- Latest Information for Travel
- အချက်အလက်
- မြန်မာနိုင်ငံသို့ လှမ်းလာခဲ့ပါ
- စိတ်ဝင်စားဖွယ်ရာများ
- ၀န်ဆောင်မှုများ
- လမ်းညွှန်ချက်နှင့်အရင်း အမြစ်များ
- သတင်းနှင့်ကြေငြာချက်များ
- လုပ်ငန်းတာဝန်
စိမ်းလန်းသော တောင်တန်းများနှင့် လွှမ်းခြုံထားကာ သာယာလှပသော ရေမြေတောတောင် များနှင့် ပြည့်နှက်နေပြီး မျိုးစိတ်ပေါင်းများစွာ၏ မှီခိုအားထားရာ ရေအရင်းအမြစ်များ ပေါကြွယ်ဝသော နိုင်ငံသည် သဘာဝပတ်ဝန်းကျင်ကို ချစ်မြတ်နိုးသူများအဖို့ ပြီးပြည့်စုံသော နေရာတစ်ခုဖြစ်သည်။
မြန်မာလူမျိုးတို့၏ အံ့ဩဖွယ် ခမ်းနားသော ယဉ်ကျေးမှုများနှင့် ဓလေ့ထုံးတမ်းများသည် မြန်မာတို့၏ လူနေမှုဘဝကို အရောင်ပြန်ဟပ်စေပါသည်။ စိတ်ဝင်စားဖွယ် ပွဲတော်များ၊ အရသာရှိသော အစားအစာများနှင့် လှပသော ရိုးရာဓလေ့များကို တစ်လတစ်မျိုး မရိုးရ အောင် တွေ့ကြုံခံစားနိုင်ပြီး တစ်နှစ်ပတ်လုံးပျော်ရွှင်စရာများနှင့် ပြည့်နှက်နေသော နိုင်ငံ တစ်နိုင်ငံဖြစ်ပါသည်။
အထူးသဖြင့် မြန်မာနိုင်ငံတွင် ဗုဒ္ဓဘာသာနှင့်သက်ဆိုင်သော ဘာသာရေးအထိမ်းအမှတ် နေရာများစွာတည်ရှိပါသည်။ကိုးကွယ်ယုံကြည်မှုနှင့်ဆိုင်သော ဘုရားစေတီများ၊ သာသနာ့ အဆောက်အအုံများနှင့် ဘုန်းကြီးကျောင်းများကို နိုင်ငံတစ်ဝှမ်း စိတ်ဝင်စားဖွယ် မြင်တွေ့နိုင်ပါသည်။
ရှည်လျားသော အတိတ်သမိုင်းကြောင်းတွင် မြန်မာနိုင်ငံသည် ရှေးကျသော ပျူလူမျိုးများ၏ ဌာနေဖြစ်ခဲ့သည့်အပြင် ကျောက်ခေတ်၏ သမိုင်းအထောက်အထားများကို ရှေးဟောင်း သုတေသနပညာရှင်များမှ ရှာဖွေတွေ့ရှိထားပါသည်။
ဧည့်သည်များသည် ဒေသခံတစ်ချို့၏ သွားများနီနေသည်ကို တွေ့မြင်ပါ လိမ့်မည်။ အကြောင်းမှာ ဆေးရွက်ကြီး၊ ကွမ်းသီး၊ ထုံး၊ အမွှေးအကြိုင်များကို ကွမ်းရွက်ထဲတွင် ထည့် ၍ စားခြင်းမှာ ရှေးမြန်မာတို့၏ ဓလေ့တစ်ခုဖြစ်ခြင်းကြောင့်ဖြစ်ပါသည်။
