ဘုရားပွဲကို ပြသိုလဆန်းပိုင်းမှ ပြသိုလကွယ်အထိကျင်းပသည်

အာနန္ဒာဘုရားပွဲတော်ကို ပုဂံခေတ်မှစ၍ စည်ကားသိုက်မြိုက်စွာ ကျင်းပကြသည်။ ဘုရားပွဲကို ပြသိုလဆန်းပိုင်းမှ ပြသိုလကွယ်အထိကျင်းပပြီး ဘုရားပွဲကာလအတွင်း ရွာနီးချောက်စပ်မှ ရိုးရာမပျက် လှည်းများဖြင့်လာရောက်ကာ ပွဲတော်ကို ဆင်နွှဲကြသည်။ လပြည့်နေ့သည် ပွဲတော်၏အစည်ကားဆုံးသောနေ့ဖြစ်သည်။ ခရီးသွားဧည့်သည်များအနေဖြင့် အာနန္ဒာဘုရားပွဲကာလ အတွင်း လာရောက်လေ့လာနိုင်ပြီး မြန်မာနိုင်ငံ၏ အရသာရှိလှသော သရေစာများကိုလည်း ဝယ်ယူမြည်းစမ်းနိုင်မည်ဖြစ်သည်။