Hotel Guest List Management System သင်တန်းဖွင့်လှစ်

နေပြည်တော်၊ ဇူလိုင်လ (၂၂) ရက် ဟိုတယ်နှင့်ခရီးသွားလာရေးဝန်ကြီးဌာန၊ ဟိုတယ်နှင့်ခရီးသွားညွှန်ကြားမှုဦးစီးဌာန (ပုဂံရုံးခွဲ) မှ ဖွင့်လှစ်သင်ကြားသည့် Hotel Guest List Management System သင်တန်းကို ဟိုတယ်နှင့် ခရီးသွားညွှန်ကြားမှုဦးစီးဌာန၊ B.I.T.C (ဘုတ်ကျောင်း) ပုဂံမြို့ဟောင်းတွင် ၁၇-၇-၂၀၂၀ ရက်နေ့တွင် ကျင်းပပြုလုပ်ခဲ့ပါသည်။ သင်တန်းဖွင့်ပွဲ အခမ်းအနားတွင် ဟိုတယ်နှင့်ခရီးသွားညွှန်ကြားမှုဦးစီးဌာန၊ (ပုဂံရုံးခွဲ) တာဝန်ခံ ဒုတိယညွှန်ကြားရေးမှူးက အဖွင့်အမှာစကား ပြောကြား ခဲ့ပြီး သင်တန်းသို့ ပုဂံ-ညောင်ဦးမြို့ရှိ ဟိုတယ်နှင့်တည်းခိုရိပ်သာများတွင် တာဝန်ထမ်းဆောင်လျှက်ရှိသော ကွန်ပျူတာကျွမ်းကျင်သည့် သင်တန်း သား ၊ သင်တန်းသူ စုစုပေါင်း (၁၃) ဦး တက်ရောက်ခဲ့ကြပါသည်။ အဆိုပါ Hotel Guest list Management System သင်တန်းဖွင့်လှစ်ခြင်းအားဖြင့် ဟိုတယ်နှင့် တည်းခိုရိပ်သာများမှ ပြည်တွင်း/ပြည်ပ ခရီးသွား ဧည့်သည်များ၏ ဝင်ရောက်မှုစာရင်းများ၊ ဟိုတယ်နှင့်ခရီးသွားလာရေးဝန်ကြီးဌာနနှင့် ဆက်စပ်လျှက်ရှိသော ဌာနဆိုင်ရာများ၊ အသင်းအဖွဲ့ များ၏ သတင်းအချက်အလက်များကို လုံခြုံစိတ်ချမှုရှိစေရေးနှင့် ပြောင်းလဲလာသည့် နည်းပညာ စနစ်ဖြင့် လွယ်ကူလျှင်မြန်စွာ အသုံးပြုပြီး ဧည့်သည်ဝင်ရောက်မှု စာရင်းဆောင်ရွက်နိုင်စေရေးအတွက် ရည်ရွယ်၍ သင်ကြားပို့ချရခြင်းဖြစ်ပြီး ကျန်ရှိသည့် ဟိုတယ်နှင့်တည်းခိုရိပ်သာများမှ ဝန်ထမ်းများကိုလည်း ဆက်လက် သင်ကြားပို့ချသွားမည်ဖြစ်ကြောင်း သတင်းရရှိပါသည်။