Myanmar Tourism Strategic Recovery Roadmap ရေးဆွဲရေးဆိုင်ရာ အလုပ်ရုံဆွေးနွေးပွဲကျင်းပ

နေပြည်တော်၊ ဩဂုတ်လ (၂၆) ရက် ဟိုတယ်နှင့်ခရီးသွားလာရေးဝန်ကြီးဌာနနှင့် Protocol လက်မှတ်ရေးထိုး၍  မြန်မာနိုင်ငံခရီး သွားလုပ်ငန်းကဏ္ဍ လူ့စွမ်းအားအရင်းအမြစ်ဖွံ့ဖြိုးတိုးတက်ရေးအတွက် ပံ့ပိုးကူညီဆောင်ရွက်လျက် ရှိသော လူဇင်ဘတ်ဖွံ့ဖြိုးတိုးတက်မှုအေဂျင်စီ( Lux Dev) ၏ အကူအညီဖြင့်  (COVID-19) အလွန် ကာလ မြန်မာနိုင်ငံခရီးသွားလုပ်ငန်း ပြန်လည်ဖွံ့ဖြိုးကောင်းမွန်ရေးအတွက် Myanmar Tourism Strategic Recovery Roadmap ကို ရေးဆွဲနိုင်ရေးအတွက် အဆိုပါ အဖွဲ့အစည်းမှ ပြည်တွင်း၊ ပြည်ပပညာရှင်များ ပါဝင်သော Expert Team အဖွဲ့သည် (၂၆-၈-၂၀၂၀) ရက်နေ့တွင် အင်းလေး ခန်းမ၌ ဟိုတယ်နှင့် ခရီးသွားလာရေးဝန်ကြီးဌာနမှ ဒုတိယညွှန်ကြားရေးမှူးချုပ်များ၊ ဌာနခွဲတာဝန်ခံ ညွှန်ကြားရေးမှူးများ၊ အရာထမ်းများနှင့် တွေ့ဆုံ၍ ၂၀၂၁ ခုနှစ်မှ ၂၀၂၅ ခုနှစ်ကာလအထိ ၅ နှစ်တာ အတွက် ရေးဆွဲရာတွင် လိုအပ်သည့် အခြေခံအချက်အလက်များ၊ လက်ရှိ (COVID-19) ကာလ အတွင်း မြန်မာနိုင်ငံ ပြည်တွင်းခရီးသွားလုပ်ငန်းကဏ္ဍ (Domestic Tourism) ပြန်လည်စတင်ရာတွင် ကြုံတွေ့ရနိုင်သည့် အားသာချက်၊ အားနည်းချက်၊ အခွင့်အရေးနှင့်ခြိမ်းခြောက်မှုများကို ဖော်ထုတ် ဆွေးနွေးခြင်း၊ လာမည့် (COVID-19) အလွန်ကာလ  တွင် ခရီးသွားလုပ်ငန်းကဏ္ဍအနေဖြင့် ကြိုတင် ပြင်ဆင်ဆောင်ရွက်ထားရမည့်လုပ်ငန်းစဉ်များ၊ အကောင် အထည်ဖော်ဆောင်ရွက်နိုင်မည့် အစီအစဉ်များကို ဖော်ထုတ်သည့်အလုပ်ရုံဆွေးနွေးပွဲကို ကျင်းပခဲ့ပါသည်။ အဆိုပါ Myanmar Tourism Strategic Recovery Roadmap ရေးဆွဲရေးဆိုင်ရာ ဆွေးနွေးပွဲ များကို နေပြည်တော်ရှိ ဟိုတယ်နှင့်ခရီးသွားလာရေးဝန်ကြီးဌာနတွင်း၌ လည်းကောင်း၊ ဆက်စပ် ဌာနများ၊ ပုဂ္ဂလိကအသင်းအဖွဲ့များဖြင့် (၂၆-၈-၂၀၂၀) ရက်နေ့မှ (၃၁-၈-၂၀၂၀) ရက်နေ့အထိ Video Conferencing စနစ်ကိုအသုံးပြု၍ ကျင်းပပြုလုပ်သွားမည်ဖြစ်ကာ (၄-၉-၂၀၂၀) ရက်နေ့တွင် ရလဒ် များကို ဝန်ကြီးဌာနသို့ ပြန်လည်သုံးသပ်တင်ပြသွားမည်ဖြစ်ကြောင်း သတင်းရရှိပါသည်။