မိုးသည်းထန်စွာရွာသွန်းခြင်းမရှိဘဲ အပူပိုင်းဒေသကဲ့သို့ သင့်တင့်သော ရာသီဥတုရှိပါသည်။ ဧရိယာအကျယ် အဝန်းမှာ ၃၇၀၂၄ စတုရန်း ကီလိုမီတာ/ ၁၄၂၉၅မိုင် ရှိပြီး မကွေးတိုင်း၊ စစ်ကိုင်းတိုင်း၊ ရှမ်းပြည်နယ်တို့နှင့် နယ်နိမိတ်ချင်းထိစပ်နေပါသည်။

မြန်မာနိုင်ငံ၏ နောက်ဆုံးမင်းဆက် တည်ရှိခဲ့ရာမြို့ဖြစ်သော မန္တလေးမြို့တော်ကြီးသည် ယဉ်ကျေးမှုမြို့တော် အဖြစ်သတ်မှတ်ခြင်းခံရသော မြို့တော်ဖြစ်သည်။ ၂၀၁၄ခုနှစ်တွင် ကောက်ခံသော အချက်အလက်များအရ မန္တလေးမြို့တွင် လူဦးရေ ၆.၁ သန်း နေထိုင်လျက်ရှိသည်။

မြန်မာနိုင်ငံကို ယဉ်ကျေးမှုများပေါင်းစုံတည်ရှိရာနိုင်ငံအဖြစ် ထိုက်တန်စွာ နာမည်ပေးအပ်ကြပါသည်။ ၎င်းအပြင် များပြား လှစွာသော ယဉ်ကျေးမှုအထိမ်းအမှတ် အဆောက်အအုံများ သမိုင်းဝင် အဆောက် အဦးများလည်း ပိုင်ဆိုင်ထားရှိပါသည်။ ကမ္ဘာလှည့်ခရီးသည်များအနေဖြင့် မဟာမြတ်မုနိ ဘုရား အနီးရှိ ကျောက်ဆစ်တန်းသို့ သွားရောက်၍လည်းလေ့လာနိုင်ပါသည်။ မန္တလေးသည် သစ်သား ပန်းပုလက်ရာများ နာမည်ကျော်သဖြင့် ကမ္ဘာလှည့်ခရီးသည်များအနေဖြင့် သစ်သားပန်းပုထုလုပ်သည့် အလုပ်ရုံများအပြင် ကြေးသွန်းခြင်း အိုးလုပ်ငန်းများလုပ်သည့် ကျေးရွာများနှင့် ပိုးထည်ရက်လုပ်သည့် လုပ်ငန်းများကိုလည်း သွားရောက်လေ့လာနိုင်ပါသည်။ ကမ္ဘာလှည့်ခရီးသည်များ အတွက် အမှတ်တရပစ္စည်းများ မြန်မာ့ရိုးရာ လက်မှုပစ္စည်းများ ကို အလွယ်တကူဝယ်ယူနိုင်ပြီး မန္တလေးဈေးချိုသည် အချက် အချာနေရာ၌တည်ရှိပြီး ကုန်စုံဆိုင်များ စားသောက်ကုန်များမှ သည် လက်ဝက်ရတနာရွှေဆိုင်များအထိ စုံလင်စွာဝယ်ယူ ရရှိနိုင်ပါသည်။ မန္တလေးမြို့၌ (၁၈) ကျင်းဝင်ဂေါက်ကွင်း နှစ်ခု ရှိပြီး မန္တလေးမြို့အပြင်ဘက် (၁၂) မိုင်အကွာ၌ တည်ရှိပါသည်။ မန္တလေးမြို့ အား လည်ပတ်ရာတွင် နာမည်ကျော်ဒေသထွက် အစား အသောက်များကို မြည်းစမ်းခြင်းမရှိပါက လည်ပတ်မှုမှာ မပြည့်စုံဟု ဆိုရလောက်အောင်စားချင်စဖွယ် အစားအသောက် မျိုးစုံကိုလည်း ရရှိနိုင်ပါသည်။

မန္တလေးတောင်သည် မန္တလေးမြို့လယ်၏ မြောက်ဘက်တွင် တည်ရှိပြီး (၂၃၀)မီတာအမြင့်ရှိသည်။ ၎င်းမှနေ၍ ဘုရားစေတီကျောင်းဆောင်များကို အစက်အပြောက်များကဲ့သို့သာ လှမ်း၍မြင်ရသည်။ အထူးသဖြင့် နေထွက်ချိန်နှင့်နေဝင်ချိန်တွင် မြို့၏ဒဏ္ဍာရီဆန်ဆန် ခမ်းနားလှသည့် ပန်းချီကားတစ်ချပ်အတွက် တောင်၏တောင်ဘက်အခြမ်းအတက်လမ်းရှိ စောင်းတန်းမှ ဖိနပ်မပါပဲ တက်ရခြင်းသည် ထိုက်တန်သည်ဟုယူဆ၍ရသည်။ ကမ္ဘာလှည့်ခရီးသည်များသည် ကားဖြင့်တောင်ပေါ်သို့တက်နိုင်သော်လည်း အရောင်စုံလှည့်ဘုရားဖူးဧည့်သည်အစီအတန်းများနှင့် ကုန်ပစ္စည်းများရောင်းချသော လက်ပွေ့သည်များကို တောင်အတက်လမ်းတွင်မြင်ရသောကြောင့် လမ်းလျောက်၍လည်းတက်ကြသည်။ အတက်ခရီးတွင် ထူးခြားလှသည့် လျှပ်တပြတ် မြင်ကွင်းများကိုကြည့်ရူ့နိုင်သည်။ တောင်ခြေတွင် မြို့ပြဆူညံသံများနှင့် အံသြဖွယ်ကောင်းလှသော သဘာဝရူ့ခင်းများကိုလည်း ခံစားနိုင်သည့် (၁၈)ကျင်းပါရှိသော ရွှေမန်းတောင်ဂေါက်ကွင်းလည်းတည်ရှိသည်။

အမရပူရမြို့သည် ကုန်းဘောင်မင်းဆက်၏ ရှေးဟောင်းမြို့တော်တစ်မြို့ ဖြစ်ပြီး ပိုးထည်ရက်လုပ်ခြင်းလုပ်ငန်းဖြင့်လည်း ကျော်ကြားသည်။ ဖြိုဖျက်ခဲ့သော အဆောက်အဦးများမှ ပြန်လည်သိမ်းယူခဲ့သော ကျွန်းသစ်များကို အသုံးပြု၍ ၁၉ရာစုအလယ်ခန့်တွင် တည်ဆောက်ခဲ့သည့် ဦးပိန်တံတားသည် အထူးသဖြင့် ထင်ရှားလှသည့် အရိပ်ထင်ဟပ်စေသောနေဝင်ချိန် ညနေအစောပိုင်းတွင် မြင်ရသော ကျက်သရေရှိ၍ တောက်ပသော မြင်ကွင်းတစ်ခုဖြစ်သည်။ အနီးအနားတွင် သစ်သားရုပ်ပုံများ (၂၈၀၀၀)ကျော် ထွင်း၍ အလှဆင်ထားသော မဟာဝေယံဘုံသာ ဗားကရာဘုန်းကြီးကျောင်းသည်လည်း လည်ပတ်နိုင်သည်။

အင်းဝသည် ၁၄ရာစုမှ ၁၉ရာစုအတွင်း မင်းဆက်အများအပြား၏ မြို့တော်အဖြစ်တည်ရှိခဲ့ပြီး ဧရာဝတီမြစ်နှင့်မြစ်ငယ်မြစ်တို့၏ ကမ်းပါးပေါ်တွင် တည်ရှိသည်။ မန္တလေးမှ ၂၁ကီလိုမီတာခန့်ဝေးပြီး ၎င်း၏အဓိကဆွဲဆောင်သောအရာမှာ ၁၉ရာစုခေတ်က မဟာအောင်မြေဘုံဇံကျောင်းနှင့် ၁၈၃၀ခုနှစ်ပတ်ဝန်းကျင်က တည်ဆောက်ခဲ့ပြီး ကြီးမားလှသည့် ကျွန်းတိုင်ကြီး ၃၀၀ နီးပါးဖြင့် ထောက်ကာ တည်ဆောင်ထားသည့် ဗားကရာကျောင်းတို့ဖြစ်ပါသည်။ ၎င်း၏ ကွေ့ကောက်လှသော သစ်သားပန်းပုလက်ရာကြောင့် ထင်ရှားလှသည်။

ပြင်ဦးလွင်မြို့သည် ပင်လယ်ရေမျက်နှာပြင်အထက် ၁၀၇၀မီတာတွင် တည်ရှိပြီး တောင်ပေါ်အေးခဲသောရာသီဥတုဖြင့် အနီးဆုံးတောင်ပေါ်စခန်းမြို့ဖြစ်သည်။ ယင်းမြို့သည် မန္တလေး၏အပူဒဏ်ရှောင်ရာ အကောင်းဆုံနေရာလည်းဖြစ်သည်။ ပြင်ဦးလွင်၏ လန်းဆန်းလှသော ကိုလိုနီခေတ်တောင်ပေါ်စခန်းသည် ဗြိတိသျှတို့ စိုးမိုးစဉ်အခါက နွေရာသီဆုတ်ခွာရာအရပ်လည်းဖြစ်သည်။ မန္တလေးမှပြင်ဦးလွင်သို့ ရောက်ရှိရန် ၁နာရီနှင့်မိနစ်၃၀ကြာပြီး ကားလမ်းနှင့်သာမက ရထားလမ်းဖြင့်လည်း ရောက်ရှိနိုင်သည်။

ဘကြီးတော်မင်းတရားကြီးထီးနန်းမရခင် သုံးနှစ်ခန့်က သူ၏နောက်ဆုံးမိဖုရား ဆင်ဖြူမယ်မင်းသမီးကို အောက်မေ့ရည်စူး၍ ၁၈၁၆တွင် ဆင်ဖြူမယ်ဘုရားကို တည်ထားခဲ့သည်။ မြင့်မိုရ်တောင်ထိပ်တွင်ရှိသော စူဠာမဏိဘုရားကို ရည်စူး၍ တည်ခဲ့သည်။ စေတီပတ်လည်ရှိ လှိုင်းသဏ္ဍာန် လှေကားခုနှစ်သွယ်သည် မြင့်မိုရ်တောင်ပတ်လည်ရှိ တောင်ခုနှစ်လုံး ကိုယ်စားပြုသည်။ ၁၈၃၈ခုနှစ်တွင် ငလျင်ဒဏ်ကြောင့် ဆိုးဆိုးရွားရွားပျက်စီးခဲ့ပြီး ၁၈၇၄ခုနှစ်တွင် မင်းတုန်းမင်းမှ ပြန်လည်ပြုပြင်ခဲ့သည်။

မဟာမြတ်မုနိရုပ်ပွားတော်သည် မန္တလေးမြို့၏ အနောက်တောင်ဘက်တွင် တည်ရှိသည်။ ဤရုပ်ပွားတော်၏ထူးခြားချက်မှာ စိန်၊ပတ္တမြား၊နီလာနှင့် အမျိုးမျိုးသောကျောက်မြတ်ရတနာများ စီခြယ်ထားသော မကိုဋ်တော်နှင့် ၄မီတာအမြင့်ရှိ၍ ၆.၅တန်ကြေးပိဿာချိန်ရှိသော ဗုဒ္ဓရုပ်ပွားတော်တစ်ဆူဖြစ်သည်။ ဗုဒ္ဓရုပ်ပွားတော်၏မျက်နှာတော်ကို ရိုးရာအယမပြတ် နံနက်စောစောတွင် မျက်နှာသစ်တော်မူခြင်းကို နေ့စဉ်ဝတ်ပြုသူများက လုပ်ဆောင့်လေ့ရှိသည်။

ကုသိုလ်တော်ဘုရားသည် မန္တလေးတောင်ခြေတွင် တည်ရှိပြီ ခရီးသွားများ၏ မဖြစ်မနေသွားသင့်သောနေရာများအနက်မှ တစ်ခုဖြစ်ပါသည်။ ဤဘုရားကို ၁၈၆၈ခုနှစ်တွင် မင်းတုန်းမင်းက တည်ထားကိုးကွယ်ခဲ့ပြီး တိပိတက္က ကျမ်းစာများပါဝင်သော စကျင်ကျောက်ပြားများဖြင့် ဝန်ရံထားပါသည်။ ထိုဘုရားသည် UNESCO မှတ်တမ်းများတွင် ကမ္ဘာ့အကြီးဆုံးစာအုပ်ကြီး အဖြစ် သတ်မှတ်ခြင်းခံရသောကြောင့် ကျော်ကြားပါသည်။

ရွှေနန်းတော်ဘုရားကျောင်းသည် မန္တလေးမြို့၏ အတုမရှိကျောင်းအနီးနားတွင် တည်ရှိပါသည်။ ဘုရားကျောင်းသည် ကျွန်းအဆောက်အအုံဖြစ်ပြီး ထူးခြားသောအနုပညာလက်ရာများဖြင့်ပုံဖော်ထားပါသည်။ ထိုကျောင်းတစ်ခုလုံးကိုယခင်က ထူထဲသောရွှေများဖြင့် ဖုံးအုပ်ထားခဲ့သော်လည်း ယခုအခါ ပူပြင်းသောရာသီဥတုကြောင့် အတွင်းပိုင်းများတွင်သာ ကျန်ရှိပါတော့သည်။

ရွှေကျင်ဘုရားကျောင်းသည်လည်း ရှေးအကျဆုံး နှင့် တန်ဖိုးမဖြတ်နိုင်ဆုံးဘုရားကျောင်း ဖြစ်ပါသည်။ ဘုရားကျောင်းကိုကျွန်းသစ်လုံးတိုင်များဖြင့်ဆောက်တည်ထားပြီး စာရွတ်ဆိုနေသောဘုန်းကြီးများ နှင့် နံရံပေါ်တွင် မြတ်စွာဘုရားရှင်၏ ထင်ပေါ်ကျော်ကြားမှုများကိုတွေ့မြင်နိုင်ပါသည်။ ရွှေကျင်ဘုရားကျောင်းရှိဘုန်းကြီးများသည် ဗုဒ္ဓ၏အဆုံးအမကို လေးစားကာ လိုက်နာကြပြီး ဝိနည်းတော်ကို အထူးကြပ်မတ် စောင့်ထိန်းသော ဘုန်းကြီးများဖြစ်ကြပါသည်။ ဘုရားကျောင်းသည်လည်း ငြိမ်သက်အေးချမ်းသောပတ်ဝန်းကျင် ရှိပါသည်။

စိန်ဂျိူးဆက်ဘုရားရှိခိုးကျောင်းတော်သည် မန္တလေးရှိ အသင်းတော်နယ်ခံများမှ ကောင်းမွန်စွာစောင့်ရှောက်ထားသောအေးချမ်းသည့်ကတ်သလစ်ခရစ်ယာန် ဘုရားကျောင်းဖြစ်ပြီး ဖာသားလာဖွန်ခရစ်ယာန်ကျောင်း ဟုလဲလူသိများကြပါသည်။ ပြင်သစ်ဖာသာများမှ ၁၈၉၄ ခုနှစ်တွင် အနောက်ဥရောပ အနုပညာလက်ရာဖြင့် တည်ဆောက်လုပ်ခဲ့သော ဘုရားရှိခိုးကျောင်းဖြစ်ပါသည်။ ဘုရားကျောင်း၏ အတွင်းဘက်တွင် မြန်မာတို့၏ လှပသော အရောင်ဖြစ်သည့် ရွှေရောင် အခင်းအကျင်းများရှိပါသည်။

မန္တလေးမြို့သည် ကွေ့ကောက်သောသစ်သားပန်းပုလက်ရာများကြောင့်လည်း ကျော်ကြားလှပါသည်။ မန္တလေးမြို့နေရာအနှံတွင် များလှစွာသော သစ်သားပန်းပု အလုပ်ရုံများရှိုပြီး ပန်းပုများဖြစ်သည့် ဘာသာရေးဆိုင်ရာရုပ်ထုများမှ အလှဆင်ပန်းရုပ်ထုများ အထိပြုလုပ်ကြသည်။ ထိုအလုပ်ရုံများသည် မဟာမုနိဘုရားနားတွင် အများဆုံးတာ်ရှိပြီး လည်ပတ်လေ့လာသင့်သော နေရာလည်းဖြစ်သည်။

မန္တလေးမြို့နှင့်အမရပူရမြို့ကြားတွင်ရှိသော တန်ပဝတီရပ်ကွက်ရှိ ကြေးနီပုံသွင်းအလုပ်ရုံသို့လည်း ခရီးသွားဧည့်သည်များလာရောက်လည်ပတ်နိုင်ပါသည်။ ဘုရားရုပ်ထုများ ခေါင်းလောင်းများ မောင်းများ သုံးခုမောင်းများ နှင့် တစ်ခြားထုတ်ကုန်များကို ထိုနေရာ၌ ထုတ်လုပ်ကြသည်။ လက်ဆောင်ပစ္စည်းများ ဝယ်ယူရန်အတွက် အကောင်းဆုံးနေရာတစ်ခုလဲ ဖြစ်သည်။

ဒေသဆိုင်ရာဈေးတွင် သွားရောက်လည်ပတ်ခြင်း နှင့် ဈေးဝယ်ခြင်းကိုကြိုက်နှစ်သက်သော ခရီးသွားဧည့်သည့်များသည် မန္တလေးမြို့အချက်အချာတွင်ရှိ ဈေးချိူ ဈေးသို့သွားရောက်လည်ပတ်နိုင်ပါသည်။ စားသောက်ကုန်မှသည် အကောင်းဆုံးသောရက်ထည်များ အထိ အမျိူ းစုံသောလူ့သုံးကုန်ပစ္စည်းများကိုဝယ်ယူနိုင်ပါသည်။ ခရီးသွားများသည်လည်း လက်ဆောင်များနှင့် ဒေသထွက်ကုန်ပစ္စည်းများကိုဝယ်ယူရရှိနိုင်ပါသည်။

ပုဂံမင်းဘုရားကြီးထီးနန်းတက်စဉ် သီပေါမင်း၏ တစ်ဦးတည်းသောသားအားအမှတ်ရသည့်အနေဖြင့် အိမ်တော်ရာဘုရားကိုတည်ဆောက်ခဲ့သည်။ အိမ်တော်ရာဘုရားသည်ဈေးချိုဈေး၏အနောက်ဘက်တွင်တည်ရှိသည်။ ၁၈၅၃ နန်းတွင်းအရေးတော်ပုံကြောင့်ပုဂံမင်းအားအရန်တော်အဖြစ် နန်းချခဲ့သည်။ ပုဂံမင်းသည်သူ၏ဘဝတစ်လျှောက်လုံးထိုနေရာရှိဘုန်းကြီးကျောင်းတွင် နေထိုင်ကုန်ဆုံးစေခဲ့ပြီး နောက်ဆုံးတွင်ကျောက်ရောဂါဖြင့်သေဆုံးခဲ့သည်။

ယူနန်ရွှေ့ပြောင်းနေထိုင်သူများတည်ဆောက်ခဲ့သည့်တရုတ်ဘုရားကျောင်းသည် ပြင်ဦးလွင်ရှိလည်ပတ်ရန် ကြည်နူးဖွယ်အကောင်းဆုံးနေရာများထဲမှ တစ်နေရာဖြစ်သည်။ တရုတ်ရိုးရာဗိသုကာနှင့်အနုပညာလက်ရာများဖြင့် ဆောက်လုပ်ထားသောထိုဘုရားကျောင်းသည်မိဘမဲ့ကလေးများ နေထိုင်ရာလည်းဖြစ်သည်။ ဘုရားကျောင်းတွင် အလှူငွေလက်ခံပြီးရှေ့ဖြစ်ဟောပေးသည့် ဘုန်းကြီးများမရေမတွက်နိုင်အောင်ရှိသည်။

မန္တလေးနှင့် ပြင်ဦးလွင်ကြားရှိ အနီးစခန်းတွင်ရှိသော ဓာတ်တော်ချိုက်ရေတံခွန်သည် တောင်တက်ခြင်းကို နှစ်သက်သောခရီးသွားများအတွက် စိတ်ဝင်စားဖွယ်နေရာဖြစ်သည်။ရေတံခွန်မှာပေ၄၀ဝနီးပါးမြင့်၍ အနက်မှာပေ၃၀ဝခန့်ရှိသည်။ ပြာနှမ်းသောရေပြင်နှင့်လေကောင်းလေသန့်တို့ရှိခြင်းကြောင့် အနားယူရန်သင့်လျော်သော နေရာဖြစ်သည်။ ရေတံခွန်အားလည်ပတ်ရန် အကောင်းဆုံးအချိန်မှာ မုတ်သုံရာသီ မေလမှအောက်တိုဘာလကြားဖြစ်သည်။

ဝိရောသနဟုအမည်တွင်သော ကျောက်စိမ်းဘုရားသည် ကမ္ဘာပေါ်တွင်အကြီးဆုံးကျောက်စိမ်းဘုရားဖြစ်သည်။ ဘုရားတစ်ဆူလုံးကို အမေရိကန်ဒေါ်လာ၁၅သန်းကုန်ချခံကာကျောက်စိမ်းတုံးများဖြင့် ဆောက်လုပ်ထားသည်။ ထိုဘုရားသည် ၇၅ပေ၆လက်မ အမြင့်ရှိပြီး အတန်းတစ်ခုချင်းလျှင် ၅၂ပေ၆လက်မ ကျယ်ပြီး အမြင့်အားဖြင့် ၁၂ပေရှိသည်။စေတီ၏အပြင်ပန်းအား ၃၀ဝဝဝသောကျောက်စိမ်းဘုရားရုပ်ထုများဖြင့် တန်ဆာဆင်ထားသည်။

ရာဇမဏိဆူလာခေါ် ကောင်းမှုတော်ဘုရားသည် အင်းဝမြို့မှ၁၀ကီလိုမီတာအကွာတွင်ရှိသည်။ မြန်မာနိုင်ငံရှိစေတီပုထိုးများအနက် တစ်ခုတည်းသော ဘဲဥပုံသဏ္ဌာန်အဖြစ် ရှိနေခြင်းမှာ ကောင်းမှုတော်ဘုရား၏ ထူးခြားမှုတစ်ခုပင်ဖြစ်သည်။ ထိုဘုရားတွင်၄၆မီတာမြင့်သောကြီးမားသည့် အမိုးခုံးရှိသည်။ ဘုရား၏အောက်ခြေတွင် ကျောက်တိုင်ပေါင်း၈၁၂တိုင်ရှိပြီး တိုင်၁တိုင်ချင်းစီ၏ အပေါက်ငယ်များတွင်နတ်ပုံများတည်ထားသည်။ သီရိလင်္ကာရှိမဟာစေတီနောက်တွင် မွမ်းမံတည်ဆောက်သည်။

 မဟာဂန္ဓာရုံဘုန်းကြီးကျောင်းသည် အမရပူရမြို့နယ် တောင်သမန်အင်းအနောက်ဘက် နာမည်ကျော် ဦးပိန်တံတားအနီးတွင် တည်ရှိပါသည်။ ၁၉၁၀ ခုနှစ်တွင် တည်ဆောက်ခဲ့ပြီး သာသနာဆိုင်ရာ စာပေကျမ်းဂန်များ သင်ကြားပေးရာ ဘုန်းတော်ကြီးကျောင်းအဖြစ် ကမ္ဘာတွင် ထင်ရှားလူသိများပါသည်။ အဆိုပါဘုန်းတော်ကြီးကျောင်း၌ သံဃာအပါး ၃၀၀၀ ကျော် စာပေ သင်ကြားနေပြီး ဘာသာရေးဆိုင်ရာ စည်းမျဉ်းစည်းကမ်းတိကျစွာလိုက်နာသော ဘုန်းတော်ကြီးကျောင်း အဖြစ် ထင်ရှားပါသည်။

မဟာအံ့ထူးကံသာစေတီသည် ပြင်ဦးလွင်မြို့ ပွဲကောက်ရေတံခွန်အနီး တည်ရှိသည်။ စေတီ၏အထွတ်အမြတ်ထားရာနေရာတွင် ဗုဒ္ဓမြတ်စွာဘုရား၏ ရုပ်ပွားတော်ကို တည်ထားသည်။ စေတီသည် တောင်ထပ်တွင်ရှိခြင်းကြောင့် ပြင်ဦးလွင်မြို့၏ လှပသော မြင်ကွင်းကိုခံစားနိုင်သည်။ စိတ်ဝင်စားစရာ သမိုင်းကြောင်းနောက်ခံရှိနေခြင်းနှင့်အတူ မဟာအံ့ထူးကံသာစေတီသည် ပြင်ဦးလွင်သို့ သွားရောက်လည်ပတ်သော ခရီးသွားများအတွက် မဖြစ်မနေလေ့လာသင့်သော နေရာတစ်နေရာဖြစ်သည်။

ပြင်ဦးလွင်မြို့အရှေ့မြောက်ဘက် ၁၉ ကီလိုမီတာအကွာတွင် တည်ရှိပါသည်။ ကျောက်ဂူ အဝင်ဝ၌ လှပသောရေပူစမ်းများဖြင့် တင့်တယ်စွာတည်ရှိပါသည်။ အဆိုပါ ထုံးကျောက်ဂူသည် နှစ်သက်တမ်း သန်းပေါင်း ၂၃၀ မှ ၃၁၀ ကြားဖြစ်ပြီး မြောက်များလှစွာသော ဗုဒ္ဓဆင်းတုတော်များနှင့် စေတီတော်များကို ထုံးကျောက်ဂူအနှံ့အပြား တွေ့ရှိနိုင်ပါသည်။ ထုံးကျောက်ဂူမှ အနည်းငယ်လျှောက်လှမ်း သွားပါက လှပသောရေတံခွန်ဖြစ်သည့် သုံးထပ်ရေတံခွန်ကိုလည်း ရောက်ရှိနိုင်ပါသည်။