ရာသီဥတု – အပူပိုင်းရာသီဥတု။
နယ်နိမိတ် – ကချင်ပြည်နယ်၊ ကပ္ပလီပင်လယ်၊ ပဲခူးတိုင်းဒေသကြီး၊ တနင်္သာရီတိုင်းဒေသကြီးနှင့် ထိုင်းနိုင်ငံ။
အကျယ်အဝန်း – ၁၂၂၉၆.၆စတုရန်းကီလိုမီတာ (သို့) ၄၇၄၇.၇စတုရန်းမိုင်။

မြို့တော် – မော်လမြိုင်(မွန်လူမျိုးများနေထိုင်ရာဒေသ)။ လူဦးရေစုစုပေါင်း ၂.၀၅သန်း။

ကျိုက်ထိုမြို့နယ် ရှိ  ကျိုက်ပေါ်လောဘုရားသည် ဗုဒ္ဓရုပ်ပွားတော်၏ မျက်နှာတော်ပေါ်တွင် မှဲ့ရှင်တည်ရှိနေသောကြောင့် လူသိများကျော်ကြားပါသည်။ မျက်လုံးတော်များသည်လည်း အသက်ဝင်နေပြီး ဒဏ္ဍာရီအရ ဆင်များ၊ မြင်းများဖြင့်လည်း ရွှေ့ပြောင်းရန် ကြိုးပမ်းခဲ့သော်လည်းမရနိုင်ခဲ့ပါ။ ထို့ပြင်ရုပ်ပွားတော်သည် ရေပေါ်တွင်ပေါ်နိုင်စွမ်းရှိပြီး သီရိလင်္ကာအရပ်သို့ လည်း အမြဲမျက်နှာမူနေသည်ဟူ၍လည်း ပြောစမှတ်ရှိပါသေးသည်။

ရွှေစာရံဘုရားကို ဘီစီ၅ရာစုတွင် တည်ထားခဲ့သည်ဟု ယုံကြည်ရပြီး ဘုရားအတွင်း ဂေါတမမြတ်စွာဘုရား၏ သွားတော်လေးစွယ်နှင့် ဆံချည်မျှင်ရှစ်ပင်တို့ကို ဌာပနာထားပါသည်။ များစွာသောရွှေရုပ်ပွားတော်များရှိသည့်အပြင် ကဿ်သပဘုရား၏ မြသပိတ်နှင့် ဂေါဏဂုဏဘုရား ၏ပစ္စည်းများလည်းရှိသောကြောင့် ဗုဒ္ဓဘာသာဝင်တို့အကြောင်းလေ့လာရန်အတွက် စိတ်ဝင်စား ဖွယ်နေရာတစ်ခု ဖြစ်ပါသည်။

ဝင်းစိန်တောရလျောင်းတော်မူဘုရားကြီးသည် ကမ္ဘာ့အကြီးဆုံး လျောင်းတော်မူဘုရားကြီး ဖြစ်ပါသည်။ ၃၀ မီတာမြင့်၍ ၁၈၀ မီတာရှည်ပါသည်။ ဝင်းစိန်တောရ လျောင်းတော်မူဘုရားကြီးသည် ကမ္ဘာ့အကြီး ဆုံးလျောင်းတော်မူဘုရားကြီးဖြစ်ပြီး ဘွဲ့တော်မှာ ဇိနသုခရန်အောင်ချမ်းသာဖြစ်သည်။ အတောင်(၄၀၀)ရှည်လျားသောလျောင်းတော်မူ၏ ကိုယ်တော်အတွင်း၌ အခန်းများဖွဲ့၍ ၅၅၀ ဇတ်တော်များကို ရုပ်လုံးကြွပန်းချီများဖြင့်တန်ဆာဆင်ထားသည်။ ညာလက်တော်တစ်တောင်ဆစ်ခေါက်၍ ဘယ်ဘက်တော်ကိုဘေးဆောင်းလှဲနေသော ကိုယ်တော်ပေါ်ဆန့်ချကာ အလျားလိုက်ဆန့်ထားသော လျောင်းတော်မူစေတီကြီးဖြစ်သည်။

မော်လမြိုင်မြို့၏တောင်ဘက်၆၀ကီလိုမီတာအကွာတွင် တည်ရှိသည်။ အဆိုပါ မီးရထားလမ်းကို (၁၉၄၂-ခုနှစ်)နို၀င်ဘာလမှာ စတင်ဖောက်လုပ်ခဲ့ပြီး (၁၉၄၃-ခုနှစ်) အောက်တိုဘာလတွင် ပြီးဆုံးခဲ့ပြီး မြန်မာချွေးတပ်သား ရှစ်သောင်းကျော်နှင့် နိုင်ငံတကာသုံးပန့်၊ မဟာမိတ် တပ်သားတစ်သောင်းကျော် သေဆုံးခဲ့ရသည်။ လမ်းဖောက်ရာတွင် အစာရေစာမလုံလောက်ခြင်း၊ ရာသီဥတုကြမ်းတမ်းခြင်း၊ နှိပ်စက်ညှင်း ပမ်းခြင်းခံရတာကြောင့်မို့ အသက်ပေါင်းများစွာ စတေးခဲ့ကြရ၍ သေမင်းတမန်မီးရထားလမ်းဟုအမည်တွင်ခဲ့ခြင်းဖြစ်သည်။

ကျိုက်ခမီမြို့သည် မွန်ပြည်နယ်အတွင်းတည်ရှိသော ကမ်းခြေအပန်းဖြေမြို့တစ်ခုဖြစ် ပါသည်။ မော်လမြိုင်မြို့၏တောင်ဘက် ၄၈ကီလိုမီတာအကွာအဝေးတွင် တည်ရှိပြီး နိုင်ငံခြားသားများအတွက် ပင်လယ်ကိုကြည့်ရှုခံစားနိုင်သည့် ကျော်ကြားသော ခရီးစဉ်ဒေသ တစ်ခုဖြစ်ပါသည်။ ကျိုက်ခမီရေလည်ဘုရားသည်လည်း မြို့တွင်းသို့ ဘုရားဖူးများ လာရောက် စေရန်ဆွဲဆောင်နေလျက်ရှိပါသည်။ မပျက်စီးသေးသောဒေသတစ်ခုအဖြစ် မြို့ပြ၏ လူနေထူထပ် မှုများမှကွာဝေးပြီး ရက်အနည်းငယ်နှင့် ငြိမ်းချမ်းခြင်းကို ခံစားနိုင်သော နေရာတစ်ခုဖြစ်ပါ သည်။

မြန်မာနိုင်ငံ၏ ထင်ရှားသော ကမ်းခြေတစ်ခုဖြစ်ပါသည်။ ကျိုက်ခမီမြို့၏ တောင်ဘက်၂၄ ကီလိုမီတာအကွာ သံဖြူဇရပ်မြို့၏ အနောက်တောင်ဘက် ၁၆ကီလိုမီတာအကွာတွင် တည်ရှိပါသည်။ 

မော်လမြိုင်မြို့၏ အနောက်မြောက်ဘက်သို့ လှေစီးခရီးတိုလေးဖြင့် ခေါင်းဆေးကျွန်းသို့ ရောက်ရှိနိုင်ပါသည်။ အင်းဝခေတ်တွင် နှစ်စဉ်ခေါင်းဆေးမင်္ဂလာအခမ်းအနားကျင်းပခြင်းကို အစွဲပြု၍ ခေါင်းဆေးကျွန်းဟုခေါ်ဆိုခဲ့ကြပါသည်။ ယခုအခါပျော်ပွဲစားထွက်ရန် အကောင်းဆုံး နေရာတစ်ခုအဖြစ်သတ်မှတ်ထားကြသည်။ နိုင်ငံခြားသားများသည် ပျင်းရိစရာကောင်းသော နေ့တစ်နေ့ကို ၎င်း ကျွန်းပေါ်ရှိ သဘာဝတရားများဖြင့် ကျော်လွန်ဖြတ်သန်းနိုင်ပါသည်။

သထုံသည် လွင်ပြင်များပေါ်တွင်တည်ရှိသော မွန်ပြည်နယ်အတွင်းရှိ မြို့တစ်မြို့ဖြစ်ပါ သည်။ သထုံသည် ဘီစီ၄ရာစုမှ အေဒီ၁၁ရာစုခန့်တွင် သထုံနိုင်ငံတော်၏ မြို့တော်တစ်ခုဖြစ်ခဲ့ပြီး လွန်ခဲ့သော နှစ်ပေါင်း၂၅၀၀ခန့်က ထေရဝါဒဗုဒ္ဓသာသနာတော် စတင်ထွန်းကားခဲ့သည့် မြို့တော် ဟုလည်း ယူဆခဲ့ကြသည်။