+95-67- 406458 [email protected]
Select Page

Directory : Search Results

No result found:

ပြည်ထောင်စုဝန်ကြီး ဦးအုန်းမောင် ၂၀၁၈ ခုနှစ် ဂျပန်ခရီးသွားပြပွဲ (Tourism Expo Japan 2018 ) နှင့် ဒုတိယအကြိမ် ဝန်ကြီးများအဆင့် စားပွဲဝိုင်းဆွေးနွေးပွဲသို့တက်ရောက်


နေပြည်တော်၊ စက်တင်ဘာ (၂၃)ရက်
ဟိုတယ်နှင့်ခရီးသွားလာရေးဝန်ကြီးဌာန၊ ပြည်ထောင်စုဝန်ကြီး ဦးအုန်းမောင် ဦးဆောင်ပြီး ဝန်ကြီး ဌာနနှင့် ပုဂ္ဂလိကအသင်းအဖွဲ့များမှ အဖွဲ့ဝင်များ ပါဝင်သော မြန်မာကိုယ်စားလှယ်အဖွဲ့သည် ၂၀၁၈ ခုနှစ် စက်တင်ဘာလ (၂၀) ရက်နေ့နံနက်ပိုင်းတွင် ဂျပန်နိုင်ငံ တိုကျိုမြို့ရှိ Tokyo Big Sight Convention Centre တွင် ကျင်းပပြုလုပ်သော၂၀၁၈ ခုနှစ် ဂျပန်ခရီးသွားပြပွဲ (Toursim Expo Japan 2018) (JATA) ဖွင့်ပွဲအခမ်းအနားသို့တက်ရောက်ခဲ့ပါသည်။ ၎င်းဖွင့်ပွဲ အခမ်းအနားသို့ ကမ္ဘာ့နိုင်ငံအသီးသီးနှင့် အာဆီယံ နိုင်ငံများမှ ခရီးသွားလုပ်ငန်းဆိုင်ရာဝန်ကြီးများ ၊ ဂျပန်နိုင်ငံမြေယာ အခြေခံအဆောက်အအုံ၊ ပို့ဆောင်ရေး နှင့် ခရီးသွားလုပ်ငန်းဝန်ကြီး ဦးဆောင်သော ဂျပန်ခရီးသွားလုပ်ငန်း အဖွဲ့အစည်းများ၊ တိုကျိုမြို့တော်ဝန် နှင့် အသင်းအဖွဲ့များမှ ဥက္ကဌများနှင့် ဒါရိုက်တာအဖွဲ့ဝင်များ တက်ရောက်ခဲ့ကြသည်။ ဆက်လက်ပြီး ပြည်ထောင်စုဝန်ကြီးသည် မြန်မာနိုင်ငံပြခန်းကို ဖွင့်လှစ်ပေးပါသည်။

 

ပြည်ထောင်စုဝန်ကြီးသည် မွန်းလွဲပိုင်းတွင် ဒုတိယအကြိမ်မြောက် ကမ္ဘာ့ခရီးသွားလုပ်ငန်းအဖွဲ့ (UNWTO) နှင့် ခရီးသွားဝန်ကြီးများအဆင့် စကားဝိုင်းဆွေးနွေးပွဲ (2nd Tourism Expo Japan Ministerial Round Table in Collaboration-with UNWTO )သို့တက်ရောက်ပါဝင် ဆွေးနွေးခဲ့ပါသည်။ အဆိုပါ ဆွေးနွေးပွဲကို “ရပ်ရွာလူထုဖွံ့ဖြိုးတိုးတက်မှုအတွက် ရေရှည်တည်တံ့ခိုင်မြဲသောခရီးသွားလုပ်ငန်း” ဆောင်ပုဒ်ဖြင့် ကျင်းပပြုလုပ်ခဲ့ပြီး အဓိကနယ်ပယ် ငါးခုဖြစ်သော ရေရှည်တည်တံ့ရေးနှင့် တာဝန်ယူမှု ရှိသော ခရီးသွားလုပ်ငန်းတိုးတက်ရေး ၊ ကောင်းမွန်သော ခရီးသွားလုပ်ငန်းဆိုင်ရာ မူဘောင်ရေးဆွဲရေး၊ အစိုးရနှင့်ပုဂ္ဂလိက ကဏ္ဍအကြား နည်းပညာပူးပေါင်းဆောင်ရွက်မှုကို ဖော်ဆောင်ရေး၊ အလုပ်အကိုင် အခွင့်အလမ်းများ ဖန်တီးရေးနှင့် ခရီးသွားဧည့်သည်များဧ။် ခရီးသွားလာမှုပုံစံများ ပြောင်းလဲလာခြင်း တို့ကို အာဆီယံအဖွဲ့ဝင် (၅) နိုင်ငံနှင့် သီရိလင်္ကာနိုင်ငံ ၊ဆူဒန်နိုင်ငံ ၊ ဘူတန်နိုင်ငံ ၊ အိုက်စလန်နိုင်ငံ ၊ လတ်ဗီးယားနိုင်ငံ၊ မက္ကဆီကိုနိုင်ငံ ၊ မွန်ဂိုလီးယားနိုင်ငံတို့မှ ခရီးသွားဝန်ကြီးများ၊ ကမ္ဘာ့ခရီးသွားလုပ်ငန်း အဖွဲ့(UNWTO)၊ ကမ္ဘာ့ခရီးသွားကောင်စီ (WTTC), အာရှ-ပစိဖိတ်ခရီးသွားလုပ်ငန်းအဖွဲ့ (PATA) နှင့် အာဆီယံခရီးသွားနှင့် ကုန်သွယ်ရေးအဖွဲ့(ATTA)တို့မှ အတွင်းရေးမှူးချုပ်များ ၊ CEO များ ၊ စုစုပေါင်း ၁၉ဦးတို့မှ မိမိတို့ဧ။် အမြင်နှင့် ခံယူချက်များကို အသီးသီး ဝိုင်းဝန်း ဆွေးနွေးခဲ့ကြသည်။
ပြည်ထောင်စုဝန်ကြီးသည် ညနေပိုင်းတွင် World Travel and Toursim Council ၏ ဧည့်ခံ ကြိုဆိုပွဲ အခမ်းအနားကို တက်ရောက်ခဲ့ပါသည်။ ဆက်လက်၍ ဂျပန်နိုင်ငံမြေယာ အခြေခံအဆောက် အအုံ၊ ပို့ဆောင်ရေးနှင့် ခရီးသွားလုပ်ငန်းဝန်ကြီး Mr. Keiichi ISHII နှင့် တွေ့ဆုံခဲြ့ပီး နှစ်နိုင်ငံခရီးသွား လုပ်ငန်းမြှင့်တင်ရေး၊မြန်မာ-ဂျပန်ခရီးသွားလုပ်ငန်း ပူးပေါင်းဆောင်ရွက်မှု သဘောတူစာချွန်လွှာလက်မှတ် ရေးထိုးရေး ၊ ၂၀၁၉ ဇန်နဝါရီလတွင် ရန်ကုန်မြို့၌ ချယ်ရီပန်းများစိုက်ပျိုးရေး ဂျပန်ခရီးသည်များအား ဗီဇာ ဖြေလျော့ပေးမည့် ကိစ္စရပ်များအား ဆွေးနွေးခဲ့ကြပါသည်။
စက်တင်ဘာလ ၂၁ ရက် နံနက်ပိုင်းတွင် ပြည်ထောင်စုဝန်ကြီးနှင့်အတူ မြန်မာနိုင်ငံခရီးသွား လုပ်ငန်းအဖွဲ့ချုပ် ဥက္ကဌနှင့် ခရီးသွားလုပ်ငန်းရှင်များသည် ဂျပန်-မြန်မာချယ်ရီပန်းစိုက်ပျိုးရေးအသင်းနှင့်၊ ဂျပန်-မြန်မာပါလီမန်ဆိုင်ရာ ချစ်ကြည်ရေးအသင်းတို့၏ ဥက္ကဌ Mr.AISAWA ICHIRO နှင့် တွေ့ဆုံခဲ့ပါ သည်။ အဆိုပါ ဆွေးနွေးပွဲတွင် Mr. ICHIRO က Tourism EXPO JAPAN 2018 တွင် မြန်မာနိုင်ငံမှ ပြခန်းလာရောက်ပြသသည်ကို ကျေးဇူးတင်ဂုဏ်ပြုပါကြောင်း၊ မြန်မာနိုင်ငံအနေဖြင့် ခရီးသွားလုပ်ငန်း တိုးတက်ရန် ဆက်သွယ်ရေးနှင့် အခြေခံအဆောက်အအုံဖွံ့ဖြိုးရန် လိုအပ်ပါကြောင်း ၊ မိမိအနေဖြင့် မြန်မာ နိုင်ငံ၏ ထင်ရှားကျော်ကြားသော ခရီးစဉ်ဒေသများသို့ သွားရောက်လည်ပတ်လိုပါကြောင်း၊ မြန်မာနိုင်ငံ တွင် ချယ်ရီပန်းပင်များ နှစ်စဉ်စဉ်ဆက်မပြတ် စိုက်ပျိုးရေးကို ကူညီပံံ့ပိုးပေးသွားမည်ဖြစ်ကြောင်းပြောကြား ခဲ့ပါသည်။
ပြည်ထောင်စုဝန်ကြီးက ဂျပန်-မြန်မာချစ်ကြည်ရေးအတွက် ချယ်ရီပန်းစိုက်ပျိုးရေးသည် အနာဂတ် ချစ်ကြည်ရေးဖွံ့ဖြိုးတိုးတက်ရေးကို အထောက်အကူပြုပါကြောင်း ၊ ဂျပန်ခရီးသည်များအား ဗီဇာကင်း လွတ်ခွင့်ပေးရန် စီစဉ်ဆောင်ရွက်နေကြောင်း၊ ဂျပန်နိုင်ငံဘက်မှ Japan Toursim Agency နှင့် မိမိတို့ ဝန်ကြီးဌာနဧ။် ဦးစီးဌာနနှင့် နှစ်နိုင်ငံနားလည်မှု စာချွန်လွှာကို လက်မှတ်ရေးထိုးကြမည်ဖြစ်ပြီး ၎င်းမှတစ် ဆင့် ဂျပန်-မြန်မာခရီးသွားများ အပြန်အလှန် ပိုမို၍ လည်ပတ်နိုင်မည်ဟု မျှော်လင့်ပါကြောင်း ၊ ယခုကဲ့သို့ ဂျပန်နိုင်ငံခရီးသွားလုပ်ငန်းဆိုင်ရာ အတွေ့အကြုံများ အကြံပေးမှုများအတွက် ကျေးဇူးတင်ရှိပါကြောင်း ပြောကြားခဲ့သည်။
၎င်းတွေ့ဆုံပွဲအပြီးတွင် Japan Tourism Agency သို့ သွားရောက်၍ ဂျပန်-မြန်မာခရီးသွားလုပ်ငန်း ပူးပေါင်းဆောင်ရွက်မှု နားလည်မှုစာချွန်လွှာ လက်မှတ်ရေးထိုးပွဲ အခမ်းအနားကို ဂျပန်နိုင်ငံဆိုင်ရာ မြန်မာသံအမတ်ကြီး ဦးသူရိန်သန့်စင်နှင့်အတူ တက်ရောက်ခဲ့ပါသည်။ ၎င်းနားလည်မှုစာချွန်လွှာကို Japan Toursim Agency မှ Comissioner Mr. Hiroshi Tabataနှင့် ဟိုတယ်နှင့်ခရီးညွန်ကြားမှုဦးစီးဌာနမှ ဒုတိယညွန်ကြားရေးမှူးချုပ် ဒေါ်ခင်သန်းဝင်းတို့ လက်မှတ်ရေးထိုးခဲ့ကြသည်။ အဆိုပါနားလည်မှု စာချွန် လွှာအရ နှစ်နိုင်ငံကြားခရီးသွားလုပ်ငန်း သတင်းအချက်အလက်များ ဖလှယ်ရေး ၊ ခရီးသွားလုပ်ငန်း ဈေးကွက်မြှင့်တင်ရေး ၊ ခရီးသွားလူ့စွမ်းအားအရင်းအမြစ်များ ဖွံ့ဖြိုးရန် အထောက်အကူပေးရေးနှင့် နှစ် နိုင်ငံ ပြည်သူများ အပြန်အလှန်ခရီးသွားလာရာတွင် လုံခြုံစိတ်ချ ဘေးကင်းစေရေးတို့ကို နှစ်နိုင်ငံပူးပေါင်း ဆောင်ရွက်သွားမည်ဖြစ်ကြောင်း ဖော်ပြထားပါသည်။

ညနေပိုင်းတွင် ပြည်ထောင်စုဝန်ကြီးသည် သတင်းမီဒီယာများနှင့် တွေ့ဆုံပွဲသို့ တက်ရောက်ခဲ့ပြီး မြန်မာနိုင်ငံ၏ခရီးသွားလုပ်ငန်း ဖွံ့ဖြိုးတိုးတက်မှုအခြေအနေ၊ ဂျပန်ခရီးသွားများ မြန်မာနိုင်ငံသို့လာ ရောက်နိုင်ရန် ဗီဇာကင်းလွတ်ခွင့်ပေးမည့် အစီအစဉ်များ၊အနာဂတ်ခရီးသွားဈေးကွက်မြှင့်တင်ရေးနှင့် ရှေ့လုပ်ငန်းစဉ်များကို ရှင်းလင်း ပြောကြားခဲ့ပါသည်။ ထို့နောက် မြန်မာနိုင်ငံခရီးသွားလုပ်ငန်းအဖွဲ့ချုပ်မှ တွဲဖက် အထွေထွေအတွင်းရေးမှူး ဦးကျော်မင်းထင်က မြန်မာနိုင်ငံ၏ ပုံရိပ်အမှတ်တံဆိပ်အသစ်ဖြစ်သော စွဲမက်ဖွယ်ရာ ပြည်မြန်မာ (Myanmar – Be Enchanted) ကို မိတ်ဆက်ရှင်းလင်းခဲ့ပြီး မီဒီယာများမှ မေးမြန်းသည်များကို ပြန်လည် ဖြေကြားခဲ့ပါသည်။
ထို့နောက် ပြည်ထောင်စုဝန်ကြီးနှင့် ကိုယ်စားလှယ်အဖွဲ့သည် မြန်မာပြခန်း၌ ကျင်းပသည့် မြန်မာညနေခင်းအခမ်းအနားသို့ တက်ရောက်ခဲ့ပါသည်။ အဆိုပါ အခမ်းအနားသို့ တက်ရောက်လာသော ဧည့်သည်များအား မြန်မာ့ရိုးရာအစားအစာများနှင့် ဧည့်ခံခဲ့ပါသည်။ မြန်မာပြခန်းတွင် မြန်မာ့ရိုးရာစောင်း၊ ဦးရွှေရိုးအကဖြင့် ဖျော်ဖြေခြင်း ၊ ချင်း ၊ရခိုင်၊ ရှမ်းရိုးရာအကများဖြင့် ဖျော်ဖြေခြင်း မြန်မာ့တိုင်းရင်းသား ဝတ်စုံများကို ဝတ်ဆင်၍ အမှတ်တရဓာတ်ပုံရိုက်ကူးခြင်း အစီအစဉ်များဖြင့် ဆောင်ရွက်ခဲ့ရာ ပြပွဲသို့ ဧည့်ပရိတ်သတ်များစွာ လာရောက်ခဲ့ပါသည်။မြန်မာနိုင်ငံစားသောက်ဆိုင်လုပ်ငန်းရှင်များအသင်းမှလည်း စားသောက်ဆိုင်ခန်း ဖွင့်လှစ်၍ မြန်မာရိုးရာအစားအစာများကို ရောင်းချခဲ့ရာပြပွဲသို့ လာရောက်သော ဧည့်သည်များက ကြိုက်နှစ်သက်စွာအားပေးခဲ့ကြပါသည်။

 

Tourism EXPO JAPAN 2018 တွင် မြန်မာနိုင်ငံအနေဖြင့် ဟိုတယ်နှင့်ခရီးသွားကုမ္ပဏီ ၁၃ ခုတို့မှ ပါဝင် ပြသခဲ့ပြီး မြန်မာနိုင်ငံ၏ ခရီးစဉ်ဒေသများကို မြှင့်တင်ရောင်းချခဲ့ပါသည်။ ယခုနှစ် ပြပွဲတွင် နိုင်ငံပေါင်း ၁၃၆ နိုင်ငံမှ ကုမ္ပဏီနှင့် အဖွဲ့အစည်းပေါင်း ၁၄၄၁ ခုတို့က ပြခန်းများပါဝင်ပြသခဲ့ကြပြီး ခရီးစဉ် ဝယ်ယူသူ ၄၁၄ ဦးနှင့် ခရီးစဉ် ရောင်းချသူ ၈၉၀ ဦး စုစုပေါင်း ၁၃၀၄ ဦးရှိကြောင်း သတင်းရရှိပါသည်။ မြန်မာနိုင်ငံ အနေဖြင့် ဂျပန်နိုင်ငံ၏ အကြီးဆုံးသော ခရီးသွားပြပွဲသို့ သွားရောက်ပြသခြင်းဖြင့် မြန်မာကိုဂျပန်ဈေးကွက် အပါအဝင် ကမ္ဘာ့နိုင်ငံများက သိရှိပြီး ခရီးသွားဧည့်သည်များ ပိုမိုလာရောက်စေခြင်း၊ မြန်မာနိုင်ငံ၏ ခရီးစဉ်ဒေသများ၊ မြန်မာ့ရိုးရာအစားအစာနှင့် တိုင်းရင်းသားဝတ်စုံများကို မြှင့်တင်ကြော်ငြာနိုင်ခဲ့ခြင်း စသည့် အကျိုးကျေးဇူးများ ရရှိခဲ့ကြောင်း သတင်းရရှိပါသည်။

 

 

မန္တလေးမြို့၌ Hotel Operation Management (၃ /၂၀၁၈) သင်တန်းဆင်းပွဲ အခမ်းအနားကျင်းပ


နေပြည်တော်၊ စက်တင်ဘာလ (၂၁) ရက်
ဟိုတယ်နှင့်ခရီးသွားလာရေးဝန်ကြီးဌာနနှင့် လူဇင်ဘတ် Lux-Dev တို့ ပူးပေါင်းစီစဉ်မှုဖြင့် Hotel Operation Management သင်တန်းအမှတ်စဉ် (၃/၂၀၁၈) သင်တန်းဆင်းပွဲကို ယနေ့ နံနက်ပိုင်းတွင် မန္တလေးမြို့၊ ၃၅ လမ်း၊ ၅၈/၅၉ လမ်းကြားရှိ HOTEL APEX MANDALAY သင်တန်းခန်းမ၌ ကျင်းပပြုလုပ်ခဲ့ပါသည်။

 

အဆိုပါ သင်တန်းဆင်းပွဲ အခမ်းအနားသို့ ဟိုတယ်နှင့်ခရီးသွားလာရေးဝန်ကြီးဌာန၊ ဟိုတယ်နှင့် ခရီးသွားညွှန်ကြားမှုဦးစီးဌာန (မန္တလေးရုံးခွဲ) သင်တန်းတာဝန်ခံများနှင့် အရာထမ်း/အမှုထမ်းများ၊ ဌာန ဆိုင်ရာမှ တာဝန်ရှိသူများ၊ ၊ Lux-Dev မှ သင်တန်းနည်းပြများ၊ မန္တလေးမြို့ပေါ်ရှိ ဟိုတယ်များမှ MD, GM, Manager များနှင့် ဟိုတယ်ဝန်ထမ်းများ တက်ရောက်ခဲ့ကြပါသည်။

Hotel Operation Management သင်တန်းအမှတ်စဉ် (၃/၂၀၁၈) သင်တန်းတွင် မန္တလေး၊ ရန်ကုန်၊ တောင်ကြီး၊ နေပြည်တော်၊ မုံရွာ၊ ရွှေဘို၊ စစ်ကိုင်း၊ ကျောက်ဆည်၊ ပုဂံ၊ ညောင်ဦး စသည့်မြို့နယ် အသီးသီးရှိ ဟိုတယ်များ၌် တာဝန်ထမ်းဆောင်လျှက်ရှိသော မန်နေဂျာ GM MD များ စုစုပေါင်း (၂၀) ဦး တို့အား စာတွေ့/ လက်တွေ့ သင်ကြားပို့ချခဲ့ပြီး သင်တန်းကာလမှာ ရက်သတ္တပါတ် (၂) ပတ်ကြာ သင်ကြားပို့ချပေးခဲ့ကြောင်း သတင်းရရှိပါသည်။

 

တာချီလိတ်နယ်စပ်ဝင်ပေါက်မှ တစ်ဆင့် နိုင်ငံခြားသား ကမ္ဘာလှည့်ခရီးသွား ဧည့်သည်များ ဝင်/ ထွက် လည်ပတ်လျက်ရှိ


နေပြည်တော်၊ စက်တင်ဘာလ (၂၁) ရက်
နိုင်ငံခြားသား ကမ္ဘာလှည့် ခရီးသွားဧည့်သည်များသည် မြန်မာနိုင်ငံ၏ ရေမြေတောတောင် သဘာဝအလှများ၊ ခရီးသွားဆွဲဆောင်သည့်နေရာများ၊ တိုင်းရင်းသားတို့၏ မတူကွဲပြားသည့် ရိုးရာယဉ် ကျေးမှု ဓလေ့စရိုက်များ၊ လူနေမှုဘဝပုံစံများကို ကြည့်ရှုလေ့လာ သိမြင်ခံစားနိုင်ရန်အတွက် အပြည် ပြည်ဆိုင်ရာဝင်ပေါက်များနှင့် နယ်စပ်ဝင်ပေါက်များမှတစ်ဆင့် မြန်မာနိုင်ငံအတွင်းသို့ အဆက်မပြတ် ဝင်ထွက်သွားလာ လည်ပတ်လျက်ရှိပါသည်။

၂၀၁၈ ခုနှစ်၊ စက်တင်ဘာလ (၁၄) ရက်နေ့မှ စက်တင်ဘာလ (၂၀) ရက်နေ့အထိ တာချီလိတ် နယ်စပ်ဝင်/ထွက်ပေါက်မှတစ်ဆင့် ညအိပ်/ နေ့ချင်းပြန်ခရီးစဉ် လာရောက်လည်ပတ်ကြသည့် ထိုင်း နိုင်ငံသားနှင့် တတိယနိုင်ငံသား အများစုပါဝင်သော နိုင်ငံခြားသား ခရီးသွားဧည့်သည် (၂၀၇၈၅) ဦး၊ မိုင်းဖြတ်၊ ကျိုင်းတုံ ခရီးစဉ်အနေဖြင့် နိုင်ငံခြားသားခရီးသွားဧည့်သည် (၅၃) ဦး၊ ဗီဇာဖြင့်လာရောက် လည်ပတ်ကြသည့် နိုင်ငံခြားသားခရီးသွားဧည့်သည် (၁၂၁) ဦးရှိကြောင်း သိရှိရပါသည်။
နေ့ချင်းပြန်ခရီးစဉ် လာရောက်လည်ပတ်ကြသော ခရီးသွားဧည့်သည် အများစုသည် တာချီ လိတ်မြို့ရှိ အထင်ကရနေရာများဖြစ်သောတာလော့ဈေး၊ ဘုရင့်နောင်ရုပ်တု၊ မဟာမြတ်မုနိဘုရားကြီး၊ ဝမ်ကောင်းဈေး၊ ကိုးမြို့ရှင်နတ်နန်း၊ ရွှေတိဂုံစေတီတော်၊ မြို့လယ်ဓမ္မာရုံ၊ ပဒေါင်ကျေးရွာ၊ နဂါးနှစ် ကောင် ဆရာတော်ကျောင်း၊ ကွမ်ရင်မယ်တော် တရုတ်ဘုံကျောင်း၊ ကျောက်တန်းဈေးများသို့ သွား ရောက် လည်ပတ်ကြပါသည်။

ညအိပ်ခရီးစဉ် လာရောက်လည်ပတ်ကြသည့် နိုင်ငံခြားသား ခရီးသွားဧည့်သည်များသည် မိုင်း ဖြတ်မြို့ရှိ မြတ်စွာဘုရားခြေတော်ရာစေတီ၊ ဈေးတန်းကြီး ဘုန်းကြီးကျောင်း၊ သမိုင်းဝင်ဆုတောင်းပြည့် ဆံတော်ရှင်စွန်တောင်းစေတီ၊ ကျိုင်းတုံမြို့အဝင် ဗုဒ္ဓဥယျာဉ်နှင့် ကျိုင်းတုံမြို့ရှိ မဟာမြတ်မုနိ၊ ဟိုခုံ ကျောင်း၊ မြဘုရားကျောင်း၊ ကျိုင်းရင်းဘုန်းကြီးကျောင်း၊ ဝပ်အင်းကျောင်း၊ စွန်တောင်စေတီ၊ ကျော့မ်ဆရီစေတီ၊ ရမ်ကုန်းကျောင်း၊ ပါလျန်ကျောင်း၊ ရပ်တော်မူ၊ သစ်တစ်ပင်တောင်၊ ကမ္ဘာအေး စေတီ၊ စံပြယန်းလောကျေးရွာ၊ ကတ်တောင်ကျေးရွာအနီးရှိ ကိုးထပ်ရေတံခွန် စသည့် အထင်ကရ နေရာများသို့ သွားရောက်လည်ပတ်ကြပါသည်။
တာချီလိတ် နယ်စပ်ဝင်ပေါက်မှ တဆင့် ဝင်ရောက်သည့် နိုင်ငံခြားခရီးသွားဧည့်သည် အရေ အတွက်မှာ ၂၀၁၈ ခုနှစ်၊ ဧပြီလ(၁)ရက်နေ့မှ စက်တင်ဘာလ (၂၀) ရက်နေ့အထိ ထိုင်းနိုင်ငံသားနှင့် တတိယနိုင်ငံသားအများစု ပါဝင်သော နေ့ချင်းပြန်ခရီးသည် စုစုပေါင်းမှာ (၄၃၆၈၀၂) ဦး ဖြစ်ပြီး မိုင်းဖြတ်၊ ကျိုင်းတုံခရီးစဉ်အနေဖြင့် ခရီးသည်စုစုပေါင်း (၃၈၂၀) ဦးနှင့် ဗီဇာဖြင့် တာချိတ်လိတ်မှတဆင့် လေယာဉ်ခရီးစဉ်ဖြင့် ပြည်တွင်းသို့ ဝင်ရောက်လည်ပတ်သည့် ခရီးသည်စုစုပေါင်း (၃၂၉၁) ဦးတို့ ဝင် ရောက်လည်ပတ်ခဲ့ပါကြောင်း သတင်းရရှိပါသည်။

 

ကမ္ဘာလှည့်ခရီးသည်များ ကိုယ်ပိုင်မော်တော်ယာဉ်ဖြင့် လာရောက်လည်ပတ်


နေပြည်တော်၊ စက်တင်ဘာလ (၂၀) ရက်
ဟိုတယ်နှင့်ခရီးသွားလာရေးဝန်ကြီးဌာနသည် နိုင်ငံတကာမှ ခရီးသွားဧည့်သည်များ မြန်မာနိုင်ငံသို့ လုံခြုံစိတ်ချစွာဖြင့် အဆင်ပြေလွယ်ကူစွာ သွားရောက်လည်ပတ်နိုင်ရေးကို ဆောင်ရွက်ပေးလျက်ရှိရာ လေကြောင်း၊ ရေကြောင်းများဖြင့်သာမက နယ်စပ်ဝင်/ ထွက်ပေါက်များမှ လာရောက်သည့် ခရီးသွား ဧည့်သည်များအတွက်လည်း ဝင်/ထွက် သွားလာမှုလွယ်ကူစေရေး စီစဉ်ဆောင်ရွက်ပေးလျက်ရှိပါသည်။ သို့ဖြစ်ရာ နိုင်ငံတကာမှ ခရီးသွားဧည့်သည်များသည် ၎င်းတို့၏ ကိုယ်ပိုင်မော်တော်ယာဉ်၊ မော်တော်ဆိုင် ကယ်များဖြင့်လည်း နယ်စပ်ဖြတ်ကျော်ကာ မြန်မာနိုင်ငံအတွင်းသို့ဝင်ရောက်ပြီး နိုင်ငံအတွင်းရှိ သဘာဝ အလှအပရှုခင်းများ၊ ယဉ်ကျေးမှုအမွေအနှစ်များ၊ တိုင်းရင်းသားလူမျိုးတို့၏ ဓလေ့ထုံးစံများကို လာရောက် ကြည့်ရှုလေ့လာ လည်ပတ်လျက်ရှိပါသည်။

 

ဟိုတယ်နှင့်ခရီးသွားလာရေးဝန်ကြီးဌာန၏ ကူညီဆောင်ရွက်ပေးမှုနှင့် Chanty Group Co., Ltd ၏ စီစဉ်ဆောင်ရွက်မှုတို့ဖြင့် အိန္ဒိယနိုင်ငံသား (၅) ဦးတို့သည် ကိုယ်ပိုင်မော်တော်ယာဉ် (၁) စီးဖြင့် ၂၀၁၈ ခုနှစ်၊ စက်တင်ဘာလ (၁၇) ရက်နေ့မှ စက်တင်ဘာလ(၁၉)ရက်နေ့အထိ တမူးနယ်စပ်ဂိတ်မှ ဝင်ရောက်လာပြီး တမူး- ဂန့်ဂေါ်- နေပြည်တော်မြို့များသို့ သွားရောက်၍ အဆိုပါဒေသများရှိ ထင်ရှားသော နေရာများကို လည်ပတ်ခဲ့ကြပြီး စက်တင်ဘာလ (၁၉) ရက်နေ့တွင် မြဝတီနယ်စပ်ဂိတ်မှ တဆင့် ထိုင်းနိုင်ငံသို့ ပြန်လည် ထွက်ခွာသွားကြပါသည်။
မိုးရာသီကာလဖြစ်သော်လည်း နိုင်ငံခြားသားဧည့်သည်များအနေဖြင့် မြန်မာနိုင်ငံသို့ နယ်စပ်ဝင်/ထွက်ပေါက်များမှတဆင့် ကိုယ်ပိုင်မော်တော်ယာဉ်/ ဆိုင်ကယ်များဖြင့် လည်းကောင်း၊ ၎င်းတို့ ၏ အစီအစဉ်ဖြင့်လည်းကောင်း ဝင်ရောက်လာ၍ မြန်မာနိုင်ငံ၏ ထင်ရှားသောဒေသများသို့ သွားရောက် လည်ပတ်လျက်ရှိကြောင်း သတင်းရရှိပါသည်။

 

ဟိုတယ်နှင့်ခရီးသွားညွှန်ကြားမှုဦးစီးဌာန၊ လွိုင်ကော်ရုံးခွဲ၏ ပူးပေါင်းပါဝင်မှုဖြင့် ကယားပြည်နယ် ဝန်ကြီးချုပ်နှင့်အဖွဲ့ လွိုင်နန်းဖ (မိုးနတ်သမီးတောင်) အား ခြေလျင်တောင်တက်ခရီးစဉ်အဖြစ် တက်ရောက်


နေပြည်တော်၊ စက်တင်ဘာလ (၁၉) ရက်
ကယားပြည်နယ် ခရီးသွားလုပ်ငန်း မြှင့်တင်မှုတစ်ရပ်အဖြစ် (၁၅.၉.၂၀၁၈) ရက်နေ့တွင် ဟိုတယ် နှင့်ခရီးသွားညွှန်ကြားမှုဦးစီးဌာန၊ လွိုင်ကော်ရုံးခွဲ၏ ပူးပေါင်းပါဝင်မှုဖြင့် ကယားပြည်နယ်အစိုးရအဖွဲ့ ပြည် နယ်ဝန်ကြီးချုပ် ဦးဆောင်၍ ပြည်နယ်ဌာနဆိုင်ရာဝန်ထမ်းများ၊ တက္ကသိုလ် ကျောင်းသား/ကျောင်းသူများ၊ အားကစားသိပ္ပံ ကျောင်းသား/ကျောင်းသူများ၊ အခြေခံပညာ ကျောင်းသား/ ကျောင်းသူများ၊ ဆရာ/ ဆရာမများ (၂၀၀) ဦးကျော် ပါဝင်သော အဖွဲ့သည် ဒီးမော့ဆိုမြို့နယ်၊ လွိုင်နန်းဖကျေးရွာအနီးရှိ လွိုင်နန်းဖ (မိုးနတ်သမီးတောင်) အား ခြေလျင်တောင်တက်ခရီးစဉ်အဖြစ် တက်ရောက်ကြကြောင်း သိရပါသည်။

လွိုင်နန်းဖတောင်သည် ပေပေါင်း (၅၀၀၀) နီးပါးရှိပြီး ကယားပြည်နယ်၏ အမြင့်ဆုံးတောင်အဖြစ် လည်း တည်ရှိကာ ပြည်တွင်း၊ ပြည်ပ တောင်တက်ခရီးစဉ် စိတ်ဝင်စားသူများအတွက် ခရီးစဉ်ဒေသအသစ် တစ်ခုလည်း ဖြစ်ကြောင်း သိရပါသည်။

ဟိုတယ်နှင့်ခရီးသွားညွှန်ကြားမှုဦးစီးဌာန၊ လွိုင်ကော်ရုံးခွဲသည် ကယားပြည်နယ်အစိုးရအဖွဲ့နှင့် ပူးပေါင်း၍ လွိုင်နန်းဖတောင်အား အခြေပြုသော တောင်တက်ခရီးစဉ်နှင့် အခြားသဘာဝစိုက်ခင်းများ၊ ရိုးရာစားသောက်ဆိုင်များ၊ Cable Car တပ်ဆင်မည့် အစီအစဉ်များအား ဆောင်ရွက်နိုင်မည့် ပြည်တွင်း/ ပြည်ပ ရင်းနှီးမြှုပ်နှံသူများ ဖိတ်ခေါ်ဆောင်ရွက်သွားနိုင်ရေး စီမံဆောင်ရွက်လျက်ရှိပါကြောင်း သတင်းရရှိပါ သည်။

ဟိုတယ်နှင့်ခရီးသွားညွှန်ကြားမှုဦးစီးဌာန ကော့သောင်းရုံးခွဲ ဟိုတယ်ဆိုင်ရာဝန်ဆောင်မှု သင်တန်းဆင်းပွဲ ကျင်းပ


နေပြည်တော်၊ စက်တင်ဘာလ (၁၉) ရက်
ဟိုတယ်နှင့်ခရီးသွားညွှန်ကြားမှုဦးစီးဌာန၏ စီစဉ်ဆောင်ရွက်မှု၊ Awei Pila Resort၊ United Hotels & Resorts၊ KMOT Travel & Tour၊ Benchmade Asia Myanmar တို့၏ ပံ့ပိုးကူညီမှုဖြင့် ဟိုတယ်ဆိုင်ရာဝန်ဆောင်မှု သင်တန်းများဖြစ်သော ဧည့်ကြိုသင်တန်း၊ အိပ်ခန်းဆောင်ထိန်းသိမ်းရေး သင်တန်း၊ အစားအသောက်နှင့်အဖျော်ယမကာဝန်ဆောင်မှုသင်တန်းများနှင့် Hotel Accounting သင် တန်းတို့အား (၂၇-၈-၂၀၁၈)ရက်နေ့မှ (၁၈-၉-၂၀၁၈)ရက်နေ့အထိ သင်တန်းသား/သူ (၁၈၆) ဦးဖြင့် ဖွင့်လှစ်ခဲ့ရာ အဆိုပါ သင်တန်းဆင်းပွဲ အခမ်းအနားကို ယနေ့ နံနက်ပိုင်းတွင် ကော့သောင်းမြို့၊ Victoria Cliff Hotel ရှိ ရွှေသရဖီခန်းမ၌ ကျင်းပပြုလုပ်ခဲ့ပါသည်။

 

 

အခမ်းအနားတွင် ကော့သောင်းခရိုင် အထွေထွေအုပ်ချုပ်ရေးမှူး ဦးနေဦး၊ ဟိုတယ်နှင့် ခရီးသွား ညွှန်ကြားမှုဦးစီးဌာန၊ တနင်္သာရီတိုင်းဒေသကြီးတာဝန်ခံ ညွှန်ကြားရေးမှူး ဦးညိုအေးတို့မှ အမှာစကားပြော ကြားခဲ့ပြီး Star Academy သင်တန်းကြောင်းမှ သင်တန်းဆရာ ဦးမြတ်သူနှင့် ကျွန်းပေါ်ဟိုတယ် လုပ်ငန်း ရှင်များနှင့် သင်တန်းသား၊ သင်တန်းသူများ ကိုယ်စားဒေသခံ တစ်ဦးတို့မှ ကျေးဇူးတင် စကားပြောကြားခဲ့ ကာ သင်တန်းအလိုက် ထူးချွန်ဆုရ သင်တန်းသား/သူများအား ထူးချွန်ဆုများ ချီးမြှင့်ခြင်းနှင့် သင်တန်း သား/သူများအား သင်တန်းဆင်းလက်မှတ်များကို အသီးသီးပေးအပ်ခဲ့ပြီး အခမ်းအနားကို ရုပ်သိမ်းခဲ့ပါ ကြောင်း သတင်းရရှိပါသည်။

 

အာဆီယံအဆင့် အမျိုးသားဆရာဖြစ် သင်တန်းဆင်းပွဲအခမ်းအနား ကျင်းပ


နေပြည်တော်၊ စက်တင်ဘာလ (၁၈) ရက်
ဟိုတယ်နှင့်ခရီးသွားလာရေးဝန်ကြီးဌာနသည် ဟိုတယ်နှင့်ခရီးသွားကဏ္ဍ လူ့စွမ်းအားအရင်းအမြစ် ဖွံ့ဖြိုး တိုးတက်ရန် ရည်ရွယ်၍ ဆက်စပ်ဝန်ကြီးဌာနများ၊ တိုင်းဒေသကြီးပြည်နယ်အစိုးရများ၊ ပုဂ္ဂလိကနှင့် ပြည်တွင်းပြည်ပ မိတ်ဖက်အဖွဲ့အစည်းများနှင့် ပူးပေါင်းဆောင်ရွက်လျှက်ရှိရာ ဟိုတယ်နှင့်ခရီးသွားလာရေး ဝန်ကြီးဌာန၊ ဟိုတယ်နှင့်ခရီးသွားညွှန်ကြားမှုဦးစီးဌာန မန္တလေးရုံးခွဲနှင့် မြန်မာနိုင်ငံ ဟိုတယ်ဆိုင်ရာလုပ် ငန်းရှင်များအသင်း (မန္တလေးဇုန်)တို့ ပူးပေါင်းဖွင့်လှစ်သည့် အာဆီယံအဆင့်အမျိုးသားဆရာဖြစ် သင်တန်း ဆင်းပွဲကို ယနေ့ နံနက်ပိုင်းတွင် မန္တလေးမြို့၊ ၆၇ လမ်း၊ ၃၂×၃၃ လမ်းကြားရှိ Hotel Sakura Princess အစည်းအဝေးခန်းမ၌ ကျင်းပပြုလုပ်ခဲ့ပါသည်။

 

အဆိုပါ အခမ်းအနားသို့ မန္တလေးတိုင်းဒေသကြီး အစိုးရအဖွဲ့ စီမံကိန်းနှင့်ဘဏ္ဍာရေးဝန်ကြီး ဦးမြတ်သူ၊ မြန်မာနိုင်ငံ ဟိုတယ်ဆိုင်ရာလုပ်ငန်းရှင်များအသင်း(မန္တလေးဇုန်) ဥက္ကဌ ဦးမင်းနိုင်၊ ဟိုတယ်နှင့် ခရီးသွားညွှန်ကြားမှုဦးစီးဌာန မန္တလေးရုံးခွဲတာဝန်ခံ ညွှန်ကြားရေးမှူး ဦးခင်မောင်ရွှေနှင့် အရာထမ်း/ အမှု ထမ်းများ၊ ဌာနဆိုင်ရာမှတာဝန်ရှိသူများ၊ ဟိုတယ်ပိုင်ရှင်များနှင့် မန်နေဂျာများ၊ ဖိတ်ကြားထားသည့် ဧည့် သည်များတော်များ၊ အာဆီယံအဆင့် အမျိုးသား ဆရာဖြစ် သင်တန်းသား/သူများ စုစုပေါင်း (၁၁၀) ကျော် တက်ရောက်ခဲ့ပါသည်။

အခမ်းအနားတွင် မန္တလေးတိုင်းဒေသကြီးအစိုးရအဖွဲ့ စီမံကိန်းနှင့်ဘဏ္ဍာရေးဝန်ကြီးနှင့် မြန်မာ နိုင်ငံ ဟိုတယ်ဆိုင်ရာလုပ်ငန်းရှင်များအသင်း(မန္တလေးဇုန်) ဥက္ကဌတို့မှ အမှာစကားပြောကြားကာသင်တန်း ဆင်းလက်မှတ်များကို အသီးသီးပေးအပ်ခဲ့ပါသည်။ အာဆီယံအဆင့် အမျိုးသားဆရာဖြစ် သင်တန်းသို့ မန္တလေးမြို့ပေါ်ရှိ ဟိုတယ်များတွင် တာဝန်ထမ်းဆောင်လျှက်ရှိသည့် မန်နေဂျာနှင့် GM များ စုစုပေါင်း (၁၃) ဦး တက်ရောက်အောင်မြင်ခဲ့ကြောင်း သတင်းရရှိပါသည်။

ပြည်ထောင်စုဝန်ကြီး ဦးအုန်းမောင် မြန်မာနိုင်ငံ ခရီးသွားလုပ်ငန်းဖွံ့ဖြိုးရေးလုပ်ငန်းအဖွဲ့များ ညှိနှိုင်း အစည်းအဝေးနှင့် JATA Tourism Expo 2018 သို့ မြန်မာနိုင်ငံကိုယ်စားပြုပြခန်း ပါဝင်ပြသနိုင်ရေး ညှိနှိုင်း အစည်းအဝေးသို့ တက်ရောက်


၂၀၁၈ ခုနှစ် စက်တင်ဘာလ ၁၇ ရက်
ဟိုတယ်နှင့်ခရီးသွားလာရေးဝန်ကြီးဌာန ၊ ပြည်ထောင်စုဝန်ကြီး ဦးအုန်းမောင်သည် ယနေ့နံနက် ပိုင်းတွင် ရန်ကုန်မြို့ ၊ အင်းလျားလိတ်ဟိုတယ်၌ ပြုလုပ်သည့် မြန်မာနိုင်ငံ ခရီးသွားလုပ်ငန်း ဖွံ့ဖြိုးရေး လုပ်ငန်းအဖွဲ့များ ညှိနှိုင်းအစည်းအဝေးနှင့် JATA Tourism Expo 2018 သို့ မြန်မာနိုင်ငံ ကိုယ်စားပြုပြခန်း ပါဝင်ပြသနိုင်ရေး ညှိနှိုင်းအစည်းအဝေးသို့ တက်ရောက်ပါသည်။

ပြည်ထောင်စုဝန်ကြီးမှ အမှာစကားပြောကြားရာတွင် ဒီနေ့ပြုလုပ်သည့် အစည်းအဝေးသည် ခရီးသွားမြှင့်တင်ရေး အသုံးစရိတ်များကို ဘဏ္ဍာရေး စည်းမျဉ်းစည်းကမ်းများနှင့်အညီ အကျိုးရှိအောင် စနစ်တကျ သုံးစွဲနိုင်ရေးနှင့် အချိန်မှီ အကောင်အထည်ဖော်နိုင်ရန်အတွက် ပွင့်လင်းမြင်သာမှုရှိစွာနဲ့ အားလုံးပူးပေါင်း ဆောင်ရွက်ဖို့နဲ့ လိုအပ်သည်များကို ပြင်ဆင်ဖြည့်စွက်နိုင်ရန်အတွက် ကျင်းပရခြင်းဖြစ် ကြောင်း ၊ ခရီးသွားလုပ်ငန်းဖွံ့ဖြိုးတိုးတက်ရေးနဲ့ မြန်မာနိုင်ငံရဲ့ ခရီးသွား ဈေးကွက်မြှင့်တင်နိုင်ရန် ဂျပန်၊ ကိုရီးယား၊ တရုတ်၊ အာဆီယံနိုင်ငံများ နဲ့ ဥရောပနိုင်ငံများကို ခရီးသွားဈေးကွက် မြှင့်တင်ရေးအတွက် ခရီးသွားလုပ်ငန်း ဖွံ့ဖြိုးတိုးတက်ရေး လုပ်ငန်းအဖွဲ့များ ဖွဲ့စည်းဆောင်ရွက်ထားသလို ပြည်တွင်း ခရီးစဉ်ဒေသ ဖွံ့ဖြိုးတိုးတက်ရေးလုပ်ငန်းအဖွဲ့ကိုလည်း ဖွဲ့စည်းပြီး ဖြစ်ပါကြောင်း၊ လုပ်ငန်းများ စနစ်တကျ ဆောင်ရွက်နိုင်ရေးအတွက် ကြီးကြပ်ရေး အဖွဲ့များကိုလည်းဖွဲ့စည်းပြီး မိမိတို့ကော်မတီအလိုက် ဆောင်ရွက်ရမည့် လုပ်ငန်းများကို အကောင်အထည်ဖော်မည့်ကာလ၊ မျှော်မှန်းအသုံးစရိတ်၊ Expected results များပြည့်စုံစွာဖြင့်တင်ပြရန်ဖြစ်ကြောင်း ၊ ဝန်ကြီးဌာနဘက်ဂျက်ကို အသုံးပြုမှာ ဖြစ်တဲ့အတွက် နိုင်ငံတော်သမ္မတရုံးမှ ညွှန်ကြားချက်များနှင့်အညီ စာရင်းစစ်ခံနိုင်ရေးအတွက်လည်း ပူးပေါင်းပါဝင် ဆောင်ရွက်ရန်လိုအပ်ပါကြောင်း ၊ မြန်မာနိုင်ငံ ခရီးသွားမြှင့်တင် ဆောင်ရွက်နိုင်ရန် ရည်ရွယ်ပြီး စက်တင် ဘာလ (၁၅) ရက်နေ့က မြန်မာနိုင်ငံရဲ့ ခရီးသွားအမှတ်တံဆိပ်နဲ့ စာသား (Branding Tagline) Myanmar : Be enchanted ကို တရားဝင် ကြေညာခဲ့ပြီးဖြစ်သလို လာမယ့် အောက်တို ဘာလ (၁) ရက်နေ့မှာလည်း မြန်မာနိုင်ငံကိုအများဆုံးလာရောက်ကြတဲ့ အာရှမှ ဂျပန်နိုင်ငံသားနဲ့ ကိုရီးယားနိုင်ငံသားများကို Visa ကင်းလွတ်ခွင့်နဲ့ တရုတ်နိုင်ငံသားများကို Visa on Arrival ခွင့်ပြုပေးတော့မှာဖြစ်ပါကြောင်း ၊ဒီအချက် တွေဟာ ခရီးသွားလုပ်ငန်းကဏ္ဍအတွက် အခွင့်ကောင်းဖြစ်လို့ အမိအရအ သုံးချနိုင်အောင် ကြိုးစားဆောင် ရွက်ရမှာဖြစ်ပါကြောင်း၊ အာဆီယံမိတ်ဖက် (၃) နိုင်ငံကိုဦး တည်ပြီး မြန်မာနိုင်ငံရဲ့အမှတ်တံဆိပ်ကို မြှင့်တင်နိုင်ရေးဆောင်ရွက်သလို အခြားနိုင်ငံများ ရဲ့ခရီးသွားဈေးကွက်ကိုလည်း မြှင့်တင်ဆောင်ရွက် သွားရမှာဖြစ်ပါကြောင်း၊ ဒီလိုဆောင်ရွက်ရာမှာ ခေတ်နဲ့အညီ Digital နည်းပညာကို အသုံးချပြီး ဈေးကွက် မြှင့်တင်ထိုးဖောက် ဆောင်ရွက်ရန်လည်း လိုအပ်မှာဖြစ်လို့ Digital Marketing အဖွဲ့ကိုလည်း ဖွဲ့စည်းပြီး ဖြစ်တဲ့အတွက် အရှိန်အဟုန်နဲ့ ဆောင်ရွက်သွားရမှာ ဖြစ်ပါကြောင်း ၊ နိုင်ငံတော်မှ ခရီးသွားလုပ်ငန်း မြှင့်တင်ရေး အသုံးစရိတ် ရန်ပုံငွေကို တိုးမြှင့်ချထားပေးတဲ့အတွက် ရရှိထားတဲ့ ခရီးသွားမြှင့်တင်ရေး ရန်ပုံငွေများကို ဘဏ္ဍာရေးစည်းမျဉ်းစည်းကမ်းများနဲ့အညီ အကျိုးရှိရှိနဲ့ ထိထိရောက် ရောက်ဖြစ်အောင် အားလုံးဝိုင်းဝန်းကြိုးပမ်း ဆောင်ရွက်ရမှာဖြစ်လို့ ကိုယ်စွမ်း၊ ဉာဏ်စွမ်းရှိသလို ဝိုင်းဝန်းကြိုးပမ်း ဆောင်ရွက် ပေးကြရန်နဲ့အကြံပြု ဆွေးနွေးပေးကြပါလို့ ပြော ကြားလိုပါကြောင်း စသည်ဖြင့်ပြောကြားခဲ့ပါသည်။
ထို့နောက် ခရီးသွားလုပ်ငန်း ဖွံ့ဖြိုးတိုးတက်ရေးလုပ်ငန်းအဖွဲ့ (၆)ခုနှင့်Digital Marketing ကော်မ တီတို့မှ တာဝန်ရှိသူများက ခရီးသွားလုပ်ငန်းဖွံ့ဖြိုးတိုးတက်ရေးအတွက် ဆောင်ရွက်ရန် လိုအပ်သည့် ၊ ဆောင်ရွက်သွားမည့် ကိစ္စရပ်များကို တင်ပြပြီး ၊ ဝန်ကြီးဌာန၏ ဘဏ္ဍာရေးဌာနမှ တာဝန်ရှိသူတစ်ဦးမှ အသုံးစရိတ်များသုံးစွဲရာတွင် လိုက်နာဆောင်ရွက်ရမည့် လုပ်ငန်းရပ်များနှင့်ဘဏ္ဍာရေး စည်းမျဉ်း စည်းကမ်းများကို ရှင်းလင်းတင်ပြခဲ့ပါသည်။

ယင်းနောက် JATA Tourism Expo 2018 သို့ မြန်မာနိုင်ငံ ကိုယ်စားပြုပြခန်း ပါဝင်ပြသနိုင်ရေး ညှိနှိုင်း အစည်းအဝေးကို ဆက်လက်ကျင်းပရာ ဟိုတယ်နှင့်ခရီးသွားလာရေးဝန်ကြီးဌာနမှ တာဝန်ရှိသူများ နှင့် မြန်မာနိုင်ငံခရီးသွားလုပ်ငန်း ဈေးကွက်မြှင့်တင်ရေးအသင်းတို့မှ ကြိုတင်ပြင်ဆင် ဆောင်ရွက်ထားရှိ မှုတို့ကို တင်ပြခဲ့ပြီး တက်ရောက်လာသူများမှ အကြံပြုဆွေးနွေးကြပါသည်။ ထို့နောက် ပြည်ထောင်စု ဝန်ကြီးမှ တင်ပြချက်များအပေါ် ဖြည့်စွက်ဆွေးနွေးပြီး လိုအပ်သည်များ ညှိနှိုင်းဆောင်ရွက်ပေးခဲ့ကြောင်း သတင်းရရှိပါသည်။

 

ငွေဆောင်ကမ်းခြေ သန့်ရှင်းလှပစေရေးအတွက် စုပေါင်းသန့်ရှင်းရေး လှုပ်ရှားဆောင်ရွက်မှု ပြုလုပ်


နေပြည်တော်၊ စက်တင်ဘာလ (၁၇) ရက်
ကမ္ဘာ့သန့်ရှင်းရေး (WORLD CLEANUP DAY) အထိမ်းအမှတ်အနေဖြင့် ဟိုတယ်နှင့်ခရီးသွားလာ ရေးဝန်ကြီးဌာန၏ လမ်းညွှန်မှု၊ ဟိုတယ်နှင့်ခရီးသွားညွှန်ကြားမှုဦးစီးဌာန၊ ငွေဆောင်ရုံးခွဲ၊ မြန်မာနိုင်ငံ ဟိုတယ်ဆိုင်ရာလုပ်ငန်းရှင်များအသင်း (ငွေဆောင်ဇုန်) နှင့် Trash Hero Ngwe Saung အမှိုက်ကောက် သူရဲကောင်းများအဖွဲ့တို့၏ ပူးပေါင်းစီစဉ်မှုဖြင့် ငွေဆောင်ကမ်းခြေသန့်ရှင်း သာယာလှပစေရေးနှင့် ရေရှည် တည်တံ့ခိုင်မြဲရေးအတွက် စုပေါင်းသန့်ရှင်း လှုပ်ရှားမှုကို (၁၅.၉.၂၀၁၈) ရက်နေ့၊ နံနက်ပိုင်းတွင် ငွေဆောင်ကမ်းခြေ Sunny Paradise Hotel အနီး ကမ်းခြေဆင်းလမ်းနှင့် ကမ်းခြေတစ်လျှောက်ရှိ စွန့်ပစ် အမှိုက်များ၊ ငွေဆောင်မြို့မ လမ်းမသန့်ရှင်းရေးဆိုင်ရာလုပ်ငန်းများကို စုပေါင်းသန့်ရှင်းရေး ပြုလုပ်ခဲ့ပါ သည်။

 

ငွေဆောင်ကမ်းခြေဒေသသည် ခရီးသွားလုပ်ငန်း အရှိန်အဟုန်တိုးတက်လာသည်နှင့်အမျှ ပြည် တွင်းပြည်ပ ခရီးသွား ဧည့်သည်များ နှစ်စဉ်တိုးတက်များပြားလာကာ ကမ်းခြေနှင့် သဘာဝပတ်ဝန်းကျင် ဂေဟစနစ်များ မပျက်စီးစေရေး၊ စည်းကမ်းမဲ့ စွန့်ပစ် အမှိုက်များ လျော့နည်းကျဆင်းရေး၊ ကမ်းခြေဒေသ သဘာဝအလှများ ထိန်းသိမ်းစောင့်ရှောက်နိုင်ရေး၊ ပြည်သူလူထုများ အသိပညာရရှိလာကာ သန့်ရှင်းကျန်း မာပြီး အမှိုက်ကင်းစင်သော ပတ်ဝန်းကျင်ကောင်းများ ပေါ်ထွန်းလာစေရေး ရည်ရွယ်ကာ စုပေါင်းသန့်ရှင်း ရေးလှုပ်ရှားမှုကို ပူးပေါင်းဆောင်ရွက်ကြခြင်း ဖြစ်ပါသည်။

 

 

အဆိုပါ ကမ္ဘာ့သန့်ရှင်းရေးအထိမ်းအမှတ် စုပေါင်းသန့်ရှင်းရေးလှုပ်ရှားမှုကို ဟိုတယ်နှင့်ခရီးသွား ညွှန်ကြားမှုဦးစီးဌာန၊ ငွေဆောင်ရုံးခွဲ တာဝန်ခံနှင့် ဝန်ထမ်းများ၊ ငွေဆောင်ဟိုတယ်ဇုန် GM/ Manager များနှင့် ဟိုတယ်အသီးသီးမှ ဝန်ထမ်းများ၊ Trash Hero Ngwe Saung အမှိုက်ကောက် သူရဲကောင်း အဖွဲ့များ စုစုပေါင်းအင်အား (၁၇၅) ဦးခန့် ပူးပေါင်းပါဝင်ဆောင်ရွက်ခဲ့ပြီး ၂၀၁၈ ခုနှစ်အတွင်း ကမ်းခြေ သန့်ရှင်းသာယာလှပစေရေး လှုပ်ရှားမှုကို ယခုအကြိမ် အပါအဝင် (၇) ကြိမ်မြောက် ဆောင်ရွက်ခဲ့ခြင်းဖြစ် ပါကြောင်း သတင်းရရှိပါသည်။

ပြည်ထောင်စုဝန်ကြီး ဦးအုန်းမောင် မြန်မာ့ခရီးသွားလုပ်ငန်း အမှတ်တံဆိပ်အသစ် မိတ်ဆက်ပွဲ အခမ်းအနားသို့ တက်ရောက်


၂၀၁၈ ခုနှစ် စက်တင်ဘာလ ၁၅ ရက်
ဟိုတယ်နှင့်ခရီးသွားလာရေးဝန်ကြီးဌာန၊ ပြည်ထောင်စုဝန်ကြီး ဦးအုန်းမောင်သည် ယနေ့ နေ့လည် ပိုင်းတွင် ရန်ကုန်မြို့ ၊ Pullman Yangon Centrepoint Hotel ၌ ပြုလုပ်သည့် မြန်မာ့ခရီးသွားလုပ်ငန်း အမှတ်တံဆိပ် အသစ်ဖြစ်သော Myanmar:be enchanted (စွဲမက်ဖွယ်ရာပြည်မြန်မာ) မိတ်ဆက်ခြင်း အခမ်းအနားသို့ တက်ရောက်၍ အမှာစကား ပြောကြားပါသည်။

 

ပြည်ထောင်စုဝန်ကြီးမှ အမှာစကားပြောကြားရာတွင် ယနေ့ခရီးသွားလုပ်ငန်းသည် နည်းပညာများ ပြောင်းလဲမှုများနှင့်အတူ ခရီးသွားလုပ်ငန်း အကောင်အထည်ဖော်မှုများသည်လည်း ဒီဂျစ်တယ် နည်း ပညာများ အသုံးပြု၍ အကောင်အထည်ဖော်လျက်ရှိကြောင်း ၊ မြန်မာနိုင်ငံခရီးသွားလုပ်ငန်းရဲ့အမှတ် တံဆိပ်ဖြစ်တဲ့ Myanmar : Let the Journey Begin ကို၂၀၁၃ ခုနှစ်တွင် စတင် အသုံးပြုခဲ့ပါကြောင်း၊ ထို့အပြင် ယခုမျက်မှောက် မြန်မာနိုင်ငံရဲ့ ခရီးသွားလုပ်ငန်းသည် အစပြုနေဆဲအဆင့်မဟုတ်ပဲ အရှိန်ရလာ ပြီဖြစ်လို့ အမှတ်တံဆိပ်အသစ်ဖြင့် ပြန်လည်မြှင့်တင်နိုင်ရန် ဆောင်ရွက်ခဲ့ရာမှာ ယနေ့သည် အမှတ် တံဆိပ်အသစ်ကို ခရီးသွားလုပ်ငန်းနှင့် ဆက်စပ်သည့် ပုဂ္ဂိုလ်များအားလုံးကို အသိပေး မိတ်ဆက်သည့် အခမ်းအနားဖြစ်ကြောင်း၊ ခရီးသွားလုပ်ငန်း ဖွံ့ဖြိုးတိုးတက်ရေးအတွက် ဖွဲ့စည်းထားတဲ့ သက်ဆိုင်ရာ ကော်မတီများ၊ ညီနောင်အသင်းများအနေဖြင့်လည်း ယခု မိတ်ဆက်သည့် တံဆိပ်အသစ်ကို အသုံးပြုဖို့နှင့် မြှင့်တင်ကြော်ငြာဖို့ ဆောင်ရွက်သွားကြစေလိုကြောင်း ၊ လာမည့် JATA Tourism Expo 2018 မှာလည်း တံဆိပ်အသစ်ကို နိုင်ငံတကာသို့ မြှင့်တင်ကြော်ငြာခြင်းဖြင့် ခရီးသွားများ ပိုမိုလာရောက် လည်ပတ်ကြ မယ်လို့ယုံကြည်ပါကြောင်း၊ ခရီးသွားလုပ်ငန်း အမှတ်တံဆိပ်အသစ်ဖြစ်သည့် Myanmar : Be Enchanted အကောင်အထည်ဖော်ရာမှာ ဝိုင်းဝန်းပူးပေါင်း ဆောင်ရွက်ကြပါလို့မှာကြားလိုကြောင်း စသည်ဖြင့် ပြောကြားခဲ့ပါသည်။

 

ထို့နောက် ဟိုတယ်နှင့်ခရီးသွားလာရေးဝန်ကြီးဌာနမှ တာဝန်ရှိသူများနှင့် မြန်မာနိုင်ငံခရီးသွား လုပ်ငန်း ဈေးကွက်မြှင့်တင်ရေးအသင်းမှ တာဝန်ရှိသူများက ခရီးသွားလုပ်ငန်း အမှတ်တံဆိပ်အသစ်နှင့် ပတ်သက်သည်များကို ရှင်းလင်းပြောကြားခဲ့ရာ တက်ရောက်လာသည့် ဧည့်သည်များနှင့် စာနယ်ဇင်းများမှ သိရှိလိုသည်များကို မေးမြန်းခဲ့ကြပြီး တာဝန်ရှိသူများမှ ပြန်လည်ဖြေကြားပေးခဲ့ပါသည်။
အဆိုပါအခမ်းအနားသို့ ပြည်ထောင်စုဝန်ကြီးနှင့်အတူ ရန်ကုန်တိုင်းဒေသကြီး ရခိုင်တိုင်းရင်းသား လူမျိုးရေးရာဝန်ကြီး ဦးဇော်အေးမောင် ၊ ဟိုတယ်နှင့်ခရီးသွားလာရေးဝန်ကြီးဌာနမှ တာဝန်ရှိသူများ ၊ မြန်မာနိုင်ငံခရီးသွားလုပ်ငန်းအဖွဲ့ချုပ်နှင့် ညီနောင်အသင်းများမှ တာဝန်ရှိသူများနှင့် ဟိုတယ်နှင့် ခရီးသွား လုပ်ငန်းနယ်ပယ်ရှိ လုပ်ငန်းရှင်များ တက်ရောက်ခဲ့ကြကြောင်း သတင်းရရှိပါသည်။