ကချင်

ကချင်ပြည်နယ်သည် မြန်မာနိုင်ငံ၏မြောက်ဘက်စွန်းပိုင်းတွင် တည်ရှိပြီးတောင်တန်းများ၏အရှင်သခင်ဖြစ်သော ဟိမဝန္တာ တောင်တန်းများဖြင့်  ဝန်းရံထားသည့်လှပသောနေရာတစ်ခုဖြစ်ပါသည်။ ကချင်ပြည်နယ်သည် မျက်စိပသာဒဖြစ်စေသော တောင်တန်းများ ၊ တောင်ကုန်းများနှင့် ရေကန်များတည်ရှိရာနေရာဖြစ်သည့်အတွက် တောင်တန်းများကို နှစ်သက်မြတ်နိုးသူများ အတွက် ကောင်းကင်ဘုံအလားပင်ဖြစ်ပါသည်။ မြန်မာနိုင်ငံအမြင့်ဆုံးအပိုင်းဖြစ်သော ခါကာဘိုရာဇီတောင်ထိပ်သည်လည်း ကချင်ပြည်နယ်တွင်တည်ရှိပါသည်။ ကချင်ပြည်နယ််သည် အရှေ့တောင်အာရှရှိကုန်းတွင်းရေကန်များထဲတွင် အကြီးဆုံးဖြစ်သော အင်တော်ကြီးကန်တည်ရသည့်နေရာဖြစ်ပါသည်။ မြစ်ကြီးနားမြို့သည် ကချင်ပြည်နယ်၏မြို့တော်ဖြစ်ပြီး အခြားအရေးပါသော မြို့များမှာဗန်းမော်၊ မိုးညှင်းနှင့်ပူတာအိုမြို့များဖြစ်ပါသည်။ ထို့ပြင်မြန်မာနိုင်ငံ၏ အရေးအပါဆုံးမြစ်ဖြစ်သော ဧရာဝတီမြစ် စတင် စီးဆင်းရာနေရာလည်းဖြစ်ပါသည်။ ဧရာဝတီမြစ်ကမ်းတစ်လျှောက်ရှိ စိမ်းစိုလန်းဆန်းနေသော လယ်ယာစိုက်ခင်းရှုခင်းများ သည် အောက်မေ့ဖွယ်ရာရေခဲတောင်ရှုခင်းများနှင့် ရောယှက်နေပြီးခရီးသွားဧည့်သည်များကို စွဲဆောင်နေသောနေရာလည်း ဖြစ်ပါသည်။ ကချင်ပြည်နယ်သည် ရွှေနှင့်ကျောက်မျက်ရတနာများ ပေါများခြင်းကြောင့်လည်း ထင်ရှားသောပြည်နယ်တစ်ခု ဖြစ်ပါသည်။  ဧရာဝတီမြစ်၏တစ်ဖက်တစ်ချက်စီတွင် ရွှေတူးနေကြသူအများအပြားကိုလည်း တွေ့မြင် နိုင်ပါသည်။

 

တိုင်းရင်းသားလူမျိုးစုများအကြောင်းကိုလေ့လာရင်းကျေးလက်သဘာဝအလှအပရှုခင်းများကိုခံစားလိုက်ပါ

အံ့သြဖွယ်ရာသဘာဝရှုခင်းများ

မြန်မာနိုင်ငံမြောက်ဘက်စွန်းပိုင်းတွင်တည်ရှိနေသော ကချင်ပြည်နယ်တွင် ခရီးသွားဧည့်သည်များအတွက်  ပျော်ရွှင်စေနိုင်သော အံ့သြဖွယ်ရာသဘာဝရှုခင်းများရှိပါသည်။ ကချင်ပြည်နယ်သည် မြန်မာနိုင်ငံ၏အရေးအပါဆုံးမြစ်ဖြစ်သော ဧရာဝတီမြစ် စတင် စီးဆင်းရာနေရာလည်းဖြစ်ပါသည်။ ခရီးသွားများအနေဖြင့် မြစ်ကြီးနားမြို့မှ အနည်းငယ်ခရီးဆက်သွားလျှင် မေခမြစ်နှင့် မလိခမြစ်တို့ပေါင်းဆုံ၍ ဧရာဝတီမြစ်အဖြစ်စီးဆင်းရာ “မြစ်ဆုံ”သို့လည်းသွားရောက် လည်ပတ်အပန်းဖြေနိုင်ပါသည်။ ကြည်လင် သောရေနှင့်အေးမြသောရာသီဥတုတို့မှာ အလွန်ပင်နှစ်သက်မြတ်နိုးစရာကောင်းလှပါသည်။ ကျယ်ပြန့်လှသော ဧရာဝတီမြစ်ကမ်း တစ်လျှောက်သည် လယ်ယာစိုက်ပျိုးရေးလုပ်ငန်းများအတွက် အကောင်းဆုံးဖြစ်သောကြောင့် စိမ်းစိုလန်းဆန်းသော စိုက်ပျိုး မြေများအများဆုံးတွေ့မြင်ရသော နေရာလည်းဖြစ်ပါသည်။ ကချင်ပြည်နယ်သည် သဘာဝကိုမြတ်နိုးတန်ဖိုးထားသူများ သွား ရောက်လည်ပတ်လေ့ရှိပြီး ရင်သပ်ရှုမောဖွယ်ကောင်းသော မြန်မာနိုင်ငံ၏အကြီးဆုံးသဘာဝကန်ဖြစ်သည့် အင်းတော်ကြီးကန် တည်ရှိရာနေရာလည်းဖြစ်ပါသည်။ စိတ်လှုပ်ရှားဖွယ်ရာ အပျော်တမ်းငါးဖမ်းခြင်း၊ ကယပ်လှေလှော်ခြင်း၊ တောင်တက်ခြင်းနှင့် ဆိုင်ကယ်စီးခြင်းများ လုပ်ဆောင်နိုင်သော်လည်း ယခုအချိန်ထိပျက်စီးမှုနည်းပါးနေသေးသောခရီးစဉ်ဒေသတစ်ခုလည်းဖြစ်ပါသည်။

နှင်းများဖုံးလွှမ်းလျက်ရှိသည့်တောင်တန်းများ

ကချင်ပြည်နယ်သည် ဟိမဝန္တာတောင်တန်းများနှင့်များပြားလှသောမြစ်ချောင်း၊ အင်းအိုင်များအစပြုရာနှင်းတောင်တန်းများ တည်ရှိသော မြန်မာနိုင်ငံ၏တစ်ခုတည်းသောပြည်နယ်ဖြစ်ပါသည်။ အမြင့်ပေ ၅၈၈၂မီတာရှိမြန်မာနိုင်ငံ၏ အမြင့်ဆုံးတောင် ဖြစ်သော ခါကာဘိုရာဇီတောင်ကို မြန်မာနိုင်ငံ၏မြောက်ဖက်အစွန်ဆုံးဖြစ်သော တောတောင်များထူထပ်ရာ ကချင်ပြည်နယ်တွင် တွေ့ရှိနိုင်ပါသည်။ ၎င်းကိုအရှေ့တောင်အာရှတွင်အမြင့်ဆုံးတောင်အဖြစ်သတ်မှတ်ထားပါသည်။ ခါကာဘိုရာဇီအမျိုးသားဥယျာဉ် သည်အမြဲစိမ်းသစ်တောများ၊ ရွက်ပြတ်တောများ၊ ဆီးနှင်းတောများဝန်းရံထားသော ဥယျာဉ်တစ်ခုဖြစ်ပါသည်။ တောတောင် ထူထပ်မှုကိုကြိုက်နှစ်သက်သူများအတွက် ကောင်းမွန်သောဒေသတစ်ခုဖြစ်ပါသည်။ မြစ်ကြီးနာမြို့သည် ကချင်ပြည်နယ်၏ မြို့တော်ဖြစ်ပြီး စီးပွားရေးအချက်အချာကျသော မြို့ဖြစ်သည်။ ကချင်ဒေသ၏ သဘာဝအလှတရားကို ခံစားလိုသူများအတွက် မြစ်ကြီးနားမြိုတွင်အေးမြသောရာသီဥတုနှင့်သန့်ရှင်းသပ်ရပ်မှုများကို ခံစားနိုင်ပါသည်။ မြောက်ဘက်ရှိထင်ရှားသောမြို့မှာ ပူတာအို မြို့ဖြစ်၍ ငှက်မျိုးစုံနှင့်ရှားပါသစ်ခွများဖြင့်ထင်ရှားသည်။ ပူတာအိုမြို့၏အရှေ့ဘက်နှင့် အနောက်ဘက်ရှိတောများတွင် အနက်ရောင် သစ်ခွများ ကိုတွေ့ရှိနိုင်သည်။ တောတောင်မြစ်ချောင်းများနှင့်ဟိမဝန္တာတောင်တန်းတို့၏ အလှကို ပူတာအိုမြို့တွင် တွေ့ရှိနိုင်သည်။

စိတ်ဝင်စားဖွယ်ရာမြို့များ

ကချင်ပြည်နယ်တွင် ကိုယ်ပိုင်ထူးခြားချက်များရှိသည့် မြို့များရှိပါသည်။ မြစ်ကြီးနားမြို့သည် ကချင်ပြည်နယ်၏ စီးပွားရေးအရ အချက်အခြာကျသောမြို့ဖြစ်ပါသည်။ အေးမြပြီးသန့်ရှင်းသောမြို့ဖြစ်ပြီး လှပသောသဘာဝရှုခင်းများကို ခံစားနိုင်ပါသည်။ ကချင်ပြည်နယ်၏မြောက်ဘက်တွင်ရှိသော ပူတာအိုမြို့သည် ငှက်များနှင့်ရှားပါးသစ်ခွမျိုးစိပ်များလေ့လာနိုင်သောမြို့တစ်မြို့ဖြစ်ပါသည်။ ပူတာအိုမြို့၏ အရှေ့ဘက်နှင့်အနောက်ဘက်တွင်ရှိသော သစ်တောများသည် ထူးဆန်းသော အနက်ရောင်သစ်ခွများနှင့် ပြည့်နှက်နေပြီး ဟိမဝန္တာတောင်တန်း၏အလှအပများ ရေမြေတောတောင်သဘာဝရှုခင်းများနှင့် မြစ်များ၏အလှအပများကို လေ့လာနိုင်ပါသည်။

 

မြန်မာနိုင်ငံမြောက်ဘက်စွန်းပိုင်းတွင်တည်ရှိနေသော ကချင်ပြည်နယ်တွင် ခရီးသွားဧည့်သည်များအတွက်  ပျော်ရွှင်စေနိုင်သော အံ့သြဖွယ်ရာသဘာဝရှုခင်းများရှိပါသည်။ ကချင်ပြည်နယ်သည် မြန်မာနိုင်ငံ၏အရေးအပါဆုံးမြစ်ဖြစ်သော ဧရာဝတီမြစ် စတင် စီးဆင်းရာနေရာလည်းဖြစ်ပါသည်။ ခရီးသွားများအနေဖြင့် မြစ်ကြီးနားမြို့မှ အနည်းငယ်ခရီးဆက်သွားလျှင် မေခမြစ်နှင့် မလိခမြစ်တို့ပေါင်းဆုံ၍ ဧရာဝတီမြစ်အဖြစ်စီးဆင်းရာ “မြစ်ဆုံ”သို့လည်းသွားရောက် လည်ပတ်အပန်းဖြေနိုင်ပါသည်။ ကြည်လင် သောရေနှင့်အေးမြသောရာသီဥတုတို့မှာ အလွန်ပင်နှစ်သက်မြတ်နိုးစရာကောင်းလှပါသည်။ ကျယ်ပြန့်လှသော ဧရာဝတီမြစ်ကမ်း တစ်လျှောက်သည် လယ်ယာစိုက်ပျိုးရေးလုပ်ငန်းများအတွက် အကောင်းဆုံးဖြစ်သောကြောင့် စိမ်းစိုလန်းဆန်းသော စိုက်ပျိုး မြေများအများဆုံးတွေ့မြင်ရသော နေရာလည်းဖြစ်ပါသည်။ ကချင်ပြည်နယ်သည် သဘာဝကိုမြတ်နိုးတန်ဖိုးထားသူများ သွား ရောက်လည်ပတ်လေ့ရှိပြီး ရင်သပ်ရှုမောဖွယ်ကောင်းသော မြန်မာနိုင်ငံ၏အကြီးဆုံးသဘာဝကန်ဖြစ်သည့် အင်းတော်ကြီးကန် တည်ရှိရာနေရာလည်းဖြစ်ပါသည်။ စိတ်လှုပ်ရှားဖွယ်ရာ အပျော်တမ်းငါးဖမ်းခြင်း၊ ကယပ်လှေလှော်ခြင်း၊ တောင်တက်ခြင်းနှင့် ဆိုင်ကယ်စီးခြင်းများ လုပ်ဆောင်နိုင်သော်လည်း ယခုအချိန်ထိပျက်စီးမှုနည်းပါးနေသေးသောခရီးစဉ်ဒေသတစ်ခုလည်းဖြစ်ပါသည်။

MARVELLOUS SCENARIES

SNOW CAPPED MOUNTAINS

Kachin is the only state in Myanmar which enjoys the Himalayas. The snowcapped mountains are the birthplace of innumerable large and small rivers, lakes, flora and fauna. Tourists looking to enjoy the cool weather need to head out to towns nestled in the lap of the hills. Khakaborazi, the nation’s highest peak at 5,882m, is found in Kachin State. a mountainous region in the far north of Myanmar. It is also considered to be the highest mountain in Southeast Asia. The peak is enclosed within the Khakaborazi National Park, a mountainous park characterised by broad-leaved evergreen rain forest, semi-deciduous forest and snowy forest. The entire region is a treat to anyone who loves mountainous terrain.

INTERESTING TOWNS

Kachin is home to quite a few towns, each of which has a distinctive character to itself. Myitkina is the capital of Kachin State. It is a busy town which is also the business centre of Kachin State. A clean city with a cool climate, Myitkina is ideal for enjoying the scenic beauty of the Kachin region. A notable town located further north is Putao. It is famous for the variety of birds and rare orchids. The forests on the east and west of Putao are filled with black orchids. Putao provides excellent scenic beauty of the Himalayas, its forests and rivers.

အထင်ကရနေရာများ

မြစ်ကြီးနားသည် ကချင်ပြည်နယ်၏ မြို့တော်ဖြစ်ပြီး ၎င်း၏ အနီးပတ်ဝန်းကျင်ရှိ ဒေသများ၊ ရှုချင်စဖွယ်မြစ်ကမ်းခြေနှင့် မတူညီသော လူမျိုးစုများ၊ ဘာသာရေးနှင့်ယဉ်ကျေးမှုများကြောင့် လူသိများသောမြို့တစ်မြို့ဖြစ်သည်။ မြစ်ကြီးနားမှ ကားဖြင့် တစ်ခဏမျှ မောင်း လျှင် အလွန်သာယာလှပသောမြစ်ဆုံက ဆီးကြိုနေပေမည်။ မြစ်ကြီးနားမြို့တွင် နှစ်လိုဖွယ်မြစ်ကမ်းပါးတစ်လျှောက် နှင့်အတူအမြဲတမ်းပုံမှန်လှုပ်ရှားသက်ဝင်နေသော ချစ်စဖွယ်ဒေသခံများ၏ နေ့စဉ်ရောင်းဝယ်ဖောက်ကားနေသည့် “စျေး”ကိုလည်း တွေ့မြင်နိုင်ပါသည်။ ထို့အပြင်အလွန်ကြီးမားသော လျောင်းတော်မူဗုဒ္ဓရုပ်ပွားတော်မှာလည်း မြစ်ကမ်းပါး၏အလှကို ထပ်မံတန်ဆာဆင် ပေးထားပါသည်။

 မြစ်ဆုံသည် မြစ်ကြီးနား၏ မြောက်ဘက်၄၅ကီလိုမီတာခန့်အကွာခရီးတွင် ဧရာဝတီမြစ်မှ စီးဆင်းလာသော မေခမြစ်နှင့် မလိခမြစ်တို့ပေါင်းဆုံရာနေရာဖြစ်သည်။ မြစ်ကြီးနားမှ တစ်နာရီနှင့် မိနစ်သုံးဆယ်ခရီးတစ်လျှောက်လုံးတွင် မြန်မာနိုင်ငံ၏ ရင်သပ်ရှုမောဖွယ် သဘာဝရှုမြင်ကွင်းများကို တွေ့မြင့်ရမည်ဖြစ်ပေသည်။

အင်းတော်ကြီးသည် ကချင်ပြည်နယ်၊ မိုးညှင်းမြို့တွင်ရှိသော အရှေ့တောင်အာရှရှိ အကြီးဆုံးကုန်းတွင်း ရေအိုင်ကြီးတစ်ခုဖြစ်သည်။ ၎င်းအိုင်ကြီးသည် အရှေ့မှ အနောက်သို့ ၁၃ ကီလိုမီတာ၊ မြောက်မှတောင်သို့ ၂၄ကီလိုမီတာ ကျယ်ဝန်းပြီး များပြားသော်မျိုးစိတ်များ အထူးသဖြင့် အချို့သောရှားပါးနို့တိုက်သတ္တဝါများနှင့် ငှက်များခိုလှုံရာ ဘေးမဲ့တောတစ်ခု လည်းဖြစ်ပေသည်။

 

ပူတာအိုမြို့သည် နှင်းများဖုံးလွှမ်းနေသောတောင်တန်းများရှိသည့်မြို့ဖြစ်ပါသည်။နှင်းတောင်များ၏ အလှတရားကိုခံစားချင်သောလည်ပတ် သွားရောက်လိုသောခရီးသည်များသည် ပူတာအိုမြို့ကိုလည် ပတ်သင့်သည်။ ထိုမြို့သည် သဘာ၀အလှတရားများနှင့်ပြည့်နှက်နေသောမြို့ဖြစ်ပြီး ဟိမ၀န္တာ တောင်တန်းကြီး၏မြောက်ဘက်ခြမ်းတွင်တည်ရှိသည်။ပူတာအိုမြို့၏ ရာသီဥတုမှာတစ်နှစ်ပတ်လုံး အေးချမ်းနေပြီးထိုမြို့တွင် တိုင်းရင်းသားလူမျိုးအများအပြားနေထိုင်ကြသည်။ ပူတာအိုမြို့တွင် နေထိုင်သောတိုင်းရင်းသားလူမျိုးများသည် ကမ္ဘာလှည့်ခရီးသည်များ၊ ခရီးသွားပြည်သူများအားဧည့်၀တ် ပျူငှာစွာ နွေးနွေးထွေးထွေးဆက်ဆံကြသူများဖြစ်ကြသည်။ရှားပါးသစ်ပင်ပန်းမန် မျိုးစိတ်များကိုကြည့်ရှုလိုသောခရီးသည်များသည် ပူတာအိုမြို့သို့လာရောက်လည်ပတ်သင့်သည်။

 

ရွှေမြဉ္ဇူဘုရားသည် ကြည်ညိုဖွယ်ကောင်းသောဘုရားတစ်ဆူဖြစ်ပြီးအင်းတော်ကြီးကန်၏အနောက်ဘက်ခြမ်းတွင်တည်ရှိသည်။ ရွှေမြဉ္ဇူဘုရားတွင် လှေကားထစ်များရှိရာထိုလှေကားထစ် များသည် ကျောက်တုံးများဖြင့်ပြုလုပ်ထားသောရုပ်ပွားတော်များဖြင့်ဆင်မြန်းထားသည်။

 

ကချင်ပြည်နယ်၏ တောင်ကုန်းများတွင် ကချင်လူမျိုးများ၊ ဂျိန်းဖောလူမျိုးနှင့် လူမျိုးစုများစွာစည်းစည်းလုံးလုံးနေထိုင်ကြသည်။ ကချင်လူမျိုးအများစုသည် တရုတ်နှင့်အိန္ဒိယနိုင်ငံများတွင်နေထိုင်ကြသည်။ ၎င်းတို့သည်ဂျိန်းဖောဘာသာစကားကိုအဓိကပြောဆိုကြပြီးတောင်ကုန်းပေါ်တွင် ထွန်ယက်စိုက်ပျိုးခြင်းဖြင့် အသက်မွေး၀မ်းကြောင်း ပြုလုပ်သူများဖြစ်ကြ ပါသည်။

 

Festivals

မနောပွဲတော်

ကချင်မနောပွဲတော်ကို နှစ်စဉ်ဇန်နဝါရီလ၏ပထမအပတ်တွင်ကျင်းပ၍ ကမ္ဘာအနှံ့အပြားမှလာရောက်ကြသော ခရီးသွားများအား ဆွဲဆောင်လျှက်ရှိသည်။ မနောအကအားမနောပွဲတော်တွင် ကပြဖျော်ဖြေကြသည်။ မနောအကသည်ရှေးရိုးရာနတ်ပူဇော်ပသမှုကို အ​​ခြေခံ၍ ဆင်းသက်လာသောအကဖြစ်သည်။

အင်းတော်ကြီးရွှေမြဉ္ဇူဘုရားပွဲတော်

ရွှေမြဉ္ဇူဘုရားပွဲတော်မှာနှစ်စဉ်မတ်လတွင် ရှစ်ရက်တိုင်တိုင် အင်းတော်ကြီးကန်တွင် ကျင်းပပြုလုပ်လေ့ရှိသည်။ ပွဲတော်မတိုင်မီတွင် ကန်၏ဘေးတစ်လျှောက်တွင်သဲသောင်ပြင်အခွဲများပေါ်ထွန်းလာပြီး လမ်းများသဖွယ်ဘုရားဖူးများအား ဘုရားသို့အလွယ်တကူ ရောက်ရှိ ဖူးမျှော်စေနိုင်သည်။ သဲလမ်းများအနက်တစ်လမ်းမှာ လူများသွားရောက်ဖူးမြှော်ရန်ဖြစ်ပြီး ကျန်တစ်လမ်းမှာ နတ်များဖူးမြှော်ရန် အတွက်ဖြစ်သည်ဟု ဒေသခံများကယုံကြည်ကြသည်။

သီတင်းကျွတ်မီးထွန်းပွဲတော်

မီးထွန်းပွဲတော်အား သီတင်းကျွတ်လပြည့်နေ့မှစ၍ သုံးရက်တိုင်အောင် မြန်မာနိုင်ငံအနှံ့အပြားတွင်ကျင်းပကြသည်။ တာဝတိံသာ နတ်ပြည်၌မြတ်စွာဘုရားသည် မယ်တော်အမိနတ်သားအားဝါတွင်း ကာလသုံးလပတ်လုံးတရားဟောပြောကာ သီတင်းကျွတ်လပြည့် နေ့တွင် လူ့ပြည်သို့ပြန်လည်ဆင်းသက်လာခြင်းကိုအောက်မေ့၍ ဆီမီးဆပ်ကပ်လှူဒါန်းခြင်းဖြစ်သည်။ ထိုပွဲတော်တွင် လူတိုင်းသည် မိမိတို့၏နေအိမ်များ၌ဆီမီးများ၊ ဖယောင်းတိုင်များ၊ ရောင်စုံမီးပုံးများချိတ်ဆွဲခြင်းဖြင့် အလှဆင်ကြသည်။ သီတင်းကျွတ်မီးထွန်းပွဲတော် ကျင်းပသည့်အချိန်ကာလကို ဝါကျွတ်ကာလဟုလည်းသတ်မှတ်ကြသည်။