်ထောင်စုနေ့သည် ပြည်ထောင်စုတိုင်းရင်းသားတိုင်း မမေ့လျော့အပ်သော နေ့ထူး နေ့မြတ်တစ်ခုလည်း ဖြစ်ပါသည်။