ကျင်းပမည့်ပွဲများ – Page 3

ပြည်ထောင်စုဝန်ကြီးဒေါက်တာဌေးအောင် ပြင်ဦးလွင်နှင့် မန္တလေးမြို့များတွင် ခရီးသွားလုပ်ငန်းဖွံ့ဖြိုးရေးလုပ်ငန်းများ ကွင်းဆင်းဆောင်ရွက်

နေပြည်တော်၊ ဇန်နဝါရီလ ၉ ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီးဒေါက်တာဌေးအောင် သည် ယမန်နေ့ နံနက်ပိုင်းက ပြင်ဦးလွင်မြို့ တုံဂပူရိဟိုတယ်၌ ကျင်းပသော ရုရှားဘာသာစကားပြော အခြေခံသင်တန်းဆင်းပွဲအခမ်းအနားသို့ တက်ရောက်၍ အဖွင့်အမှာစကား ပြောကြားသည်။ ပြည်ထောင်စုဝန်ကြီးက ရုရှားဘာသာစကားသင်တန်းကို ဝန်ကြီးဌာနသည် ပြင်ဦးလွင်မြို့ စစ်တက္ကသိုလ်၏ အကူအညီဖြင့် ဖွင့်လှစ်ဆောင်ရွက်ခဲ့ခြင်းဖြစ်ပါကြောင်း၊ သင်တန်းကာလ ငါးလကျော် ကြာမြင့်ခဲ့ပြီး နာရီပေါင်း ၆၀၀ ကို ရက်သတ္တပတ် ၂၀ သင်ကြားပို့ချပေးခဲ့ပါကြောင်း၊ ဘာသာစကားဆိုသည်မှာ စိတ်ဝင်စားမှုအပြည့်ထားကာ လေ့ကျင့်သင်ယူလျှင် တတ်မြောက် လွယ်သဖြင့် လက်တွေ့ပြောဆိုလေ့ကျင့်ကြရန် လိုအပ်ပါကြောင်း၊ ခရီးသွားများသည် ၎င်းတို့၏ ဘာသာစကားဖြင့် နှုတ်ဆက်ပြောဆိုပါက ကျေနပ်နှစ်သက်မှုသာမက ယုံကြည်မှုကိုပါ တည်ဆောက်နိုင်မည်ဖြစ်ပါကြောင်း ရှင်းလင်းပြောကြားသည်။ ဆက်လက်၍ ပြင်ဦးလွင်စစ်တက္ကသိုလ်ကျောင်းအုပ်ကြီး ဗိုလ်ချုပ်ဇော်မင်းလတ်မှ သင်တန်းဆင်းအမှာစကား ပြောကြားသည်။ ထို့နောက် ပြည်ထောင်စုဝန်ကြီး ဒေါက်တာဌေးအောင်က...

News & Announcements

ပြည်ထောင်စုဝန်ကြီး ဒေါက်တာဌေးအောင် မြန်မာနိုင်ငံဆိုင်ရာ ထိုင်းနိုင်ငံသံအမတ်ကြီး ဦးဆောင်သောအဖွဲ့ကို လက်ခံတွေ့ဆုံ

နေပြည်တော် ဇန်နဝါရီ ၅ ပြည်ထောင်စုဝန်ကြီး ဒေါက်တာဌေးအောင်သည် ယနေ့နံနက်ပိုင်းတွင် ဝန်ကြီး ဌာန ဧည့်ခန်းမ၌ မြန်မာနိုင်ငံဆိုင်ရာ ထိုင်းနိုင်ငံသံအမတ်ကြီး H.E Mr. Mongkol Visitstump ဦးဆောင်သောအဖွဲ့ကို လက်ခံတွေ့ဆုံသည်။ ဆွေးနွေး တွေ့ဆုံစဉ် ပြည်ထောင်စုဝန်ကြီးက နှုတ်ခွန်းဆက်စကားပြောကြားပြီး မြန်မာ နိုင်ငံဆိုင်ရာ ထိုင်းနိုင်ငံသံအမတ်ကြီးက ကိုဗစ်အလွန်ကာလတွင် နှစ်နိုင်ငံခရီးသွားလုပ်ငန်း ပူးပေါင်း ဆောင်ရွက်ရေးဆိုင်ရာ တိုးမြှင့်လုပ်ဆောင်နိုင်ရေး၊ မြန်မာနိုင်ငံသို့ ထိုင်းခရီးသွားဧည့်သည်များ လာရောက်ရာတွင် ကျန်းမာရေးအာမခံ ဝယ်ယူထားရှိရေးနှင့် အဆင်ပြေချောမွေ့စွာ ဝင်ရောက်နိုင်ရေး၊ မြန်မာနိုင်ငံမှ အသေးစား၊ အငယ်စားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေးအကောင်အထည်ဖော်ရာတွင်လည်း ပိုမိုတိုးမြှင့်ပူးပေါင်းဆောင်ရွက် သွားရေး၊ ကူးသန်းရောင်းဝယ်ရေးနှင့် ခရီးသွားပြပွဲများ၊ ခရီးသွားလုပ်ငန်းနှင့်ဆက်စပ်သော ကဏ္ဍများတွင် ဝန်ကြီးဌာနနှင့် တိုးမြှင့်ပူးပေါင်းဆောင်ရွက်သွားနိုင်ရေးတို့ကို ရင်းနှီးပွင့်လင်းစွာဆွေးနွေးသည်။ ဆွေးနွေးတင်ပြချက်များအပေါ် ပြည်ထောင်စုဝန်ကြီးက မြန်မာနိုင်ငံနှင့် ထိုင်းနိုင်ငံ တို့အကြား...

News & Announcements

နေပြည်တော်သည် မြန်မာနိုင်ငံ၏ အလယ်ဗဟို၌ တည်ရှိနေသည့်အတွက် ခရီးစဉ်ဒေသများသို့ သွားရောက်ရာတွင် အချိန်တိုတိုဖြင့် ရောက်ရှိနိုင် ဟိုတယ်နှင့်တည်းခိုရိပ်သာများ ကျန်းမာရေးနှင့်ဘေးအန္တရာယ်ကင်းရှင်းသော ဝန်ဆောင်မှုကောင်းများပေးစွမ်းနိုင်ရေးအတွက် ဂရုပြုဆောင်ရွက်

နေပြည်တော် ဒီဇင်ဘာ ၃၀ ပြည်ထောင်စုဝန်ကြီး ဒေါက်တာဌေးအောင်သည် ယနေ့နံနက်ပိုင်းက မင်္ဂလာသီရိဟိုတယ်၌ ဟိုတယ်နှင့်တည်းခိုရိပ်သာလုပ်ငန်းရှင်များ၊ တာဝန်ခံများ၊ အထွေထွေ မန်နေဂျာများနှင့် ခရီးသွားအသင်းအဖွဲ့များမှ တာဝန်ရှိပုဂ္ဂိုလ်များနှင့် တွေ့ဆုံသည်။ တွေ့ဆုံစဉ် ပြည်ထောင်စုဝန်ကြီးက နေပြည်တော်သည် မြန်မာနိုင်ငံ၏ ဗဟိုချက်မမြို့တော်ဖြစ်ကာ မြို့တည်ဆောက်ခဲ့စဉ်က မြို့ပြစီမံကိန်းများနှင့်အညီ စနစ်တကျ အကွက်ချ တည်ဆောက်ထားခဲ့ပါကြောင်း၊ ယင်းအပြင် ဟိုတယ်နှင့်ခရီးသွားကဏ္ဍတွင် လည်း ဟိုတယ်ဇုန်များ၊ ခရီးသွားဆွဲဆောင်ရာနေရာများနှင့် အပန်းဖြေအနားယူနိုင်မည့်နေရာများကို စနစ်တကျသတ်မှတ် အကောင်အထည်ဖော်ထားရှိခဲ့ပါကြောင်း၊ နေပြည်တော်သို့ လာရောက်မည့် နိုင်ငံတကာမှ အကြီးအကဲများ၊ သံတမန်များနှင့် ခရီးသွားဧည့်သည်များအား ဝန်ဆောင်မှုပေးစွမ်း နိုင်ရန် ဟိုတယ်အနည်းငယ်ဖြင့်သာ စတင်ခဲ့ရာမှ ယနေ့အချိန်တွင် ဟိုတယ်နှင့်တည်းခိုရိပ်သာ ၉၉ လုံးနှင့် အခန်းပေါင်းခြောက်ထောင်ကျော်ရှိလာခဲ့ပြီဖြစ်ပါကြောင်း၊ နေပြည်တော်၌ နိုင်ငံတကာအခမ်းအနားများ၊ အစည်းအဝေးများ လက်ခံကျင်းပခြင်းသာမက နိုင်ငံတော်အဆင့် အခမ်းအနားများကိုလည်း နိုင်ငံတကာအဖွဲ့အစည်းများနှင့် နိုင်ငံခြားသံတမန်များကို...

News & Announcements

ပြည်ထောင်စုဝန်ကြီး ဒေါက်တာဌေးအောင် တရုတ်ပြည်သူ့သမ္မတနိုင်ငံ ချုံချင့်မြို့အခြေစိုက် မြန်မာနိုင်ငံဆိုင်ရာမြှင့်တင်ရေးဗဟိုဌာန၏ အတွင်းရေးမှူးချုပ်နှင့် တွေ့ဆုံဆွေးနွေး

နေပြည်တော် ဒီဇင်ဘာ ၂၈ ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီး ဒေါက်တာဌေးအောင်သည် တရုတ်ပြည်သူ့သမ္မတနိုင်ငံ ချုံချင့်မြို့အခြေစိုက် မြန်မာနိုင်ငံဆိုင်ရာမြှင့်တင်ရေးဗဟိုဌာန၏ အတွင်းရေးမှူးချုပ် မစ္စတာကျောက်ကျားအောက်ဝ် ဦးဆောင်သော ကိုယ်စားလှယ်အဖွဲ့နှင့် ယမန်နေ့ညနေပိုင်းတွင် ဝန်ကြီးဌာန နီလာခန်းမ၌ တွေ့ဆုံဆွေးနွေးခဲ့သည်။ နှုတ်ခွန်းဆက်စကားပြောကြား ရှေ့ဦးစွာ ပြည်ထောင်စုဝန်ကြီးက နှုတ်ခွန်းဆက်စကားပြောကြားပြီး တရုတ်ပြည်သူ့ သမ္မတ နိုင်ငံ ချုံချင့်မြို့အခြေစိုက် မြန်မာနိုင်ငံဆိုင်ရာမြှင့်တင်ရေးဗဟိုဌာန၏ အတွင်းရေးမှူးချုပ်ဖြစ်သူ မစ္စတာကျောက်ကျားအောက်ဝ် ဦးဆောင်သောကိုယ်စားလှယ်အဖွဲ့က မြန်မာနိုင်ငံဆိုင်ရာမြှင့်တင်ရေးဗဟိုဌာန တည်ထောင်ခြင်းမှာ ချုံချင့်မြို့ရှိ ပြည်သူများသာမက တရုတ်ပြည်အနောက်ပိုင်းအထိပါ မြန်မာနိုင်ငံအား ကျယ်ကျယ်ပြန့်ပြန့်သိရှိပြီး တရုတ်-မြန်မာ ပူးပေါင်းဆောင်ရွက်ရေးဆိုင်ရာကိစ္စရပ်များကို တိုးမြှင့်လုပ်ဆောင်သွားနိုင်ရန်အတွက် စီစဉ် ဆောင်ရွက်ခြင်းဖြစ်ကြောင်း။ မိမိတို့အနေဖြင့် ချုံချင့်မြို့၌ တရုတ်-မြန်မာရင်းနှီးမြှုပ်နှံမှုဖိုရမ်၊ တရုတ်-မြန်မာ ယဉ်ကျေးမှုဆိုင်ရာခရီးသွားကုန်စည်ပြပွဲ၊ လန်ချန်း-မဲခေါင် ခရီးသွားမိတ်ဖက် မြို့တော်ရက်သတ္တပတ်အစီအစဉ်တို့ကို ကျင်းပရန်ရှိရာ ယဉ်ကျေးမှုဆိုင်ရာ ခရီးသွားကုန်စည် ပြပွဲကျင်းပရာတွင် ပြခန်းပေါင်း ၁၅၀...

News & Announcements

ခရီးသွားလုပ်ငန်းသုတေသနစင်တာလက်စွဲစာအုပ် မိတ်ဆက်ထုတ်ဝေခြင်းနှင့် လက်စွဲစာအုပ်ပါ သုတေသနနည်းလမ်းများ အသုံးပြုနည်းသင်တန်းဖွင့်ပွဲအခမ်းအနားကျင်းပ

နေပြည်တော် ဒီဇင်ဘာ ၂၇ ခရီးသွားလုပ်ငန်း သုတေသန စင်တာ လက်စွဲစာအုပ် မိတ်ဆက်ထုတ်ဝေခြင်းနှင့် သုတေသနနည်းလမ်းများအသုံးချခြင်းဆိုင်ရာ သင်တန်းဖွင့်ပွဲအခမ်းအနားကို ယနေ့နံနက်ပိုင်းတွင် နေပြည်တော် ဟိုတယ်ဇုန်ရှိ မင်္ဂလာ သီရိဟိုတယ်၌ ကျင်းပသည်။ အခမ်းအနားတွင် ပြည်ထောင်စုဝန်ကြီးက ဒေါက်တာဌေးအောင်က ယင်းစီမံကိန်းကို မဲခေါင်-လန်ချန်းပူးပေါင်း ဆောင်ရွက်မှု အထူးရန်ပုံငွေ (၂၀၂၁) ခေါင်းစဉ်ဖြင့်ဆောင်ရွက်ခြင်းဖြစ်ကြောင်း၊ မဲခေါင်-လန်ချန်း ပူးပေါင်းဆောင်ရွက်မှုသည် ၂၀၁၄ ခုနှစ်၊ နိုဝင်ဘာတွင် နေပြည်တော်၌ ကျင်းပခဲ့သော (၁၇) ကြိမ်မြောက် အာဆီယံ-တရုတ်ထိပ်သီး အစည်းအဝေးမှ စတင်ပေါ်ပေါက်လာခဲ့ပြီး ၂၀၁၆ ခုနှစ် မတ် ၂၃ ရက်တွင် တရုတ်ပြည်သူ့သမ္မတနိုင်ငံ၊ ဟိုင်နန်ပြည်နယ်၊ ဆန်းယမြို့၌ ကျင်းပခဲ့သော ပထမ အကြိမ် မဲခေါင်-လန်ချန်း နိုင်ငံ့ခေါင်းဆောင်များအစည်းအဝေး၌ တရားဝင် စတင်ထူထောင်ခဲ့ကြောင်း၊ ၂၀၁၈ ခုနှစ်တွင် ကျင်းပခဲ့သော ...

News & Announcements

အာဆီယံခရီးသွားလုပ်ငန်း ကျွမ်းကျင်ပညာရှင်များအတွက် ကျွမ်းကျင်မှုစံနှုန်းများဆိုင်ရာ တတိယအကြိမ် ဒေသတွင်းအလုပ်ရုံဆွေးနွေးပွဲကျင်းပ

နေပြည်တော် ဒီဇင်ဘာ ၂၀ အာဆီယံခရီးသွားလုပ်ငန်း ကျွမ်းကျင်ပညာရှင်များအတွက် ကျွမ်းကျင်မှုစံနှုန်းများဆိုင်ရာ တတိယအကြိမ် ဒေသတွင်းအလုပ်ရုံဆွေးနွေးပွဲကို ယနေ့နံနက်ပိုင်းတွင် မြန်မာနိုင်ငံက ဉီးဆောင်ပြီး အိမ်ရှင်နိုင်ငံအဖြစ် လက်ခံ၍ Hybrid စနစ်ဖြင့် ကျင်းပသည်။ အသိအမှတ်ပြုရေး အလုပ်ရုံဆွေးနွေးပွဲတွင် ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီး ဒေါက်တာဌေက အာဆီယံခရီးသွားလုပ်ငန်းကျွမ်းကျင်ပညာရှင်များ အပြန်အလှန်အသိအမှတ်ပြုရေး အစီအစဉ်ကို ခရီးသွားလုပ်ငန်းကျွမ်းကျင်ပညာရှင်များအတွက် ရွှေ့ပြောင်းသွားလာလုပ်ကိုင်ရာတွင် လွယ်ကူချောမွေ့မှုရှိစေရေး၊ မြန်မာနိုင်ငံက အာဆီယံခရီးသွားလုပ်ငန်းကျွမ်းကျင်ပညာရှင် များ ကြီးကြပ်မှုကော်မတီ၏ ဥက္ကဋ္ဌအဖြစ် ဆောင်ရွက်စဉ်ကာလအတွင်း ခရီးသွားလုပ်ငန်းကျွမ်းကျင် ပညာရှင်များ အပြန်အလှန်အသိအမှတ်ပြုရေးဆိုင်ရာ လုပ်ငန်းစီမံချက် (၂၀၁၉-၂၀၂၃) ကို ၂၀၁၉ ခုနှစ်တွင် ထုတ်ပြန်နိုင်ခဲ့ကြောင်း၊ ယင်းစီမံချက်ပါ လုပ်ငန်းအစီအစဉ် (၁)ကို ဦးဆောင်နိုင်ငံအဖြစ် ၂၀၁၉ ခုနှစ်မှစ၍ ဆောင်ရွက်ခဲ့ကြောင်း။ အလုပ်ရုံဆွေးနွေး ပထမအကြိမ် ဒေသတွင်းအလုပ်ရုံဆွေးနွေးပွဲကို ၂၀၁၉ ခုနှစ်တွင် မြန်မာနိုင်ငံ...

News & Announcements

ဟိုတယ်ဝန်ဆောင်မှုဆိုင်ရာသင်တန်း ဖွင့်လှစ်

နေပြည်တော်၊ ဒီဇင်ဘာလ ၁၇ ဟိုတယ် ဝန်ဆောင်မှုဆိုင်ရာ သင်တန်းဖွင့်ပွဲအခမ်းအနားကို ယနေ့နံနက်ပိုင်းတွင် နေပြည်တော်ရှိ မင်္ဂလာသီရိဟိုတယ်၌ ကျင်းပသည်။ အဆိုပါ သင်တန်းကိုနေပြည်တော် ဟိုတယ်ဆိုင်ရာ လုပ်ငန်းရှင်များအသင်း၏ စီစဉ်ကြီးကြပ် မှုဖြင့် ဖွင့်လှစ်ခြင်းဖြစ်ပြီး ဖွင့်ပွဲအခမ်းအနားသို့ ပြည်ထောင်စုဝန်ကြီး ဒေါက်တာဌေးအောင်၊ ဌာနဆိုင်ရာ အရာရှိကြီးများ၊ နေပြည်တော်ဟိုတယ်ဆိုင်ရာ လုပ်ငန်းရှင်များအသင်းမှ တာဝန်ရှိ ပုဂ္ဂိုလ်များ၊ ဟိုတယ်လုပ်ငန်းရှင်များ၊ သင်တန်းနည်းပြများနှင့် သင်တန်းသား သင်တန်းသူများ တက်ရောက်ကြသည်။ အခမ်းအနားတွင် ပြည်ထောင်စုဝန်ကြီးက ဟိုတယ်နှင့်ခရီးသွားလုပ်ငန်းသည် ဝန်ဆောင်မှု အခြေခံလုပ်ငန်းဖြစ်သဖြင့် ဟိုတယ်ဝန်ဆောင်မှုဆိုင်ရာ ကဏ္ဍများ၏ အရည်အသွေးကောင်းမွန် တိုးတက်ရန် အရေးကြီးကြောင်း၊ ဧည့်သည်များ၏ လိုအပ်ချက်များကို ဖြည့်ဆည်းပေးနိုင်သော နေရာတစ်ခုအဖြစ် ဖန်တီးပေးနိုင်ရန်လိုအပ်ကြောင်း၊ ခရီးသွားလုပ်ငန်းတွင် ဧည့်သည်၏ ကျေနပ်မှုမှာ အရေးကြီးသောကြောင့်မိမိတို့ဘက်မှ အဆိုပါ အရည်သွေးများပြည့်ဝအောင် လေ့ကျင့်သင်ကြားကြရန်လိုအပ်ကြောင်း၊ ယနေ့ဖွင့်လှစ်မည့်...

News & Announcements

ပြည်ထောင်စုဝန်ကြီး ဒေါက်တာဌေးအောင် (၇) ကြိမ်မြောက် ကမ္ဘာလုံးဆိုင်ရာ အစားအသောက်နှင့်စပ်လျဉ်းသည့် ခရီးသွားလုပ်ငန်းဖိုရမ်ဖွင့်ပွဲအခမ်းအနားသို့ အွန်လိုင်းမှပါဝင်တက်ရောက်

နေပြည်တော် ဒီဇင်ဘာလ ၁၃ ကမ္ဘာ့ခရီးသွားလုပ်ငန်းအဖွဲ့ချုပ်နှင် Basque Culinary Center (BCC) တို့၏ ပူးပေါင်းဆောင်ရွက်မှုဖြင့် ဂျပန်နိုင်ငံ နာရာမြို့၌ ကျင်းပသော (၇) ကြိမ်မြောက် ကမ္ဘာလုံးဆိုင်ရာ အစားအသောက်နှင့်စပ်လျဉ်းသည့် ခရီးသွားလုပ်ငန်းဖိုရမ်ဖွင့်ပွဲအခမ်းအနားကို ယနေ့နံနက်ပိုင်းက ကျင်းပရာ ဟိုတယ်နှင့်ခရီးသွားလာဝန်ကြီးဌာန ပြည်ထောင်စုဝန်ကြီးဒေါက်တာဌေးအောင်သည် အွန်လိုင်းမှ ပါဝင်တက်ရောက်သည်။ အမှာစကားပြောကြား ဖိုရမ်ဖွင့်ပွဲတွင် ဂျပန်နိုင်ငံ၊ နာရာပြည်နယ် အုပ်ချုပ်ရေးမှူး Mr. Shogo Arai ၊ နာရာခရီးသွားဗျူရိုမှ ညွှန်ကြားရေးမှူးချုပ် Ms. Hirata Chieko၊ ကမ္ဘာ့စားနပ်ရိက္ခာနှင့်စိုက်ပျိုးရေးအဖွဲ့ ညွှန်ကြားရေးမှူး Dr. QU Dongyu၊ Basque Culinary Center (BCC) အထွေထွေမန်နေဂျာ Mr. Joxe Mari Aizega၊ ကမ္ဘာ့ခရီးသွားလုပ်ငန်းအဖွဲ့ အထွေထွေအတွင်းရေးမှူးချုပ် Mr....

News & Announcements

ဒေသတွင်း ပြည်တွင်း/ ပြည်ပ ခရီးသည်များ ပိုမိုလည်ပတ်လာရေး၊ အင်းလေးကန် သန့်ရှင်းသာယာလှပရေးနှင့် ရေရှည်တည်တံ့ရေးအတွက် ဝိုင်းဝန်းကြိုးပမ်း

နေပြည်တော် ဒီဇင်ဘာ ၁၁ သဘာဝအလှအပကို ကြည့်ရှုခံစားလိုကြသော ဧည့်သည်များ စိတ်ချမ်းမြေ့ကြည်နူး ကြစေရန်သာမက ပတ်ဝန်းကျင်စိမ်းလန်းစိုပြည်ရေးနှင့် အစဉ်သန့်ရှင်းသာယာလှပရေး ကိုပါ စနစ်တကျ စီမံဆောင်ရွက်စေလိုပါကြောင်း၊ ခရီးသွားများတစ်ဆထက် တစ်ဆ ပိုမိုလာရောက်လည်ပတ်လာပါက ဖြစ်ပေါ်လာနိုင်သည့် အမှိုက်သရိုက်များနှင့် စွန့်ပစ်ပစ္စည်းများကြောင့် ပတ်ဝန်းကျင်ညစ်ညမ်းမှု ထိုမှတစ်ဆင့် ကျန်းမာရေးထိခိုက် မှုမရှိစေရန်အတွက် အသိပညာပေးမှု၊ ကြီးကြပ်ထိန်းသိမ်းမှု နှင့် အခါမလပ်မပြတ် နှိုးဆော်ပြုပြင်မှုများကို အထူးအလေးထားဆောင်ရွက်စေလိုပါကြောင်း ယမန်နေ့ နံနက်ပိုင်းက ကလောမြို့နယ် ရေယောင်းမကျေးရွာတွင် ရှမ်းပြည်နယ်အစိုးရအဖွဲ့၏ အစီအစဉ်ဖြင့် အကောင် အထည်ဖော်လျက်ရှိသော ရေယောင်းမကျေးရွာ လူထုအခြေပြုခရီးသွားလုပ်ငန်းနေရာ သို့ ကြည့်ရှုစစ်ဆေးစဉ် ပြည်ထောင်စုဝန်ကြီး ဒေါက်တာဌေးအောင်က တာဝန်ရှိသူများကို မှာကြားသည်။ ဆက်လက်၍ ပြည်ထောင်စုဝန်ကြီးနှင့်အဖွဲ့သည် ကလောဂါးဒင်းဟိုတယ်သို့ ရောက်ရှိပြီး ကလောမြို့ရှိ ဟိုတယ်နှင့်ခရီးသွားလုပ်ငန်းကဏ္ဍအသီးသီးမှ တာဝန်ရှိသူများ၊ ခရီးစဉ်ဒေသစီမံခန့်ခွဲမှုအဖွဲ့မှ အဖွဲ့ဝင်များကို တွေ့ဆုံ၍...

1 2 3 4 5 … 93